تسجيل الدخول

مشاهدة النسخة كاملة : الليله اللي يبا يلعب يقدم خبر... من شان اجهز له الرشاش والمدفعي

فيصل الثبيتي
17-Mar-2005, 01:34 PM
السلاام عليكم ورحمة الله وبركاته

مساكم الله بالخير يا ربعي

ودنا نلعب هالقاف مع واحدٍ منكم في بداية

مشاوري معكم في هذا المنتدى بين ابناء عمومتي


خلوهااا /


سلام الله عليكم يا عتيبه=رياجيلٍ تحلل فالصعيبه

خوال المصطفى اللي نقتدي به=ولا شال الحمول الا جملها



************************=************************



الليله اللي يبا يلعب يقدم خبر=من شان اجهز له الرشاش والمدفعي

انا ثبيتي ومن يقدِم في حل الخطر=ما يلحقه لوم ؛ لو عينه قامت تدمعي !

الله لا يهينكم ...
الحطيم
17-Mar-2005, 02:40 PM
هلا يامرحبا بك يالعتيبى=تفضل خذ علاج من الطبيبى
علاج يبرى الجرح العطيبى=ولا شال الحمول الا جملها
_______________________________

حييت ياشاعر الثبتان قوم الظفر=اكرب حزامك لاشفت النار لاترجعى
انته ثبيتى وانا مقاطى بعيد النظر=فتح عيونك سحاب الصيف ما يرعدى
الحطيم
17-Mar-2005, 03:20 PM
اخوى الفيصل اعذرنى على الخطئ فى البيت الثانى وخذ
التعديل....

انته ثبيتى وانا مقاطى بعيد النظر=ولا لا تهز المتون الهز ما ينفعى
فيصل الثبيتي
18-Mar-2005, 12:39 AM
الله الله يالمقاطي

خلووووووووووها



ما دامك جيت انا واقف هنيّه=ولا تنفعك عزوات وحميّه

بحط تحت .. واهبدك بيديّه= ولا شال الحمول إلا جملها


*********************=**********************

اسري يا مال الشحم .. اسري ودربك خضر=والله يعينك ما دامك جيت تلعب معي

اعرفك شاعر ليا غنّى يفتّ الصخر=مير اسمعي يا مسامع صاحبي .. اسمعي
فيصل الثبيتي
18-Mar-2005, 05:54 PM
السموحه يالمقاطي شقلبناها ودوبنا ننتبه ... :rolleyes:


اسري يا مال الشحم .. اسري ودربك خضر=مير اسمعي يا مسامع صاحبي اسمعي

اعرفك شاعر ليـا غنّـى يفـتّ الصخـر=والله يعينك ما دامك جيت تلعب معي


تحياتي
الحطيم
18-Mar-2005, 11:45 PM
استلم طال عمرك


تسولف يالثبيتى بالشجاعه=ولا تصبر معى لو كان ساعه
ولكن قولها سمعن وطاعه=ولا شال الحمول الا جملها
**********************=***********************
بسرى يافيصل وكيفى فالدلال الصفر=واليا سرينا ترانى قدم وانت تبعى
انا ليا جيت ياشاعر ترانى بحر=لكن ولع لهب نارك وانا ولعى
ولد عوجان الجذع
18-Mar-2005, 11:58 PM
الله
والله إنا نتمتع مع الطيبين اللي علومهم طيبة
الحطيم
19-Mar-2005, 05:47 AM
لاهنت ولد عوجان
ومشكور على المرور
فيصل الثبيتي
19-Mar-2005, 10:05 PM
سواليفي سواليف المراجل=ولاني خاضعٍ لك وامتنازل

عسى يخذلك حظك وانت خاذل=ولا شال الحمول الا جملها

***************************=********************** *****

امشي عسى مشيكم من فوق هاك الجمر=يحرق رجيلاتك .. وتبكي .. وتتوجعي

يالله دخيلك من اللي طايح ٍ فالكبر=حتى بيوت الشعر : يا دوبها تطلعي !!


الدعوة مزوح

وفلة حجاج يا ولد برقا

الله لا يهينك ،،،،
فيصل الثبيتي
19-Mar-2005, 10:08 PM
ما عليك زود يا ولد عوجان

شاكرين متابعتك .. واعذرونا على القصور

علي الملازيم انه اول قاف ألعبه في حياتي ...

ولك عاطر تحياتي