بعد القرقاح(العياضي يطش العمامه)

[فهد الزهراني]

مقطع طحت عليه ومن تاريخه انه جديد

ومكتوب انه في العيد

محاورة فيها حماس بين صفوف العتبان وحرب وهي بين معتق وبين الغبيوي

هذا جزء فقط يتعلق بطشة العمامة فقط وليس الطاروق كامل

width=400 height=350

[الرحاال]

لاهنت اخوي فهد وموقف القرقاح لايلام عليه ومعتق يريد تشجيع الصفوف

تقبل تحياتي // الرحال

[ابن المحايا]

نطل (حذف) الشمغ في ساحة المحاورة لا اجد له اي تفسير صراحة



يمكن في ناس تقول انها تزيد الحماس ومن هذا القبيل (وهاذي وجهة نظر)


لكن انا مقتنع ان نطل(حذف) الشمغ (لامور اكبر من المحاورات) وهذا رأيي


لاهنت يابو سعود على النقل دائما مبدع في مواضيعك

[رائد الكيرعاني القحطاني]

يا بين الفرق بين الثنين



فلاح نطل شماغه من سطر وحماس لربعه وموقف يحتّم عليه ذلك




أما معتق ما نطل الشماغ عانه ماسكه في يده !! فقط ليحمّس الصفوف




لاهنت يا فهد

[عبدالمجيد النفيعي]

أنا مع أخوي ابن المحايا نطل الشماغ يكون في أمور أكبر من المحاورات لاكن فلاح القرقاح كان عذره بأن تركي الميزاني أحرجه يقول إن صفه من أبناء عمومته مطير وصف القحطاني عتبان يقول الميزاني (وين ربعك يوم علقت فالعتبان)

ثم عبر القرقاح بأنه بحفلهم وهو ضيف عندهم والشك زايل وحذف شماغه من باب التقدير

وهذا المقطع

http://www.youtube.com/watch?v=uwg0qTADzbA

[فهد الزهراني]

مشكورين

انا نقلت المقطع لأسمع الاراء حول الظاهره وكنت اتوقع أقرأ ماكتب في الاعلى من آراء وأنا اتفق معكم فيها لا ارى لها مبرر

حتى فلاح هناك من لامه على فعله...

عموما اضحكني معتق احسه تردد بغى يطشها وتردد

تحياتي للجميع

[عبدالمجيد النفيعي]

عادي غليّم وشايش :) <<< تكفى يالشايب :)

[الجوراسي]

انا مع معتق لتحميس الصفوف

بس بيت تركي رفع حرارة الملعبة فوق 100

[الباااسل]

تلقاه مخطط على نطلة الشماغ من عصر يبي يلفت الانتباه وبس :)

[ابو فايح]

فرق كبير جدا بين الموقفين


القرقاح الله لا يلومه شاش رأسه بعد بيت تركي وبعد ما قاموا القحاطنين بعضهم ما يعرف يلعب بس وقف فالصف وبعضهم من غير شماغ



مع العلم أني أرى أن طشة الشماغ في أكبر من ذلك مثل ما قالوا الأخوان لكن القرقاح ما ينلام


لاهنت يا فهد

[الشخص العاقل]

معتق ماطش عمامته رفع شماغه لعيون ربعه قبيلة حرب وربعه ماقصروا معه وقفوا معاه بالصف وبكل محل والله ومن يرفع شماغه وعقاله لربعه دليل على ان ربعه مقدرين له وهو مقدر ربعه



شكرا لك يالزهراني

[ابن طامي]

،

ياحليله

[حسن إبراهيم الدجيماء]

الله يوم خلق .. فرق
..
ونطلة العمامه ماهي بسيطه
..
شاكر لك يابن زهران
..
إحترامي !!

[لورانس روق]

في حفله للروقه من عتيبه
وكان الشعراء
1-ملفي المروقي
2-تركي الميزاني(تركي2000)
3-فلاح القرقاح
وقد كانت حفله جماهريه وكانت الصفوف حيه ومتحمسه وكان صف للعتبان وصف للمطران
وزادت الصفوف
وعند حوالي الساعة 1:45 بعد منتصف الليل طلب صاحب الحفل أن يلعب تركي2000 وفلاح القرقاح
في طاروق أخير ، وعندها أستغل الشاعر فلاح القرقاح الموقف وطلب فزعة العتبان معه في الصفوف
ولاكنه ضيف عليهم في حفلهم فقال:





فــــــــــلاح القــــــــــرقاح

يا عتيبه ساعدوا ضيفكم بالصـف ساعـه

وأنتم أهل الماقف اللي يشرف والشجاعه

كان صف مطير واثق شرا تركي ما باعه

ولـعـوهـا نـــار والـنــار مــــن شـبـابـهـا


يا لا لاله لا تقلل من حماسـك يالمطـاري .. يـا لا لالـه نبغـي الليلـة نولعـهـا حريـقـه

يــا لا لالـــه والله أنـــي داري والله داري .. يا لا لاله من بغى الطاروق دورله طريقه





وتحمست صفوف العتبان لنداء القرقاح
وكان ضمن الصفوف زميله ملفي المروقي الذي اجاب لنداء القرقاح
وبعدها جاء دور تركي2000
وقال:


تــــــــــركي ألــــــــــفين


صفنا ثابت من الوقت الأول ياقحطاني


تدري أن صفوفنا ما تغيرها الزمانـي

وين ربعك يوم علقت فالعتبان عانـي

ولعوها نـار والنـار مـن شبابهـا


يا لا لاله صاحبك فالمعرفه بايع وشاري ... يا لا لاله والحقيقه ما يقول ألا الحقيقـه


يا لا لاله يالعبيدي طاريٍ فالصدر طاري ... يا لا لاله يالرفيق اللي علومه مع رفيقه



وكان يقصد بمواله انك يا فلاح معلق نفسك فالعتبان زي العاني وين ربعك قحطان

وعندها استثار القحاطين الذين كانوا حاضرين في الحفل من ضمن الجماهير
وقاموا القحاطين وكان لهم صفوف كبيره
وصار الوضع فوضى مما أستصعب تنظيم الصفوف
وطلب منهم تركي2000تنظيم الصفوف ليتم المحاوره
وظل يردد مواله عدة مرات حتى انتظمت الصفوف
وبعدها جاء دور الشاعر فلاح القرقاح
وقال:

فــــــــــلاح القــــــــــرقاح

أذكـر العتبـان فـي حفلهـم والشـك زايــل ... وأن زهمت دروع جنبي يسوون الهوايل


والله أن أنطل شماغي لهم والراس طايل ... ولـعـوهـا نـــار والـنــار مـــن شـبـابـهـا

000000000

وبعدها رمى فلاح القرقاح شماغه على صفوف العتبان



تكريما لهم على وقفتهم معه
وما كان منهم إلا أن إنطلقوا نحو الشاعر فلاح القرقاح
وحملوه فوق اكتافهم حتى أوصلوه إلى سيارته
وعندها انتهى الحفل
منقووول

[فايز بن سرحان الثبيتي]

صاحبك فالمعرفه بايع وشاري
والحقيقه ما يقول ألا الحقيقـه


يالعبيدي طاريٍ فالصدر طاري
يالرفيق اللي علومه مع رفيقه


لفت انتباهي اكثر شيء ( ركاكة ) البيوت من الميزاني في رده على القرقاح "


شكرا يافهد على اتاحة المساحه للمناقشه حول ظاهره غريبه في ميدان المحاورة ارى ان وجهات النظر تختلف حول قبولها ورفضها "

["الباشق"]

ودي انه يوم رفع غترته

طشها على الصف


ـــــــــــــــــــــــــــــــــــ

[فهد علي العازمي]

يسمع بطشة العمامة

اجل ينزلها ويلبسهااااا

[خالد@الدلبحي]

،

ياحليله

:rolleyes:


:D

[رفيق عتيبة]

والله ماحد يلومني في رفقة العتبان

حزام ونعم الحزام

واشكر صاحب الموضوع اللي جاب لي الجنان آخر الليل

الله يخليكم ويطو ل اعماركم على طاعته

يابيضان الوجيه

[رائد المقاطي]

عز ان ماخاب القرقاح وجموله العتبان والقحاطين والمطران ضاعت علومهم