تسجيل الدخول

مشاهدة النسخة كاملة : مطلوب ولد عوجان الجذع فورا

محمد العتيبي
18-Mar-2005, 02:31 PM
الله الله الله اسمع اسمع



هلا يامرحبا ترحيبتن تسمع لها ونات

جميع الناس يارجال زادت في مطالبها

ولكنك تحرص ياصحيبي وانطح الصكات

تراني شايف ذيابه وتبرزلك مخالبها
ولد عوجان الجذع
18-Mar-2005, 02:57 PM
والله النشبة
ههههههههههه
ارحب واستلم يا الغالي

يدوم إلك البقا يا اللي ترحب في أبرك الحزات
.......... دعاوى الناس ياالغالي عليها الله يحاسبها
ولا يا صاحبي تراني دايم(ن) على الهقوات
........... ذيابة هالزمن ما عاد تميز في مضاربها
محمد العتيبي
18-Mar-2005, 03:36 PM
الله يعينك ....... الظاهر منتب مريح

لكن اسمع......

ورى بعض العرب قامت تشكل ضدك الهجمات

مثل شارون اليهودي قام يرسل مصايبها

عسى الله يكتب الحسنة عسى الله يمحي السيات

انا اقول العرب هذي بليس الكلب ناكبها
ولد عوجان الجذع
18-Mar-2005, 07:12 PM
فتش وتلقاها بكره ضمن صفحة الوفيات
....... شارون طاح بناره لا من ولعت حرايبها
أبو مازن قام ايتمشى في الزوايا والردهات
.......... يبا يسوي سياسة صادقها بعدين حاربها
محمد العتيبي
18-Mar-2005, 10:53 PM
وانا اشوفك يابن عوجان ودك تالع الفتنات
ولكن الحذر ياصاحبي نارك تشببها
ابو مازن وابو عمار ناس تعتبر امــوات
ومن مابه سياسه ديرته دايم مخربها


الله الله
ولد عوجان الجذع
18-Mar-2005, 11:34 PM
أنا مسلم مسالم لكني أرد على الشبهات
وما أحب اللي ينادي للعدل وهو مهببها

يعيش الشر بين الناس والجور كله ظلمات
سياسة فرق تسد جابت للعالم مناصبها

الله الله
محمد العتيبي
18-Mar-2005, 11:49 PM
مرحبابك يالجذع عد ما ترمش العين مار ابشر بالرد دقايق مرحبا بك

ماني بمطول علاك تمش لان اجيك
ولد عوجان الجذع
18-Mar-2005, 11:51 PM
ماشي يا صاحبي
لكن لا تلعب على الحبلين
محمد العتيبي
19-Mar-2005, 12:14 AM
الله الله الله



ترى الارزاق عند الله ويعطي صادق النيات

وبعض نفوس خلق الله ابامنك تهذبها

ليامن شفت راع الشر بهديله عشر صفعات

عليه الكف شاهد في وجيهه ما نجنبها
محمد العتيبي
19-Mar-2005, 12:19 AM
ماشي يا صاحبي
لكن لا تلعب على الحبلين




نقطة نظام مثل ما قلت :

ابو مشعاب ماروغ ولا يلعب على الحبلين

يحاول يصلح النيات بين فلان وفلاني
ولد عوجان الجذع
19-Mar-2005, 12:28 AM
صحيح الرزق عند الولي مافي ودها أو هات
وبعض الناس عسى المولى يدٌبها قبل ندٌبها

راع الشر أوراعن يحسب العربان بالصيحات
اعلومه إنكليزية ولا يقدر يعرٌبها
محمد العتيبي
19-Mar-2005, 07:31 PM
يحط اسمه مثل جده وجده شامخ الهامات

صحيح انه ظلم جده بعد كفنّ ترايبها

بغيت احلها ياصاحبي ما فادت الحيلات

كويت الجاهل الضايع وشبت به شبايبها
محمد العتيبي
19-Mar-2005, 07:59 PM
الله يصلح النيات يا أبو مشعاب
الظاهر ما قريت آخر رد لي واللي هو فوق ردك





يالجذع ترى والله كلامي للرتوعي يوم اقوله رد على الابيات

ماقصد ابياتك طال عمرك اقصد ابيات مرسلها له وتقدر تشوفها في (( نبا الرتوعي يارياجيل!!!!!!

الرتوعي وينه ؟؟؟ )) موجوده في قائمة شعر المحاوره ضمن المواضيع اللي كتبتها انا ارجوا قرائتها

يالجذع وعلاك الحكم طال عمرك وان لقيت الغلط مني لك الحق وشكرا.....
ولد عوجان الجذع
19-Mar-2005, 11:32 PM
امعذور امعذور يا الغالي
ولكن حصل التباس والمفروض منك اتحط الرد في موضوعك
وعلى العموم أبرك الحزات يوم لعبنا
والسموحة لن حصل تقصير
وشكراااا
محمد العتيبي
20-Mar-2005, 03:43 PM
ما حصل الا خير ياغالي وانا تشرفت بالعب معك طال عمرك