جوهرة نجد

[فتى الهيلا]

اسهر ومسهرني هوى لين العـود **** طفلٍ حرم عيني لذيذ المنامـــا

شكيت منه الحمر والبيض والسود **** وشقرٍ على الخصر المعزل تواما

وعكشٍ تشرع بالحجاجين وورود **** محاجرا تفضح رهيف اللثامــا

وعنقٍ مرق عن لبة الترف ونهود **** وخصرٍ هضيمٍ كن فيه الهيامـا

وردايفٍ منها فضا الثوب مشدود **** ليا مشى تطوي السلب للحزاما

لا واه أنـــا مذبوح عمدٍ وجحود **** يذاك ما بيني وبينك مدامـا

وحياة من في رادتـه هبت النود **** انك جرحت اللي حنينه اريامـا

ما حق يالطف الحشـا حب وصدود **** وعلام تسكت ما ترد السلامـا

كانك تبي تبرير للحب وشهـود **** انظـر بعينك في دموع تهامـا

وحالٍ نحل من حبكم كنه العود **** ونفسٍ تصوم بغير نية اصيامـا

لا ياحبيبي ويش حدك على الكود **** ماانت بعمى وشلون عنى تعاما

ان كان منك العطف واللطف مفقـود **** ذبح المحب بغير ذنبٍ حراما

ياهاجري ماف اشرف الوصل منقود **** عدني كماعود الولي لليتاما

بزيــارة تطلق من الحزن ممهود **** في قلبي اللي لك بوسطه مقامـا

عليه تشهر سيف الألحـاظ مجرود **** وإليا تعطف لك علامك تسامــا

وش ذنبه إلا انه بالأتعاس موعـود **** في حبك اللي مـا قضاله مراما

وبيت القصيداللي من القلب مشيود **** حرام ما يزهاه غيرك وسامــا

وشعرالغزل تزهـاه ياباشة الخود **** يا فاضحٍ بالنور بدر التماما

لك الغلا ياجوهرة نجد يا نجود **** حوريةٍ من حبهــا ما يلامــا



للشاعر
عبد الرحمن العطاوي

[ولد عوجان الجذع]

شكرا يا فتى الهيلا
والعطاوي غني
عن التعريف

[فتى الهيلا]

اخوي

ولد عوجان الجذع


شكراً على مرورك

وعبدالرحمن العطاوي
شاعر هوازن
معروف ولا يعرف

ويعطيك العافيه



تحياااااااااااااااتي

[دريد ابن الصمة]

حاالا نحل من حبكم كنه العود = = ونفسا تصوم بغير نية صياما

سلمت والله يا فتى الهيلا على الاختيار الرااائع ..

وصح لسان الشاعر الكبير عبد الرحمن العطاوي

ولك تحياتي ..

[فتى الهيلا]

اخي

دريد ابن الصمة


الله يسلمك
ولاهنت على المرور

[ذيـب طـويـق]

وبيت القصيداللي من القلب مشيود **** حرام ما يزهاه غيرك وسامــا
وشعرالغزل تزهـاه ياباشة الخود **** يا فاضحٍ بالنور بدر التمام

قصيدة جزله .. تحمل ابيات جميله

تسلم يا فتى هيلا على الطرح

وماقصرت .. ولا عدمناك

[أبو مرحبا]

فتى الهيلا


لاهنت طال عمرك قصيده رائعه

[فتى الهيلا]

ذيب طويق



قحص



الله لا يهينكم على المرور
ويعطيكم العافيه



وتقبلوا تحيااااااااااااااتي

[((الدلبحي))]

فتى الهيلا

صح السانك والسان الشاعر الكبير عبدالرحمن العطاوي

تحياااااااااااتي

[فتى الهيلا]

الدلبحي


صح بدنك يا ابن العم

شاكراً لك مرورك

ويعطيك العافيه



وتقبل تحيااااااااااااااااااااااااتي