ثغره حسبها عبدالله الميزاني على سفر

[متابع هنا وهناك]

المحاوره بداية منقوله.

كما نعلم ان شعراء المحاوره يجب ان يتنبهوا لان لا يكون هناك ثغره في بيوتهم كما قالها محمد السناني .. وما اكثر المحاورات التي فيها قلب للمعنى على صاحبه

المحاوره لا اعلم ان كانت كامله ام لا لكن المهم ان هناك غلطه حسبها الميزاني على سفر واتوقع لو كانه السناني لـ استغلها ايضا



عبدالله الميزاني

سحابة مطرها من عتيبه على قحطان
بردها يقض الشامخ الزامي العالي

والا يافلاح انته رساله بلا عنوان
ويؤمن بها الاول ويكفر بها التالي


سفر الدغيلبي

ترى مايحدونك مثل ربعك العتبان
يذوب الجليد وينطح الصالي الصالي

انا الليله اكبر من طميه يابن ميزان
ولايازن الميزان وديان وجبالي


عبدالله الميزاني

بسيطه على سطح البسيطه جمل وحصان
وقدام لاترجع ورا ياعسل حالي

وابنشدك عن مقلعك من كشب ليش ووان
وتوي طرالي علم ماهو على بالي

"يقول عبدالله للجمهور يقولون جايتن من كشب طميه "


سفر الدغيلبي

ليا فقدت علوم المروه من الانسان
تراه ارخص ريالين من ثوبه البالي

تنشد واقول الك انشد المدن والسكان
دام الدير وتصير مثل الخلا الخالي


عبدالله الميزاني

يقال الكريم امقل والا الكريم معان
بغيت اتوارى فيك مدري يورالي

لياوين اباوديك يامحمل السلطان
ولاياسفر لاباس يابوشحم كالي


سفر الدغيلبي

توارى ورا واحد من اربوعك المطران
انا سعى على فرقاك لو اسري لحالي






وسلامتكم

::::
:::
::
:

[فهد علي العازمي]

لاهنت
ومثل هذي مايفوتها ذكي

بس على طول طلعت النفسية:d


الف شكـــر

[محمد ابن رووق]

مافيه ثغره ولاشي

سفر قال انه اكبر من طميه ولم يقل انه مثل طميه

وابنشدك عن مقلعك من كشب ليش ووان
وتوي طرالي علم ماهو على بالي

ووان من يوضح الكلمه لي


اما عن المقلوع من كشب وطميه فهذه ضد سوار الذهب ههههه

[متابع هنا وهناك]

ههههههههههههههههههههههههههههه الله يشفي ابوغازي ويبارك لنا في سفر


مشكور ياغالي على طلتك :)

[متابع هنا وهناك]

اخي ابن روق معليش تراها واضحه .. ولاني اقولها استنقاص من سفر لكن هذا الصحيح

وانت تعرف اغلب الشعراء يلتفون على بيوت الخصوم ان وجد مدخل

[ابن المحايا]

يالغالي فيه فرق بين


انا اكبر من طمية يابن ميزان


وبين


انا مثل طمية يابن ميزان



لو قال الثانية اقول معك حق


لكن الاولى مقصده من تشبيه نفسه بالعلو والشموخ ماهو بالاسم


مشكلة الميزاني سمع طاري طمية


وخمها على عماها


تحياتي

[متابع هنا وهناك]

عافاك الله يالذيب .. على راسي والله انت ورأيك



لك مني كل التقدير

[اسير الروح]

سفر يقول انا اكبــر من طميه ماقال مثل طميه

طبعا فيه فرق بينهم الانسان العادي يعرفه على طول ..

يعني مافيه لاثغره ولا شي ..




سفر الدغيلبي

ليا فقدت علوم المروه من الانسان
تراه ارخص ريالين من ثوبه البالي

الله ,,الله ..

مبدع كعادته ابوسعد ..

[فهد علي العازمي]

ليتها دور غير طمية

[خلف المطيري]

وش جاب هذا عند هذا اتقوا الله

الفرق واضح

ولايجوز المقارنه بينهم

الحق احق ان يتبع

لاهنتم جميع

[ابن المحايا]

استفسار بسيط:):)


الحين الموضوع يتكلم عن وجود ثغرة ؟؟ولايتكلم عن المستوى الشعري؟؟



اتوقع ان الجواب واضح:cool:

[ابو فايح]

ما أدري وين الثغره أصلا ؟؟؟


اذا قلت أنا أكبر من طميه يعني أنا طميه أو مثلها


وبعدين بيت الميزاني عليه مئه فالمئه ومن يعلم تاريخ القبائل يعلم أن كشب كانت لقبيلة مطير وبعد عدة معارك كانت الغلبه لعتيبه فيها أصبحت كشب من ديار عتيبه .

[منيرالروقي]

السؤال اللي يطرح نفسه :
وش هالثغره الفاضحه اللي فكها سفر على نفسه ؟ ووين استغلال الميزاني لها؟

قال انا اكبر من طمية
قال ليش مقلعك ووين

هب ياهالنقض اللي ماسمعنامثله ماشاالله على سواركم كيف لقا هالبيت؟


ألا ماتقول ياراع الموضوع ان هالدربكات من شهور إن قصدها تسويق الشاعر اللي ماينعزم من خلال حبيب وسفر أكثر شاعرين عتبان مطلوبين فالحفلات كود الله يرزقه باسبابهم

مالنا الا نقول رزقه بيجيه سوا عن طريق سفر وحبيب ولا عن طريق غيرهم والظاهر حفله فالسنة تكفيه

[متابع هنا وهناك]

ماشاالله على سواركم


ألا ماتقول ياراع الموضوع ان هالدربكات من شهور إن قصدها تسويق الشاعر




ليش اي عضو ينزل موضوع لعبدالله الميزاني معناها مطيري ؟؟!!!

[محمد ابن رووق]

وش جاب هذا عند هذا اتقوا الله

الفرق واضح

ولايجوز المقارنه بينهم

الحق احق ان يتبع

لاهنتم جميع


خلف وأنا اقرأ كتابتك استشكيت إنها خطبة جمعه


وش لايجوز المقارنه ليه سوار الذهب صحابي مايجوز المقارنه فيه مثلا


وش الحق احق بأن يتبع ليه فيه ناس تعبد قبور مثلا


قارن بين ابيات الشاعرين وبين مكامن التفوق

[خالد الثبيتي]

هنا الثغرة اذا ما خاب ظني

وابنشدك عن مقلعك من كشب ليش ووان
وتوي طرالي علم ماهو على بالي

حط سفر مكان طمية او شبهه بـ طمية
كأنه يقول ( مقلعك يا طمية )

و في رد سفر بعده , ما نقض بيته بالوجه الصحيح و الله اعلم

[الجهبذ]

لا ثغرة ولا شيء
لكن غالبا الشعراء يفتعلون امور ويحاولون
فتح ابواب حتى من لاشيء والمشكلة اذا كانت بهذه الدناءة
واللي اشوفه ان سفر ذكر ان الرخيص ينزل لهذه المستويات ولم ينزل مع عبد الله
اشك في بعض الاسماء اللي تنتسب لعتيبة واظن خلفها صديق مطيري .
لفته لخلف يا خلف عبارة الحق احق ان يتبع تستخدم في أمر شرعي وانت اذا انسان متعلم تدرك هذا الشيء




اهداء لخلف ومتابع



http://www.youtube.com/watch?v=UbYK4tQmJSQ

[العفريت]

مافيه لا ثغره ولا شي

سفر الدغيبلي شاعر ما يفوت عليه شي

لا في فتل ولا في نقض

شاعر حكيم ولا ينزل بالمحاورة ولا يرضى بالنزول من اي شاعر كان

للامام يا شاعر عتيبه ولا يهمك الحاقدون

تحياتي للاداره والمشرف والاعضاء كلبوهم

[خالد الثبيتي]

لا ثغرة ولا شيء
لكن غالبا الشعراء يفتعلون امور ويحاولون
فتح ابواب حتى من لاشيء والمشكلة اذا كانت بهذه الدناءة
واللي اشوفه ان سفر ذكر ان الرخيص ينزل لهذه المستويات ولم ينزل مع عبد الله
اشك في بعض الاسماء اللي تنتسب لعتيبة واظن خلفها صديق مطيري .لفته لخلف يا خلف عبارة الحق احق ان يتبع تستخدم في أمر شرعي وانت اذا انسان متعلم تدرك هذا الشيء




اهداء لخلف ومتابع



http://www.youtube.com/watch?v=ubyk4tqmjsq

و المطيري وش هو مو مسلم ؟؟
قول الحق ما يعرف عتيبي و مطيري . و المسلم يقول الحق حتى لو على رقبته
رجاءً لا تدخل بالموضوع حزازيات اكثر من اللازم :)
الدعوة طرح و وجهات نظر مقابلة فقط لا غير
هدّ اعصابك :d

[العفريت]

اسحب كلامي واسف جدا جدا

شاعر الهيلا سفر

شاعر نقض وفتل وصوت وذكي ولا ينزل فالمحاورات

الي الامام ياسفر

ولاعزاء للحاقدين

مابقا الا اسوار انقارنه ويا سفر


اكيد سفر ما خلق اشعر منه على وجه الارض

[العفريت]

و المطيري وش هو مو مسلم ؟؟
قول الحق ما يعرف عتيبي و مطيري . و المسلم يقول الحق حتى لو على رقبته
رجاءً لا تدخل بالموضوع حزازيات اكثر من اللازم :)
الدعوة طرح و وجهات نظر مقابلة فقط لا غير
هدّ اعصابك :d

ياحلو طرح وجهات النظر

بس ياشين حذف المشاركات

اتمنى من الاداره ماتحذف مشاركات

واذا كانت الاداره حياديه وصادقه وتؤمن بالنقاش

ليش كل ما اكتب مشاركه يحذفونها

انا اعتبر هذه المشاركه محك حقيقي

ارجوا ان لاتحذفوا تعليقي وان كنت متيقن من انهم سيحذوفنها

طيب اذا ماتبغون مناقشه الغوا القسم اجعلوه لتنزيل المحاورات ويقفل الموضوع على المشاركه

الاساسيه

اما تعملون غير ماتدعون هذا خطأ

اسالكم بالله ان لا تحذفوا هذا التعليق

اعتبروها وجهة نظر وتقبلوا الراي والراي الاخر

لماذا ؟

[الجوراسي]

قلتلك قبل كذا يامتابع خلك متابع هناك ونزل مواضيعك على راحتك مااحد بيعارضك فيها

والموضوع تشعب وصار مقارنه بين سفر واعبدالله وعنصرية مالها داعي

وهذه دائما نهاية مواضيع الاثارة البعيده عن الواقع

والواقع يقول ان ليس هناك ثغرة
انتهى

[اسير الروح]

المستوى تحدده وجهات النظر فيه من يشوف سفر اقوى وفيه من يشوف العكس وكل واحد حر في رايه

والموضوع هنا يتكلم عن وجود ثغره ام لا والصحيح ليس هناك ثغره

وبيت عبدالله ضده .. يعني ماتبون تقولون ان مافيه ثغره قعدتو كل واحد يقول فلان افضل وفلان افضل

وهذي وجهات نظر نحترمها بس ماهو مكانها هالموضوع

وش هو ذنب سفر اذا عبدالله مافهم او ماسمع بيته زين .. يمكن يكون جاي وهو خارج التغطيه..

[متابع هنا وهناك]

قلتلك قبل كذا يامتابع خلك متابع هناك ونزل مواضيعك على راحتك مااحد بيعارضك فيها

والموضوع تشعب وصار مقارنه بين سفر واعبدالله وعنصرية مالها داعي

وهذه دائما نهاية مواضيع الاثارة البعيده عن الواقع

والواقع يقول ان ليس هناك ثغرة
انتهى


هل افهم من كلامك انك تريد اسكات قلمي ؟؟ هل افهم انها طرده من هذا المنتدى ؟

عفوا اخي فالمنتدى ليس باسمك .. والمنتدى ايضا ليس مكتوب عليه "امدح شعار عتيبه والا شف لك منتديات ثانيه" ... هذا ردي على السطر الاول من مشاركتك


اما على السطر الثاني وتشعب الموضوع فهذه ليست مشكلتي لو تشعب الموضوع فهذه اراء الاعضاء ولاتستطيع اقصائهم عن ذلك لان كلن له رأي وتفسير


واما على السطر الثالث وقولتك ان هذا نهاية مواضيع الاثاره ودي اسألك شلون حكمت على نهايته ؟ وبأي صفه تم حكمك ؟



واما السطر الاخير وهو المهم انه ليس هناك ثغره .. شكرا للتوضيح وهذا هو المطلوب منك كعضو في منتدى الهيلا وهو توضيح رأيك

.................................................. .......................
.................................................. .......................
.................................................. .....................


ودي اقولك شي ولكل الاعضاء هنا انا عندي شعراء محاوره احب اسمع لهم بكثره واحب اتناقش بمواضيع محاوراتهم جدا ومنهم حبيبب العازمي وسوار الذهب والزلامي والسناني

ان كان تفسيري لمحاوره لاي منهما في المستقبل رجاء انتبه لنقطه واحده اني قد اكون مصيب في رأيي او مخطئ وليس انتقاص لشعار عتيبه وشكررررا

[محمد ابن رووق]

الصراحه استفدت من الموضوع أنه فيه جبل ذكر وفيه جبل أنثى<<<<<< ياربع وش خليتوا للمجنن

[سلطان الاشراف]

ياجماعة الخير هدوا أعصابكم..والموضوع وجهات نظر تقال بكل حب وود وأحترام
وصلب الموضوع:هل هناك ثغرة إستغلها عبدالله الميزاني على سفر الدغيلبي أم لا
أتمنى كل واحد يبطح وجهة نظره على هذه النقطه ولا يخرج عنها..وأستغرب في كثير من المواضيع تبدأ صغيره وواضحه ويراد بها نقطه معينه..شوي ماتدري إلا إحنا شاطحين ومحرفين مسار الموضوع..ودخلنا فيه القبايل كلها وشتمها وتاريخها ومحاسنها وعيوبها..وسبينا الشعار وتهاوشنا مع بعض..وتم قفل الموضوع

أنتم رجال عقال كلكم..ومايحتاج شهادتي فأتمنى تهدون الللعب شوي وإتكلموا عن صلب الموضوع


أنا عني لا أرى أي إستغلال من عبدالله الميزاني لبيت سفر الدغيلبي..وأعتبر بيته اللي تشوفون إنه إستغله قد يقوله أي شاعر آخر..كما أجزم صاحب الموضوع بأنه لو كان السناني لقاله..معنى ذلك بيت متوقع

عبدالله شاعر كبير..وسفر شاعر مبدع ويعجبني ومستواه دائما بالقمة..وكلهم رجال نحترمهم
أما صفاتهم الشخصية فأتمنى عدم التطرق لها من قبل الأعضاء..فكلنا عيوب..وياليت كل واحد يشتغل بعيوب نفسه عن عيوب الآخرين..وأنتم أكبر من هذه الأمووور............

بإختصار هل هناك إستغلال من عبدالله لبيت سفر أم لا؟ هذا هو الموضوع فقط

تحيااتي .. سلطان الأشراف

[متابع هنا وهناك]

ياجماعة الخير هدوا أعصابكم..والموضوع وجهات نظر تقال بكل حب وود وأحترام
وصلب الموضوع:هل هناك ثغرة إستغلها عبدالله الميزاني على سفر الدغيلبي أم لا
أتمنى كل واحد يبطح وجهة نظره على هذه النقطه ولا يخرج عنها..وأستغرب في كثير من المواضيع تبدأ صغيره وواضحه ويراد بها نقطه معينه..شوي ماتدري إلا إحنا شاطحين ومحرفين مسار الموضوع..ودخلنا فيه القبايل كلها وشتمها وتاريخها ومحاسنها وعيوبها..وسبينا الشعار وتهاوشنا مع بعض..وتم قفل الموضوع

أنتم رجال عقال كلكم..ومايحتاج شهادتي فأتمنى تهدون الللعب شوي وإتكلموا عن صلب الموضوع


أنا عني لا أرى أي إستغلال من عبدالله الميزاني لبيت سفر الدغيلبي..وأعتبر بيته اللي تشوفون إنه إستغله قد يقوله أي شاعر آخر..كما أجزم صاحب الموضوع بأنه لو كان السناني لقاله..معنى ذلك بيت متوقع

عبدالله شاعر كبير..وسفر شاعر مبدع ويعجبني ومستواه دائما بالقمة..وكلهم رجال نحترمهم
أما صفاتهم الشخصية فأتمنى عدم التطرق لها من قبل الأعضاء..فكلنا عيوب..وياليت كل واحد يشتغل بعيوب نفسه عن عيوب الآخرين..وأنتم أكبر من هذه الأمووور............

بإختصار هل هناك إستغلال من عبدالله لبيت سفر أم لا؟ هذا هو الموضوع فقط

تحيااتي .. سلطان الأشراف




كلام كبير ياسلطان .. شاكر لك طلتك ;)

[الجوراسي]

هل افهم من كلامك انك تريد اسكات قلمي ؟؟ هل افهم انها طرده من هذا المنتدى ؟

عفوا اخي فالمنتدى ليس باسمك .. والمنتدى ايضا ليس مكتوب عليه "امدح شعار عتيبه والا شف لك منتديات ثانيه" ... هذا ردي على السطر الاول من مشاركتك


اما على السطر الثاني وتشعب الموضوع فهذه ليست مشكلتي لو تشعب الموضوع فهذه اراء الاعضاء ولاتستطيع اقصائهم عن ذلك لان كلن له رأي وتفسير


واما على السطر الثالث وقولتك ان هذا نهاية مواضيع الاثاره ودي اسألك شلون حكمت على نهايته ؟ وبأي صفه تم حكمك ؟



واما السطر الاخير وهو المهم انه ليس هناك ثغره .. شكرا للتوضيح وهذا هو المطلوب منك كعضو في منتدى الهيلا وهو توضيح رأيك

.................................................. .......................
.................................................. .......................
.................................................. .....................


ودي اقولك شي ولكل الاعضاء هنا انا عندي شعراء محاوره احب اسمع لهم بكثره واحب اتناقش بمواضيع محاوراتهم جدا ومنهم حبيبب العازمي وسوار الذهب والزلامي والسناني

ان كان تفسيري لمحاوره لاي منهما في المستقبل رجاء انتبه لنقطه واحده اني قد اكون مصيب في رأيي او مخطئ وليس انتقاص لشعار عتيبه وشكررررا

استلم ردي على ردك اللي ارسلته لي على الخاص وعلى العام.

أولا أنا ما قلت لك امدح شعار عتيبة فهم ليسوا بحاجه لمدحي ومدحك رجال فارضين انفسهم برجولتهم وشعرهم... والمنتدى سياسته معروفة للجميع وهو البعد عن مواضيع الاثارة اللي ما وراها الا المشاكل وتأجيج العنصرية في قلوب الناس. ونحن هنا كأعضاء حري بنا أن نحترم انفسنا أولا ونحترم قراء المنتدى من شتى القبائل بأن يكون الكلام المطروح عقلاني والهدف منه الاستفادة وليس الانتقاص من أحد.
ولكنني ألاحظ في الفترة السابقة فكر مؤدلج من أشخاص معينين أسسوا من أجله منتديات ويهدفون في النهاية الانتقاص من قبيلة الهيلا وشعارها وكذلك مواضيع مثيرة مثلاً : الشاعر فلان يسري الشاعر فلان والشاعر فلان مجنن شعار عتيبة والشاعر فلان يخافونه الشعار والشاعر فلان سوا كذا وكذا حتى صرنا نكره هؤلاء الشعار رغم انهم مبدعين ولكن التسويق السيء والاستنقاص من الشعار كرهنا بهم. هذا أولاً.
ثانياً: بالنسبة لتشعب الموضوع فأنت تتحمل وزر ذلك لأنك صاحب الموضوع الأصلي وموضوعك دفع الناس إلى التشعب واختلاف الآراء.
ثالثاً: ليال العيد تبان من عصاريها... وموضوعك هذا من عنوانه عرفت وش نهايته من قبل لا أقرأ مضمونه.
رابعاً: يقول الشاعر
أكثر حلال القوم مسرف فالشراب وفالطعام ^^^ لكن مابان الشحم فبطونها وظهورها

تحياتي لمن يستحقها