لولاي ادله خاطري

[شامان الروقي]

بسم الله اللرحمن الرحيم
هذه القصيده موجه للشاعر محمد بن غميض السليس


لولاي ادله خاطري وانضم القـاف=وانــا تدلهـنـي تماثـيـل قـافــي
خصـن لياعديـت فـي راس مـشـراف=ناب الحجـا فـوق المراقيـب نافـي
اجر صوتي وازعج الصوت باسـراف=حـتـى يجاوبـنـي قنـيـب الهـجـافـي
ذيبٍ عوى وانكف بعد شاف ماعـاف=عود وجوعـه فـي السراجيـف خافـي
لـولاه جاوبنـي واناشفـت ماشـاف=وياشيـن ماسرحـان هالوقـت شافـي
لإغدي كما غصنٍ علـى راس مهيـاف=لاقام تلعـب بـه هبـوب السوافـي
قضيت ماض العمـر وسنينـي عجـاف=عزيـزنـفـس ولاشـكـيـت الـخـلافـي
دنياي تسقينـي مـن المـر مغـراف=لوهي سقت غيري مـن النـاس صافـي
واليوم دنيانا ترى مابها أحساف=يابوحـمـد ماتسـتـحـق الحـسـافـي
يغنيك عنها مع هل الدين ميقاف=اهل القلـوب الصامـلات النضافـي
دعوه وعلم وذكر واداب واعـراف=وسلـوم قـومٍ مادخلهـا اختـلافـي
ياما انصحو من عاصيٍ ذالف إذلاف=فـي غيهبـان المعصيـة كـان هافـي
يمشون مع نهج الصحابـة والاشـراف=نهج الشـرف والعـز نهـج العفافـي
للمرجلة فيهـم عناويـن تنشـاف=اهل الوفى ياحـي مـن كـان وافـي
لاصرت معهم ماعلـى مثلـي اخـلاف=لاصــار ديـنـي سـالـمٍ ومتـعـافـي
لاطعت من نـزل تبـارك والأحقـاف=عــلام خـافـي خافـيـات الـخـواف

[جزاء العتيبي]

الشاعر شامان الروقي

صح الله لسانك والله يعطيك العافية

تقبل تحياتي

[نايف المغيبي]

الاخ الشاعر/شامان الروقي

الله يعطيك العافيه على هذه القصيد الذي بكل صراحه استمتعت بقراءتها

[شامان الروقي]

الشاعر شامان الروقي

صح الله لسانك والله يعطيك العافية

تقبل تحياتي



صح بدنك لاهنت

[شامان الروقي]

الاخ الشاعر/شامان الروقي

الله يعطيك العافيه على هذه القصيد الذي بكل صراحه استمتعت بقراءتها



يعافيك ولايهينك

[عناد الشيباني]

صح الساااانك

مدد بلا عدد

[شامان الروقي]

صح الساااانك

مدد بلا عدد



صح بدنك ياغالي