مشعل جويبر الجعيد
17-Nov-2010, 04:32 PM
إليكم هذا البوح اتمنى ان ينال استحسانكم واعجابكم
ترى التجافي فالنهايه يا خلي = يبعد قلوب احباب و يقرِّب احباب
ليتك تجي و تشوف وش صايرن لي = حتى تميِّز بين كرهك و الإعجاب
من بعد ما قفيت يا كل كلي = معاد تحمل دمعتي روس الأهداب
اصارع الدمعه غرور و تعلي = من خوف لاكسر شوكتي بين الأصحاب
لكن تعصاني وترجع تهلي = لا طاب لي وقتي و لا خاطري طاب
لو ان ضلع طويق جاين محلي = يمديه من شي تسويه قد ذاب
لا جيت ابا حل العقد ما تحلي = من دونها حراس واقفال و ابواب
وانته عليَّه بالخطايا تسلي = سيف اتهامك واصبح القلب منصاب
مغِير تتبعلك سرابٍ مولي = والشك يرمي بك على حفرة الداب
ترى الكلام اللي وصلّك وصلّي = فالناس به حاقد و حاسد و كذاب
اطلب من الله كل ما جيت اصلي = انه يجازي كل من كان الأسباب
وسلامتكم
ترى التجافي فالنهايه يا خلي = يبعد قلوب احباب و يقرِّب احباب
ليتك تجي و تشوف وش صايرن لي = حتى تميِّز بين كرهك و الإعجاب
من بعد ما قفيت يا كل كلي = معاد تحمل دمعتي روس الأهداب
اصارع الدمعه غرور و تعلي = من خوف لاكسر شوكتي بين الأصحاب
لكن تعصاني وترجع تهلي = لا طاب لي وقتي و لا خاطري طاب
لو ان ضلع طويق جاين محلي = يمديه من شي تسويه قد ذاب
لا جيت ابا حل العقد ما تحلي = من دونها حراس واقفال و ابواب
وانته عليَّه بالخطايا تسلي = سيف اتهامك واصبح القلب منصاب
مغِير تتبعلك سرابٍ مولي = والشك يرمي بك على حفرة الداب
ترى الكلام اللي وصلّك وصلّي = فالناس به حاقد و حاسد و كذاب
اطلب من الله كل ما جيت اصلي = انه يجازي كل من كان الأسباب
وسلامتكم