قــبل تكســـير الحــساب وقـــبل يطلــع كــل باقــي / ابراهــيم الجـــــذع

[طلال ناشي]

أرحب يابراهيم




قبل تكسير الحساب وقبل يطلع كل باقي = يالجذع نوخ ذلول ابليس ثم أكسر عصاها

لا يروح أشماغك البسام مع بيض الطواقي = قد لقينا مثلها واللي يدورها لقاها

[مطني الحافي]

لقاها

صح لسانك

وفي انتضار

ابراهيم

[مازن الشيباني]

[



لا يروح أشماغك البسام مع بيض الطواقي = قد لقينا مثلها واللي يدورها لقاها[/align]



ياسلام ياسلام


صح لسانك يابن ناشي


وصح لسان الجذع مقدما

[طلال ناشي]

مطني الحافي

صح بدنكــ ولاهنت على مروركـ الكريم

[طلال ناشي]

صح بدنكــ يامازن

ومرحبابكـ

[ابراهيم الجـــــذع]

المعذره توني اشوف موضوعك

دقايق ويجيك الرد

[عبد الكريم العازمي]

لله الله



صحة الأسن متابع والصف محايد يالروقه

[طلال ناشي]

المعذره توني اشوف موضوعك

دقايق ويجيك الرد


معذور يالشايب :)

[طلال ناشي]

صح بدنكـ ياعبدالكريم

ومرحبابكـ

[ابراهيم الجـــــذع]

لو أبا انوخ ذلول ابليس ضيقنا الخناقي=مير لا تطرق علومٍ ما تعرف اللي وراها

أنت راقي والشماغ اللي عليك اليوم راقي=مير نفسك لــ الطريق الزين ليت الله هداها

[خلف المطيري]

صباح الخير يالروقه

وصحت الالسن والقلوب جميع

والصف محايد

[طلال ناشي]

مانكب عفش الذلول ألا زمن طرباق طاقي = انت ترخي في رسنها والزمن يومي علاها

من تتقى يالجذع يلقى عن أصحابه متاقي = لا تعذر ثم عينك ماملها غير ماها

[طلال ناشي]

صبآح النور

وأرحب ياخلف

[ماجد الهذلي]

الله الله عليكم

محاورة رائعه

متابع

[طلال ناشي]

مرحبأ ياماجد

ومتابعتك تشرفنا

[ابراهيم الجـــــذع]

أنت يا راع الذلول اللي تطببها السباقي=كان فازت بالسباق الله يعين اللي جناها

أنت لو أنك تشوف البحر قلت البحر ساقي=لا تجي قدم الذياب الشهب وأتحطك عشاها

[نياف العضياني]

الله الله

والله يالجذع والصف في صف الجذع

[عيد العازمي]

الله الله

بعض البيوت من عيون الشعر


ابو ناشي وابو نايف


صحت الالسن والقلوب

[ابراهيم الجـــــذع]

هلا وغلا أخوي نياف

الصف يزهابك طال عمرك

شرفنا مرورك

[ابراهيم الجـــــذع]

هلا وغلا أبو طلال

صح بدنك يا الغالي

اشكرك على الإطراء

شرفنا مرورك

[ابراهيم الجـــــذع]

مرحبأ ياماجد

ومتابعتك تشرفنا

[طلال ناشي]

النصيحه تنشرى وأنا ترى ماني بشاقي = فيك والدنيا يبا يشبعك يالروقي غثاها

مدخلك بالله يابوخليل فيني ويش هاقي = وأن حضرت أذياب ظلع النير ماتوحي عواها

[طلال ناشي]

يامرحبآ يابوطلآل

صح بدنكـ

ومرورك غالي

[ابراهيم الجـــــذع]

الجبل لو كان ثابت فوقه السبع الطباقي=مير ميز فأرضها يا صاحبي والا سماها

لا تحب الأتحاد ولا تحب الأتفاقي=والله أنا ما عرفنا غيض نفسك من رضاها

[طلال ناشي]

الله الله

والله يالجذع والصف في صف الجذع



:)

أنا في صف الجذع قبلك والصًف يزهابي

[طلال ناشي]

ماعطيتك غير كلمة حق ياعسر المراقي = مير أنا شوفك من الليله تصدد ماتباها

يابراهيم الجذع طلع نياقك من نياقي = دايم الجربا مع أهل الذود تعرف من رغاها

[سعود العصيمي]

لا يروح أشماغك البسام مع بيض الطواقي
قد لقينـا مثلهـا واللـي يدورهـا لقاهـا




الله الله

يابوناشي

ابدااع


وصح لساااانك

[سعود العصيمي]

أنت راقي والشماغ اللي عليك اليوم راقي
مير نفسك لـالطريق الزين ليت الله هداها




ابوناااايف

مبدع في كل حالاتك


صح لساااانك واعتلا شأنك

[ابراهيم الجـــــذع]

كن حبه يا أبن ناشي محرقٍ قلبك حراقي=تحسب أن الناس ما تدري عن البير وغطاها

أنت لو أنك تميز فالمعشر والملاقي=ما تجيب الهرجه اللي من خلاها في خلاها

[ابراهيم الجـــــذع]

هلا وغلا أبو طايل

صح بدنك يا الغالي

اشكرك على الإطراء

شرفني مرورك

[طلال ناشي]

ساع ماشان الزمان وساع ماحان الفراقي = وأن زنت بنت الحرام الزانيه تاكل جزاها

لا تحسبني زبون السلعه اللي ماتساقي = الثمينه في مغن السوق يعرف مشترها

[طلال ناشي]

هلا وغلا أبو طايل

صح بدنك يا الغالي

اشكرك على الإطراء

شرفني مرورك

[ابراهيم الجـــــذع]

السوالف بعضها يطعن مثل طعن السناقي=كل جرح وكل عله عندنا والله دواها

النوايا ما تفيد أهل اليمن وأهل العراقي=والعوارف قبل وجه اعلومها تنظر قفاها

[طلال ناشي]

:)


صح ألساااانك يابونايف

لاهنت على كل حال شرفتني طال عمرك

أستاذك ياعود

تصبح على خير

[ابراهيم الجـــــذع]

ههههههههه

الظاهر أنك أكبر مني وتقول لي عود

صح بدنك يا الغالي

والله يشرف مقدارك

وأنت من أهل الخير

[ماجد العوني]

صح لسسسسنتكم يابن ناشي ويا ابراهيم الجذع

[طلال ناشي]

صح بدنك ياماجد

لاهنت على مرورك الكريم

شرفتنا