خمسة رجال يفتكون ربعهم من حرجه

[نادر وجودي]

هذي قصة دارت احداثها مابين ذوي عطيه من عتيبه وقبيلة حرب
غزو العطوات على الحروب ويوم قربو منهم ارسلو لهم السبر للحروب

واتفقو على انهم يصبحونهم ويوم اصبحو ليا الحروب صاكين عليهم مع
جميع الجهات نادو الحروب بالمنع ورفضوا العطوات منعهم .. وطلع من
العطوات خمسة فرسان اللي هم

الفارس:مذكر بن حمد المغيري
والفارس:فاجر بن شليويح
والاخوان الفريس: مزيد وزيد عيال المحاص المغيري
والفارس :جدعان بن بشير المغيري

وطلعو وترامو هم والحروب واحتمى الرمي بينهم لكن الفرسان فتحوا
لهم جهه من الجهات ورجعو لربعهم واطلعوهم من بين الحروب وهذي
القصه مختصره
وفكهم الله من هالحرجه بسبة هالفرسان الخمسه

وقال فاجر مقولته المشهوره((لو ربعي المغايره ما اعطي الحق طلابه))


وكذالك
تمثل الفارس زيد بن المحاص واصف المعركه كامله

يقول بن المحاص:

ان وصلت الشيخ ياجدعان قله........علمه بفعول اهل خمس الركايب

يوم جانا جيشهم ماهوب قله..........خيلهم قدامنا تبدا الزرايب

صوتو بالمنع قلنا المنـــع لـلـه.........في نهار اليوم عنا المنع غايب

وأمطرو فينا وجا للقفش جله.........حرجتن منها رعيب القلب شايب

مزنتن ندرى علــينا مــستهله.........سيلها البارود دمي الصوايب

ثم حولنا وبعنـــا الــروح لــلـه........لين بجدنا الدرب قدام الركايب

وقعت فالكور عنها مستجلــه.........معطين سار النحر ماني بهايب

[ولد حبرود]

ونعم والله ربعنا ذي عطيه افعالهم على راس مابان

ومشكور جزيل الشكر يالنادر على ما تبديه من اهتمام بتاريخنا

ويعطيك العافيه

[نايف المغيبي]

والنعم بذوي عطيه

[الهطال]

الأخ العزيز نادر وجودي

أشكرك على إيرادك لهذه القصة التي تدل على شجاعة ذوي عطية وتكاتفهم على غيرهم

واتمنى أن تتحفنا بتفصيل أكثر لهذه القصة في القريب العاجل ..

[نادر وجودي]

اخوي هطال اشكر ع المرور

لكن القصه تفاصيلها ما اعرفها بضبط انتم اولا بهالقصه

والشايب ما علمني الا بهذي اكيد لها تفصيل وانشاء الله انزلها عن قريب

[بدر بن ثعلي]

والله وسبع انعام بذوي عطية ...

لا هنت يا الغالي

[وصل الشهيب]

طرح نادر يانادر

تحياتي

[الصويت الثبيتي العتيبي]

لااله الا الله