مـرحـبا في محل مركزه فالصداره \ ابراهيم الجذع

[فهد الشهيب الثبيتي]

مساكم الله بالخير جميعا

اقرب يابو خليل كان وقتك يسمح


مرحبا في محل ِ ماتعدد وصوفه=من قديم الليالي مركزه فالصداره
انت ياللي غزيت معجل ِ بالنكوفه=وان نشدناك قلت الفوز ماهو شطاره

[زيد جميل الثعلي]

الله الله
مبدا كايف صح لسانك
وبانتضار الجذع وصح لسانه مقدماً
الصف صف الجذع ولايهون فهد

متاااااااااابع

[متعب المقاطي العتيبي]

انت ياللي غزيت معجل ِ بالنكوفـه
وان نشدناك قلت الفوز ماهو شطاره

..

صح لسانك على المعنى والمبنى

وصح لسان الشاعر براهيم

[فهد الشهيب الثبيتي]

ارحب ارحب يابن عاضي

وجودك يكفي سوا في صفي ولاصف ابراهيم

صح بدنك وشرفتنا بمرورك

[فهد الشهيب الثبيتي]

ارحب ارحب يامتعب

صح بدنك وشرفتنا بمرورك الكريم

[ماجد الهذلي]

طيب طيب يا فهد الشهيب

بدعه رائعه

ننتظر

أبو خليل

[مطني الحافي]

شطاره

طيب طيب

صح لسانك

يالشهيب

وصح لسان الجذع مقدما


<<<<<ماسك العصايه من النص

[فهد الشهيب الثبيتي]

ارحب ارحب ياماجد

شرفتنا بمرورك ومتابعتك الكريمه

[فهد الشهيب الثبيتي]

ارحب ارحب يامطني

صح بدنك

وجودك يكفي طال عمرك

شرفتنا بمرورك ومتابعتك الكريمه

[ابراهيم الجـــــذع]

مساك الله بالرضا



البقا في المحل اللي يكرم ضيوفه=ما تغير سلومه مع ظروف الحضاره

لا تحسب النكوفه يا الثبيتي حسوفه=وش نبا من بعيرٍ ما لقينا فقاره

[ابراهيم الجـــــذع]

حياك الله أخوي ماجد

وحياك الله يا مطني

وصح بدنك

شرفنا مروركم

[ابراهيم الجـــــذع]

أبن عاضي

متعب المقاطي

صحة أبدانكم جميعاً

شرفنا مروركم

[فهد الشهيب الثبيتي]

انت ذيب ٍ تجيب الصيد ولاتحوفه؟=يوم سموك ياابراهيم ذيب المغاره
ويش عذر البنادم يوم طوّل وقوفه=وانت طول وقوفك عند نور الاشارة

[مطني الحافي]

الاشاره

الله الله

اللعب كااايف

[فهد الشهيب الثبيتي]

ارحب يامطني

الكايف حضور مثلك وشروااك

[ابراهيم الجـــــذع]

حر والحر لــلصيدات مابه مروفه=ما حسب لـلطيور الهينه والوباره

كل واحد تحكمه يا الثبيتي ظروفه=وأن حضرنا تجيكم غارةٍ بعد غاره

[فهد علي العازمي]

يا سلااااااااام

صحت السنتكم جميعااااااااا


متابع وصفقه هنا وصفقه هنـــــــــــــاااااااك

[فهد الشهيب الثبيتي]

احسبك ذيب دربك لاسريته تشوفه=واثرك اللي يضيع مع يمينه يساره
المشاوير بعض احيان غير امخلوفه=مار حذرا لاهل بيشة تعيد الزياره

[فهد الشهيب الثبيتي]

ارحب ارحب يافهد العازمي

صح بدنك وشرفتنا بمرورك ومتابعتك الكريمة

[ابراهيم الجـــــذع]

صح بدنك أخوي فهد العازمي

شرفنا مرورك يا الغالي

[ابراهيم الجـــــذع]

صاحبك لا تحسب أن السوالف تطوفه=كل من عانده ثارت عليه المراره

الدعاوي قريب ما وراها كلوفه=دايم الخير والخيره مع الأستخاره

[معجب العتيبي]

صحت الالسن


شعراء ومبدعين

متابع للتميز

[ابراهيم الجـــــذع]

هلا وغلا أبو سلطان

صح بدنك يا الغالي

شرفنا مرورك

[فهد الشهيب الثبيتي]

لاجهلت الكلام اللي كتبنا حروفه=مايضرك لو انك تطلب الاستشاره
العرب بين امان الله تعالى وخوفه=والخبل يطرد المقفين في كل حاره

[فهد الشهيب الثبيتي]

ارحب ارحب يامعجب

ماعليك زود طال عمرك وصح بدنك

شرفتنا بمرورك الكريم

[سعودالعتيبي]

سلام مني للشهيب بيت واحد فقط وليست محاوره لعدم وجود الفراغ


ماعلى من جهل عرفك حسوفه-------أنت شاعر وأنت فني بأستماره

[فهد الشهيب الثبيتي]

ارحب ياسعود العتيبي

صح لسانك والحمدلله ان ماعندك فراغ ولا كان سريت الشعار من داني

[ابراهيم الجـــــذع]

أنت اظنك قبل تبدا تسوي بروفه=لا تشفق على موتر بدون أستماره

شجرةٍ مثمره دايم تصير محذوفه=إن بنيت العماره وأن هدمت العماره

[سعودالعتيبي]

ههههههههههههههههههههه

الا العمائر لاتهدمونها الا ببيوت موزونه
هههههه

[فهد الشهيب الثبيتي]

انت جود شداد شعيل واترك ردوفه=قبل يبرك على حيد الصفيحة بزاره
ليت ولد الحساوي مايغادر هفوفه=لجل مايبلش القنصل وعضو السفارة
الختام عندك يابو خليل

صح لسانك ولاهنت ومشكور على اجابة الدعوة

[ابراهيم الجـــــذع]

صح بدنك يا فهد

يكفي ختمتك

اشغلني الجوال والتهاني

اشكرك على الدعوه

[فهد الشهيب الثبيتي]

صح بدنك وكل عام وانت بخير انت ومن يتابعنا

[ابراهيم الجـــــذع]

وأنت بخير وصحه وسلامه

[علي الشهراني]

بيض الله وجيهكم و صحت السنتكم جميعا




و اهل بيشه يبونك تزورهم يا الشهيب و الله يحييك انت و ابراهيم

[فهد الشهيب الثبيتي]

ووجهك ابيض ياعلي وصح بدنك

الله يبقيك طال عمرك

ابراهيم سبق له زيارتها واما انا ماتشرفت بزيارتها للحين

شرفتنا بمرورك ومتابعتك الكريمه

[فايز بن سرحان الثبيتي]

ليت ولد الحساوي مايغادر هفوفـه
لجل مايبلش القنصل وعضو السفارة


الله الله ياسلااام "

ابداع يابو عواض صح لسانك"

وصح لسان ابو نايف


وبيشه مانصحك بزيارتها يافهد ههه

[فهد الشهيب الثبيتي]

ارحب ارحب يابن سرحان

الابداع لايكتمل الا بحضورك طال عمرك

ونصيحتك وصلت ههههههه

صح بدنك وشرفتنا بمرورك الكريم