الهوى [الأرشيف] - الهيـــــــــــــلا *** منتدى قبيلة عتيبة

الغويري 1

13-Nov-2010, 03:28 AM

صفق الهوا كدر عذي المشاريب
وتبدلن حلو العدود بهماجي
واللي تشوقه نايفات المراقيب
قتم عليه الجو وأصبح عجاجي
والوقت شفنابه صدوف وتعاجيب
شي يصيب القلب منه انزعاجي
والشجرة اللي شاويتها الملاهيب
ماني لها من واهج الشمس لاجي
يطلع ثمرها مر ومرارن يغيب
ولا سرها لوتحتها السيل راجي
واللي حياته ماحشمها عن العيب
دربه لو تطول المسافات داجي
أبطيت أجازي راعي النقص بالطيب
لا شايفن مدي ولا منه ناجي
لين ارسل سهومه علينا مناديب
ووردن على صدرن سموحن هجاجي
ولاحصلن غير الوفا والتراحيب
مع بهجة الخاطر وفل الحجاجي
وأغني بيوتي ولا أدرا اللواعيب
واسج مع جرد الفياض الفجاجي
يآمرني الهاجس وانااوفي المواجيب
وأطرب لشعر الباهلي والعواجي
أبدع لحونن سامياتن عن الريب
ندر بكارن ماشكن الخلاجي

شعر/ عبدالعالي الغويري

الغويري 1

21-Nov-2010, 09:25 PM

الرجاء من الاخوة إذا لم يتمكنوا من الرد على الموضوع مراسلة الإدارة

نايف المغيبي

22-Nov-2010, 12:09 AM

الغويري1

اشكرك على هذا النقل الرائع

الصويت الثبيتي العتيبي

30-Nov-2010, 09:56 AM

اشكرك على هذا النقل الرائع

الغويري 1

01-Dec-2010, 10:14 PM

شكرا لمروركم