معجب ابغاااك!!

[خالد فواز الشيباني]

السلام عليكم ورحمة الله وبركاته..

يشرفني العب في منتدى الهيلا

واطلب الشاعر معجب

معك عبدالعزيز الشيباني
طلبت تغيير الاسم بس ماغيروه لحد الان..


ياسلامي سلامٍ لرجال الكرامي=الرجال الكرام اهل الوفا والحميه
معجب اقرب تعال ابغاك عندي كلامي=والمواقف قويه والمعاني قويه

[علي الثبيتي]

عبدالعزيز صح لسااااانك

ونتتظر معجب وصح لسااااانه

[خالد فواز الشيباني]

صح بدنك

ولاهنت

[معجب العتيبي]

مرحبا بالمسلم عقب رد السلامي=عد ماهلت امطار الهدا والحويه

انت عبدالعزيز اسمك حروفه تمامي=ليش حطيت خالد والحروف ابجديه

[معجب العتيبي]

ابو فهد


مرااحب


نورت الصفحات

[علي الثبيتي]

انت عبدالعزيز اسمك حروفه تمام

ليش حطيت خالد والحروف ابجديه

لله درك يابو سلطان صح لسااانك

السلامي

تمامي

[خالد فواز الشيباني]

صح الساانك
وانتظرني
بتعشاء وارجع

[خالد فواز الشيباني]

شكرا على التوضيح يالثبيتي..


البقا يالمرحب مير شد الحزامي=لاتصير الضحيه قبل وقت الضحيه
خالد اللي تقوله ياولد من عمامي=بيننا ماش فرق ونحتمي كل هيه

[أبوشنبات]

صح السنتكم متابع,,

[خالد فواز الشيباني]

صح بدنك يابوشنبات

[معجب العتيبي]

ماش حملٍ يابن مشيب يوجّب مقامي=وانت كلمتك هذي بعتبرها خطيه

والنعم فيه لكن لاتصير الحرامي=ينتحل شخص غيره عم والا خويه

[خالد فواز الشيباني]

لاتهاون ترى مانت برشيد الزلامي=ثم نوردك يالروقي حياض المنيه
انت يامغيري لعاد تسر الظلامي=تابع افلام والاتابع المسرحيه

[معجب العتيبي]

وين راح تفكيرك هههههه

الليل الليل



من وصل مبتغاه يقال شخصٍ عصامي=ومن يقدم لي الحسنه ماجازيه سيه

لاتزل الحدود ولاتعدا النظامي=ثم نكويك بالميسم ثمانين كيه

[خالد فواز الشيباني]

انت فاهم ولكن بس تبغا محامي=والمحامي يبا يمسح عليك القضيه
من تعدا حدوده نخزمه بالخزامي=لين من فعلنا معاد يطر الرديه

[معجب العتيبي]

وانت في هرجةٍ مرّت عليك انهازمي=يابن مشيب تراني معتبرها عطيه

يابن مشيب لاتنهيها وتصبح ختامي=وانت راعي ترفق لاتضيع الرعيه

[معجب العتيبي]

ابن مشيب


صح لسانك وبدنك


الظاهر النوم بدا يغلبني


تصبح على خير

والجايات اكثر

[أبوشنبات]

صح السنتكم ولونكم رحتو بعيد ...