فهد الشهيب الثبيتي

[فهد الشيباني]

السلام عليكم وادنا نستفيد منك اذا وقتك يسمح


//



يا مرحبا يالثبيتي لو نبيع العمر والدور = ترحيبةٍ عَجزت معظم محبين المعاني
لو تعتذر يافهد فالملعبه منته بمعذور = ولو قلتها مانقول الا بنا وسط المباني

[فهد الشهيب الثبيتي]

وعليكم السلام ورحمة الله

ارحب يالسمي

والفائدة لي


دام البقا يالمرحب وانت لو تبيع مجبور=لابد تلقا جزاها فالعشر ولا الثماني
عن لازمي ماتعذر والولد ماهوب مشكور=لابد يقضي لزومه دامة ان العمر فاني

[علي الثبيتي]

طيب طيب يافهد صح لسااااانك وصح لساااان فهد

والصف صف فهد خخخخخخخخ

[فهد الشهيب الثبيتي]

هههههههه ارحب يالعود

صح بدنك والله يعينك على الصفين

[مطني الحافي]

فاني

طاروق طويل وجميل

على القوه

ياشعارنا

[فهد الشيباني]

بعض السوالف تحد الادمي يطلع عن الطور = من قمة الضلع تنزل ويش جابك للطماني

لن كان معثور هذا العام مضمونِ له كسور = من وكلك تحكم اهل السفن في مد السواني

[فهد الشيباني]

وعليكم السلام ورحمة الله

ارحب يالسمي

والفائدة لي


دام البقا يالمرحب وانت لو تبيع مجبور=لابد تلقا جزاها فالعشر ولا الثماني
عن لازمي ماتعذر والولد ماهوب مشكور=لابد يقضي لزومه دامة ان العمر فاني


تبقى يالسمي فاتتني ولا كاان رحبت فالرد

[فهد الشيباني]

اررررحب يا علي الثبيتي


صح بدنك وصفنا يالثنين يتشرف بك لاهنت .

[فهد الشهيب الثبيتي]

الشك زايل يافهد وكل مطرود ملحوق


نزلت من شان البي دعوتك والبال مسرور=ياللي تحسبون نظم الشعر يادانه وداني
ياكثركم مار مامنكم حكيم ٍ يحكم الشور=اطيبكم اللي يطبق لحن تركي والسناني

[فهد الشهيب الثبيتي]

ارحب يامطني الحافي والله يقويك

[فهد الشيباني]

تسلم .


اللي يطبق نظام مشارك اهل السور فالسور = ما هو بمنا وانا مسؤل عن منطق لساني

بعض العرب فالتزري كاسبٍ فكٍ وحنجور = ويعدد الناس ما بين الثعل ولا الحصاني

[فهد الشهيب الثبيتي]

الله يهنيه ياراع المثل والزاد مخشور=ياطيبكم كان راحت للملاعق والصواني
الامر لله وحده والرجل منهي ومامور=ياصاحبي يافهد ماانته بعير ولا حصاني

[فهد الشيباني]

العذر على التأخير الاتصاال من اليووم وانا اتعافر انا وياه لكن اختم يالذيب واعذرنا على القصوور .



اكيد هذا الثبيتي مفلس الكفين مجبور = ترى الدقايق على قول العرب فوق الثواني

انا اعرف انك كسبت الطيب من يمناه بالدور = والله وكيلك بعد حطوك بعده فالمكاني

[فهد الشيباني]

اشكر جميع من مر هنا ولاهنتم على الحضور .

[فهد الشهيب الثبيتي]

معذور يالسمي وصح لسانك وماحصل قصور طال عمرك

وختامك مابعده ختام