خالد الكسر شاعر المعاناهوغريب الوطن؟

[ابوعتب]

من لديه معلومات عن الشاعر خالد الكسر يزودنا بها وشكرا:D

[وليد الروقي]

خالد بن عقاب الكسر ألمرشدي
ولد في كبشان في عالية نجد ورافق ألأمير عبدالعزيز بن مساعد أمير حائل عاش حياته فقيرا" معدما"توفي عام 1400هـفي شهر محرم وعمره 45سنه ولم يتزوج

من قصائده
يامل قلب بين ألأضلاع ماجي==موجة خفيف الريش في يوم عجه
ونة قريص مالقا له علاجي ==سم الحنش من عكف الانياب مجه
وعزاه ياقلب طواه الخلاجي==ولا بان له من غض ألأنهاد حجه
الى أن قال
أيا شراب الزنعبوط الهماجي==وأيا المطر قبل الرواعي ترجه
وعزي لمن مثلي لمثله يراجي == وعليه قفل الباب عسر مهجه
ويقول في قصيدة أخرى
ألله من قلب نهيته ولا طاع ==يلعب به الهاجوس لعب المنازيع
متحير بأمره غدى شمله أمزاع==صبر جميل ويرجع القلب ويطيع
قفى تجره خاضبت روس ألأصباع==أم الثمان الضيقات اللواميع
وقرونها من فوق ألأمتان شراع==ولا هي من السرد الطوال النعانيع
عيوا بها عني قليلين ألأسناع==أسباب ساس البغض ماهم طماميع
أدعي عليهم والدعا حذف مقلاع==ادعوا معي عسى تصيب المقاليع
أرجي عساهم للبلاوي وألأوجاع==من كل صادوف يجيهم قواميع
الله يعرضهم من الروس ألأشعاع ==ذرية من محكمات المصانيع
دخانها مثل القبيسي اليا انداع==تاخذ على اطرافهم بضع اسابيع
تلقا ألأوادم هاجمين وصراع==بس الجماجم كالزبيدي مصاليع
وله غزليه أخرى يقول فيها

كنت آخذ المرقاب عصر ومغباش ==ولا شفت به زود عن اللي لقيت أمس
الله من قلب عليه البلا جاش == عده على جمر الغضا حامسه حمس
على حبيب صار للعمر حشاش==اللي طواني طي سيم على جمس
لاسلهمت بعيونها نصف ألارماش ==تنظر بحمر خدودها كامل الخمس
انعم من الديباج وابيض من الشاش ==واحمر من التفاح وانور من الشمس
واصفى من الجوهر به اللون يهتاش ==واطرى من الياسين تجفل من اللمس
وله غيرها

الله يابرق سمر حال دونه ===ناس حدوني عن حراويه لانصاه
يامل عين كن يلعب بنونه===راموس لاح بداخل الجفن واعماه
أمس الضحى لي ماقف تعلمونه===حار القدم في ماقفي ماتعداه
اخيل براق تلاعج مزونه ===ياليت من يقطع ظما الكبد من ماه
اهاضني ورع ضواحك سنونه===در وياقوت تضمه شفاياه
تكفون ياهل الورع لاتنهرونه===خلوه ياقف لين يكمل مراعاه
الف صباح الخير قزت عيونه ===والف صباح مفلجات ثناياه
والف صباح الخير صفة قرونه===والف صباح الخير وصفه وحلياه
زملوق عشب ناعمات غصونه===من وقع سيله ماوطت به رعاياه

وله قصيده مشهوره يرد فيها على أحد الشعراء الكويتيين لاأحفظ منها سوى مقدمتها من يعرفها فلا يبخل بها علينا وهي التي يقول في مقدمتها
قم يانديبي تولم بلا تيسير ===ياعلك من ممشاك هموز بلا مرجاع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


وسلامتكم وارجو المعذره في الإطاله

ودم لأخيك بعافيه.........
.

................ وليد الـــــــــــــــــــروقي...........

[ابن مشيب]

أدعي عليهم والدعا حذف مقلاع==ادعوا معي عسى تصيب المقاليع
أرجي عساهم للبلاوي وألأوجاع==من كل صادوف يجيهم قواميع
الله يعرضهم من الروس ألأشعاع ==ذرية من محكمات المصانيع
دخانها مثل القبيسي اليا انداع==تاخذ على اطرافهم بضع اسابيع
تلقا ألأوادم هاجمين وصراع==بس الجماجم كالزبيدي مصاليع

اخوي وليد الروقي , بيض الله وجهك , ونحن بإنتظار المزيد منك.




تحياتي لك وللاخ ابوعتب.

[الغربي]

بيض الله وجهك حقيقه معلومات كامله
شكرا

[مفلح]

القصيده المشهوره اللي يرد فيها على أحد الشعراء الكويتيين

يقول

ألا يا نديبي قم تولم بلا تيسير @ لعلك على وجهك هموز بلا مرجاع
على صنعة ٍ بدعة على منهج التطوير @ صنعها خبير الروس تبحل بها الصناع
سفينة فضا تصلح للمشي والمطير @ عليها من الهندوس كابتن قصير ذراع
......الى ان قال
80 كيلو طولها عرضها تقدير @ جنوب ٍ الى وارة وغرب ٍ الى المطلاع
توسط ولا تاخذ تقدم ولا تاخير @ تجي نص فوق بين السما والقاع
رحاها على وسط البلد تبترم وتدير @ سكر ذاري النسناس ما هب له ذعذاع

الى اخر بيت فيها

ونعرف العجوز اللي تصلي بلا تكبير@ على طول تسجد يوم يركع لها الركاع


انا سامعها بصوت الكسر نفسه وان شاء الله اسجلها هي والمقطع من قصيدة الكويتي اللي قاله خالد عنه
وانزلها هنا

من ما قال الكويتي

عسى طايرات الميق من نوع قطع صغار @ جيم 21 من صنع روسية
جيم 21 في حكمة الطيار @ عليها سلاح الحرب من روس ذرية
تجيكم طلوع الشمس مع مبتدأ النهار @ تحت راي عامر غارة الصبح جوية
تنزل قنابلها عليكم بغير عيار @مثل كورة الجهال في يوم عصرية
من النير للدمام يشتب كله نار @ تهل القنابل مثل هطال وسمية

[ابو البواسل]

مشكور على القصيده وارجوا اكمالها

[عفارالأسعدي]

لاهنت يالروقي هذا والله القصيد


الله يرحمه ويغمد عضامه الجنه


تكفا ياولد روق قصايد بالجمال والروعه هذي ماينقصها الا شي واحد بس


الا وهو تنسيق وستايل على الاصول

وياليت يوضع ديوان بنفس المنتدي لقصايد الكسر



بيض الله وجيهكم علا الابداع


هذا من نوادر الشعر




[frألله من قلب نهيته ولا طاع = =يلعب به الهاجوس لعب المنازيع
متحير بأمره غدى شمله أمزاع= =صبر جميل ويرجع القلب ويطيع
قفى تجره خاضبت روس ألأصباع= =أم الثمان الضيقات اللواميع
وقرونها من فوق ألأمتان شراع= =ولا هي من السرد الطوال النعانيع
عيوا بها عني قليلين ألأسناع= =أسباب ساس البغض ماهم طماميع
أدعي عليهم والدعا حذف مقلاع= =ادعوا معي عسى تصيب المقاليع
أرجي عساهم للبلاوي وألأوجاع= =من كل صادوف يجيهم قواميع
الله يعرضهم من الروس ألأشعاع = =ذرية من محكمات المصانيع
دخانها مثل القبيسي اليا انداع= =تاخذ على اطرافهم بضع اسابيع
تلقا ألأوادم هاجمين وصراع= =بس الجماجم كالزبيدي مصاليع

[عفارالأسعدي]

كنت آخذ المرقاب عصر ومغباش ==ولا شفت به زود عن اللي لقيت أمس
الله من قلب عليه البلا جاش == عده على جمر الغضا حامسه حمس
على حبيب صار للعمر حشاش==اللي طواني طي سيم على جمس
لاسلهمت بعيونها نصف ألارماش ==تنظر بحمر خدودها كامل الخمس
انعم من الديباج وابيض من الشاش ==واحمر من التفاح وانور من الشمس
واصفى من الجوهر به اللون يهتاش ==واطرى من الياسين تجفل من اللمس

[ابو محمد الدعجاني]

اله بعد قصيده يقول فيها

البارحه يوم الاوادم مرشه عيت عيوني تستلذ الفراشي

يامل قلب طاول البين غشه والحال مما بالفواد متلاشي

عليك يالي زرع قلبي تحشه ........................................


حلوه لكن هذا اللي احفظه منها ياليت اللي يعرفها يجيبها لنا

[المميز جدا]

القصيده المشهوره اللي يرد فيها الشاعر خالد الكسرعلى أحد الشعراء الكويتيين
اورد بعض ابيتها ممن اسعفتني بها الذاكرة وارجوا المعذره عن القصور هذا مماحبيت ان اكمل به مشاركة الزملاء
يقول الشاعر

ألا يا نديبي قم تولم بلا تيسير @ لعلك على وجهك هموز بلا مرجاع
على صنعة ٍ بدعة على منهج التطوير @ صنعها خبير الروس تبحل بها الصناع
سفينة فضا تصلح للمشي والمطير @ عليها من الهندوس كابتن قصير ذراع
لها بالسماء جنحان وليا مشت جنزير@ على شأن ماتختل في حوزت الميقاع
حديده من الفولاذ الاصلي وشكلا غير @ تشوف القنابل عن حديده تروح امزاع
عليها مخازن خام توقد بزفت وقير @ لها ريحة قشرى تذب الكبود ازواع
توجه من اقصى الهند وجاوب المطير @ عليم بها الطيار يقدى لها الاسناع
على اهل 0000 موجه شر ولا خير @ بها خارطه ومكبرات عن الضياع
لها ظلمة يوم اقبلت تاخذ التصوير @ يخاف التقي منها ويبحل بها الطماع
80 كيلو طولها عرضها تقدير @ جنوب ٍ الى وارة وغرب ٍ الى المطلاع
توسط ولا تاخذ تقدم ولا تاخير @ تجي نصف كيلو فوق بين السماء والقاع
رحاها على وسط البلد تبترم وتدير @ سكر ذاري النسناس ما هب له ذعذاع
ومطرها يجي سوقات وتشوف له تأثير@ وتنبع عليه الارض من عينته نباع
الى ان قال
هذا حقكم والحق الاخر يجي ويصير @ هذا قدر من باع الوطن جازمن بياع
على شأن منتم قد للضرب والتدمير@ يكفيكم سفينة 00000يالخمه التباع
اما بقية الابيات نسأل الله العفو عنه
الى ان قال
لناعندكم ربعا عسى مالهم تأخير @ قليل عددهم جعلهم يطلعون اتباع
اهل المرجله والطيب والماقف العسير@ يدورون بقطار الدول حروة الاطماع
الى اخر بيت فيها

ونعرف العجوز اللي تصلي بلا تكبير@ على طول تسجد يوم يركع لها الركاع



وارجوا من الاخوة القائمين على المنتدي لمعرفة السيرة الذاتيه للشا عر خالدالكسر الاتصال بأمير طريف فارس نجر حيث قضى حياته بينهم وهم اعلم مني بسيرة الشاعرحيث يستحق الشاعر كتابة سيرته واشعاره متمني للجميع التوفيق 0

اخوكم المييز جدا العتيبي

[المميز جدا]

وهذه قصيدة للشاعر خالد الكسر المرشدي العتيبي رحمه الله ارجوا ان تنال اعجابكم


الله مــــــــن قــــلــــبٍ نــهــيــتـــه ولا طـــــــــاع
يلـعـب بــه الـهـاجـوس لـعــب المـنـازيـع
مـتـحـيـرٍ بأمره غــــدى شـمـلــه امـــــزاع
صـبـرٍ جمـيـل ويـرجــع الـقـلـب ويـطـيـع
اقفـى تتلـه خاضـبـت روس الاصـبـاع
أم الـــثــــمــــان الــضـــيـــقـــات اللواميع
خـلـي مـــن الحفرات مـاهـيـب مـهـبـاع
ولا هــي مــن الـسـرد الـطـوال النعانـيـع
وقـرونـهــا مــــن فــــوق الأمتان شــــراع
مـثــل الـعـســب فــــوق الــودايــا مـهـانـيـع
بطن العسيف مجاذبة طول الابواع
ركـــابـــهـــا دايـــــــــم يــــتـــــل الــمــصـــاريـــع
مـــا شـذبــت بـالــزود طــــراف الاكــــواع
لا صكـن العيـرات تسبـق علـى الريـع
لا شفـت زولــه يـوجـف القـلـب مـرتـاع
لـو مـا حـصـل لــي مــن قبـالـه منافيع
عـيــوا بــهــا عـــنــــي قـلـيـلــيــن الاســــنــــاع
أسباب ساس البغـض ماهـم طماميـع
ادعــي عليـهـم والدعاء حـــذف مـقــلاع
وأدعو معـي عـسـى تصـيـب المقالـيـع
ارجـي عساهـم مـن الـروس الاشـعـاع
ذريـــــــة مـــــــن مـحــكــمــات الـمـصـانــيــع
دخـانـهــا مــثــل القـبـيـسـي أليا انــــــداع
تأخــذ عـلــى طـرافـهـم بــضــع أسابيع
تلقى الاوادم هــاجــمـــيـــن وصـــــــــــراع
بــــس الـجـمـاجـم كـالـزبـيـدي مـصـالـيــع
وإلا عــســـاهـــم مــــزنــــة نــــوهـــــا مـــــــــاع
مـــــن مــزنـــة يــنـــزل بــردهـــا صـوامــيــع
عـديـمـة مـــا ضـــاح بـــه شـــوف لـمــاع
يـسـوقــهــا الــغــربــي وشـــرقــــي روابـــيــــع
يـنـكـر هــــواه ومـزنـهــا يــضــرب الــقــاع
تــرمــي عـلـيـكـم كــبـــر روس الـمـرابـيــع
يــســـج فـيــهــا الــقــلــب مــنــهــم ويـــرتـــاع
مــنــهــا تــضــيـــع افــكــارهـــم والـمــرامــيــع
يــعـــذر بـغــالــي سـلـعـتــه كـــــل طـــمـــاع
وتذهل عن المرضع قلوب المراضيع
تـأخــذ ثـــلاث أسبوع والـمــزن مــامــاع
والـســيــل حــايـــر مـــــا لـقــالــه مـطـالـيــع
واليـا غـدو مثـل الطفـل والنسـم ضــاع
يــفــتـــح لـــهــــم بــالــقـــاع درب وبــوالــيـــع
هفت غريـق المـوج مـن غيـر مرجـاع
مـــن فـوقـهـم سـبــع الأراضي شـوامـيـع
تضرب بهم صف على كل الاسـواع
وتـشـهـر بـهــم كـــل المـحـطـات وتــذيــع

المميز جدا العتيبي

[المميز جدا]

تعديل بيت الشعر لخالد الكسر
من ارجـي عساهـم مـن الـروس الاشـعـاع
ذريـــــــة مـــــــن مـحــكــمــات الـمـصـانــيــع

الى

الله يعرضهم من الــــــروس الاشـــعاع
ذريـــــــة مــن محــكـــمات المــصانيــــــــع

[ضيف على عتيبة]

صح لسان خالد الكسر

والله يرحمه

عزالله انه رد ورده كفوو

يعطيك العافيه اخوي

وانا عندي شريط له فيه اغلب قصايده المشهورة

[ولدعساف]

صح لسان خالد الكسر

والله يرحمه

عزالله انه رد ورده كفوو

يعطيك العافيه اخوي