الشاعرالكبير بديوي الوقداني وجزء من قصائده في فن تصوير الدنياءوالحياة

[الصويت الثبيتي العتيبي]

من هو بديوي الوقداني /

اسمه : ( بديوي بن جبران بن جبر بن هنيدي بن جبـر بن صـالح بن محمد بن مسفر الوقداني السعدي – نسبة إلى بني سعـد – العتيبي ) وعتيبـة بطن من هوازن القبيلة المشهورة ، نزيل الطائف المأنوس ، ولد بوادي النمـل وهو محـل على فرسخ من الطائف سنة 1244هـ ( 1829م ) وتربى به ثم سكن الطائف لتحصيل العلم والمعاش ، وكانت له قريحة بالعربية ثم نظـم القريـض ولقّب بـشـاعر الحجاز ، فهــو شاعـر لطيف ومغـوار غطريف . تخضع لشعره بلابل الأغصان وتنصت لغزله مسامع كل إنسان.

ومن جانب و "وقدان " جزء من بني سعد من قبيلة " عتيبة " وقد أكد "بديوي " نسبه إليها أكثر من مرة في شعره حيث يقول :



دللّت بالروح لين ارخصت جانبها
وأنا عتيبي عريب الجد والخالـي




زارني طيف كما طيف النسيم
جدد الاشواق والعهد القديم
وانثنى في داجي الليل البهيم
.................قلت زدني قال يكفيك القليل


آه من هم سرى في القلب نار
وان طلبت الصبر ماالقى له قرار
كيف صبري والحشا للهم دار
.................صار مالكني وانا عنده نزيل


قمت ماهمني غير الهجوع
يوم كلٍّ نام ولعت الشموع
والهواجس جنّنني تمشي جموع
................مثل ورد النحل في وادي طفيل


أو كما سيل تزايد من مضيق
يقرع الحصيان والسد الوثيق
يا خذ الاشجار ويسد الطريق
.................زاد عن حده وضاق به المسيل



طار نومي يوم نامت كل عين
بت ساهر مع نجوم الفرقدين
من هواجس من جفى من جور دين
..............ما بقى الا البعد عنها والرحيل

:::::::::::::::::::::::::::::::::::::::::::::::::: ::::::::::::::


دنياك هـذي كـلـهـا هـز فـاروق *=*ماتعرف الصاحب من الي معاديك

وأكثر كلام الناس بالمكر والبوق *=*يهـرج معك واليا تقفيت يرميك

المـال دايم صاحـبه مرتفع فـوق *=*والقل خايب لو ترفعـت يرخـيك

عـزي لمـن درو لها عـند مخـلوق *=*إما بخل وإلا مـتن يوم يعطـيك

أوصـيك بالطـيب إذا كان لك ذوق *=*إرـمه وراك ولازم إنـه يلاقـيك

يا العبد هـو كل مطـرود ملحـوق *=*لا تستهين لك رب ماهـو مخـليك

اللي جعل لك روح جاعـلك مـرزوق *=*كما تكـفل بك من الخلق كافيك

يعطـي وباب الرزق ماهـو بمغلوق *=*وإلى طلبته وانت محتاج يافيك

الرزق له حـسبه وله وقـت مطلوق *=*وإن مت ماهو عند قبرك يناديك

والموت جايك لو تقع جوف صـندوق *=*دع بابـك مـن حـذر لا يعـنـيك

لا يشغلك مالك ترى المال مـمحوق *=*مامـالك إلا ماتمـده ايـاديـك

إن كان مالك يافتى ضـيَّق السـوق *=*تراه عند الموت ماهو بمنجـيك

الجار والعاني لهـم شرط وحـقوق *=*والضيف واجب تكرمه يوم يلفيك

وإن كان تبغي تاخذ المدح مطبوق *=*خلك مشَمِـر دون ضـيفك وعانـيك

صون الامانه وأظهر الهرج بصـدوق *=*ولا تعاشـر صاحـب البوق يعديك

لا تصاحـب الخاين ولاتامـن النوق *=*وإن لاح برّاق الحيا عـذّرت فيك

والدرب لا تامنه لو كنــت مروفـــوق *=*إلا بحـد فـي يمـيـنك يـباريك

إترك طريقة كـل عاشـق ومعـشـوق *=*ترمي بروحـك بالشـر ثم يرميك

والكلب مايتبعـك لو تلبســه طــوق *=*لو من خلاخيل الذهب مايراعـيك

وبالصبر تغلب صاحب العزم ياشـوق *=*والعزم طـيب مير حـزّات يوريك

وانزح الى منك عـن الشــر مــدروق *=*واحذر صديقك واحذرالي يواليك

هـذا كلام الصـدق ماهـو بمسـروق *=*وابيات يا قـلبي بناها يسليك

مـن هاجـسٍ يطمي كما بحـر صافوق *=*احذرعلى قلب الشقى يوم يطريك

يارب تجـعـلني من الـــنــار معـتـــوق *=*واجعـل كلامي طـيبٍ يوم أوافيك

::::::::::::::::::::::::::::::::::::::::::

أيامنا والليالي ، كم نعاتبها ؟
شبنا وشابت وعفنا بعض الأحوالي

تاعد مواعيد ، والجاهل مكذبها
واللي عرف حدها من همها سالي

أن أقبلت يوم ما تصفى مشاربها
تقفي وتقبل وما دامت على حالي

في كل يوم تورينا عجايبها
واليوم الأول تراه احسن من التالي

أيام في غلبها وأيام نغلبها
وأيام فيها سوى والدهر ميالي

جربت الأيام ، مثلي من يجربها
تجريب عاقل وذاق المر والحالي

نضحك مع الناس والدنيا نلاعبها
نمشي مع ألفى طوعٍ حيث ما مالي

كم من علومٍ وكم آداب نكسبها
والشعر مازون مثقالٍ بمثقالي

أعرف احروف الهجاء بالرمز واكتبها
عاقل ومجنون حاوي كل الأشكالي

لكن حظي ردي والروح متعباها
ما فادني حسن تأديبي مع امثالي

أن جيت ابي حاجةٍ عزت مطالبها
العفو ماواحد في الناس ياوالي

قوم إلى جيتهم رفت شواربها
بالضحك واقلوبها فيها الردى كالي

وقوم إلى جيتها صكت حواجبها
وابدت لي البغض في مقفاي واقبالي

ما كني إلا امسوي حال مغضبها
والكل في عشرتي ماكر ودجالي

يا حيف " تخفي أمورٍ كنت حاسبها
واللي على بالهم كله على بالي

الجار جافي وكم قوم محاربها
والأهل وصحابنا والدون والعالي

والروح وش عذرها في ترك واجبها
راح الحسب والنسب في جمع الاموالي

نفسي تبي العز والحاجات تغصبها
ترمي أبها بين أجاويدٍ وانذالي

المال يُحيى رجالاً لا حياة أبها
كالسيل يحي الهشيم الدمدم البالي

عفت المنازل وروحي يوم اجنبها
منها غنيمة وعنها البعد أولالي

لا خير في ديرةٍ يشقى العزيز أبها
يمشي مع الناس في همٍ وأذلالي

دارٍ بها الخوف دوم ما يغايبها
والجوع فيها ومعها بعض الأحوالي

جوعى سراحينها شبعى ثعالبها
الكب والهر يقدم كل ريبالي

عز الفتى رأس ماله من مكاسبها
يا مرتضي الهون لا عزٍ ولا مالي

دللت بالروح لين ارخصت جانبها
ونا عتيبي عريب الجد والخالي

قوم تدوس الأفاعي مع عقاربها
ولها عزايم تهد الشامخ العالي

خل المنازل وقل للبين يندبها
يبكي عليها بدمع العين هطّالي

لا تعمر الدار والقالات تخربها
بيع الردي بالخسارة واشتر الغالي