ودي فزعتك يا النشاما

[خالدالبلوي"الكثير"]

اخواني انا عضو معكم باالمنتدى ومن اهل الشمال
واحب قبيلة عتيبه ورجالها وارجو من له معرفه
بمستشفى الايمان العام بمدينة الرياض مراسلتي على الخاص
وارسال جواله لا اتمكن من الاتصال
به حيث ان هناك مريض اصيب بجلطه منذو فتره قريبه وحالته الصحيه سيئه
وغريب وبحاجه لعملية
قسطره باالقلب ودفع اللي وراه واللي قدامه على المستشفيات الخاصه
والان له موعد بمستشفى
الايمان لمقابلة استشاري القلب وتحديد موعد العمليه والموعد بعيد
وقد يتوفى المسكين قبل موعده مع الطبيب,,
والخدمه اللي ارجوها من اخواني عرضه على الاستشاري
في اقرب وقت ممكن
عبر تقديم الموعد واسأل الله لكم الصحه والعافيه
وان يحفظكم من كل مكروه
وان لا يحرمكم اجرنا

[خالدالبلوي"الكثير"]

وين النشاما اهل الفزعه سكان الرياض مهو معقول يشاهد الموضوع عدد من الاخوان ولا احد
يرد ولو باالدعاء للمريض وش صاير باالدنيا؟؟ ولكن املنا باالخيرين كبير والله من ورى القصد..

[عبد الكريم العازمي]

خالد الله يشفي مريضكم ويعينكم على مُبتلاكم



ووالله ماني من أهل الرياض ولا لي عرف بالمستشفى المقصود


والله يعينك وأهل الخير واجد

[خالدالبلوي"الكثير"]

خالد الله يشفي مريضكم ويعينكم على مُبتلاكم



ووالله ماني من أهل الرياض ولا لي عرف بالمستشفى المقصود


والله يعينك وأهل الخير واجد

تسلم اخي الفاضل وجزاك الله خير

[نياف العضياني]

الله يارب يالرحمن ياعزيز الجاه في هالساعه المباركه في اخر الليل انك تشفي مريضكم ومرضا المسلمين جميع ...,, والله يالبلوي لو اللي عرف بهالمستشفى والله لتبشر بعزك بس انا ياخوك من جده مانيب من الرياض

[ابن المحايا]

الله يشفيه ويشفي مرضى المسلمين


وانا اخوك لو اعرف احد في المستشفى مانيب مقصر معك لكن للاسف ما اعرف احد


لكن نصيحه لوجه الله


(حاول انك تروح لمدينة الملك فهد الطبيه ولا المستشفى الجامعي ولا الشميسي على اقل تقدير)


لان مستشفى الايمان اسوأ مستشفى في الرياض فنصيحة ان قدرت تروح لاحد هالمستشفيات (لاتتردد ورح)


وان شاء الله تشوف احد الاعضاء يساعدك

تقديري

[محمد بن غازي]

وين النشاما اهل الفزعه سكان الرياض مهو معقول يشاهد الموضوع عدد من الاخوان ولا احد
يرد ولو باالدعاء للمريض وش صاير باالدنيا؟؟ ولكن املنا باالخيرين كبير والله من ورى القصد..

لاتستعجل ... موضوعك حاطه في ساعه متأخره من الليل ... وبعده بنص ساعه ترد بتذمر ... ؟؟!!!!


لازال الخير في أمة محمد ...


الله يشفي مريضكم ويشفي جميع مرضى المسلمين ...

[خالدالبلوي"الكثير"]

الله يارب يالرحمن ياعزيز الجاه في هالساعه المباركه في اخر الليل انك تشفي مريضكم ومرضا المسلمين جميع ...,, والله يالبلوي لو اللي عرف بهالمستشفى والله لتبشر بعزك بس انا ياخوك من جده مانيب من الرياض

الله يقبل دعوتك اخي الفاضل ومشكور على مشاعرك الطيبه والغير مستغربه منكم والله يفرج
هم الجميع

[خالدالبلوي"الكثير"]

الله يشفيه ويشفي مرضى المسلمين


وانا اخوك لو اعرف احد في المستشفى مانيب مقصر معك لكن للاسف ما اعرف احد


لكن نصيحه لوجه الله


(حاول انك تروح لمدينة الملك فهد الطبيه ولا المستشفى الجامعي ولا الشميسي على اقل تقدير)


لان مستشفى الايمان اسوأ مستشفى في الرياض فنصيحة ان قدرت تروح لاحد هالمستشفيات (لاتتردد ورح)


وان شاء الله تشوف احد الاعضاء يساعدك

تقديري

بارك الله فيك اخي الفاضل ومستشفى الايمان هو الوحيد اللي استقبل الحاله ولكن مواعيده
طويله ولكن املي باالاخوان كبير ووفق الله الجميع

[الرومي]

الله يشفية مما هو فية عاجل غير اجل .

لتعلم يالبلوي ان من لة استطاعة بالمساعدة سوا من ابناء عتيبة او من غيرهم لن يتوانى لحظة واحدة في مد يد المساعدة للمريض .

[نايف المغيبي]

اسال الله ان يشفي مرضانا ومرضى المسلمين

[خالدالبلوي"الكثير"]

اشكر جميع الاخوان على مشاعرهم الطيبه ولازلت انتظر من يساعدنا في موضوعنا

[ابو ضيف الله]

والله يا خالد اني اتمنى لو كان في يدي شيء

ولكن للاسف اول مره اسمع عن هذا المستشفى منك الان

ونسأل الله ان يشفي مرضيكم ويلبسه ثوب الصحه