علي العضياني وملفي المورقي والمعنى حول ( لقب شاعر الهيلا )

[ابو فايح]

في ليلة رائعه دار هذا الطاروق الرائع في معناه ومبناه بين الشاعر الكبير ملفي المورقي والشاعر الرائع والمبدع علي العضياني


كان المعنى يدور حول لقب ( شاعر الهيلا )
الممنوح للشاعر الرائع زبن القاضي العضياني
من الشاعرين مستور العصيمي وحبيب العازمي
وبإذن الله إن زبن القاضي قد المهمه
شاعر رائع وهادى داخل الميدان وبعيد عن المهاترات ويسير بخطى ثابته نحو القمه .






بدأ علي العضياني بترميزات رائعه للمعنى بدأها بـ ( شاعر الهيلا ) ثم ( غير الشهاده شهاده )

وأن اللقب أصبح من نصيبنا يالعضيان وبالتحديد للشاعر زبن القاضي

ثم إلتقط المعنى أبو وافي وأخذ يدافع ويقول أن اللقب لي مهما حصل .


لمحات فنيه أعجبتني فالطاروق

التاجر اللي فالبلد طور السوق ( لمحه رائعه يستحقها زبن القاضي وفعلا كل يوم يزداد إبداع)
مصر العزيزه مالها غير فاروق ( توظيف رائع وقله من يجيدونه مثل ذلك )
منحه وجتني من زعيم القياده ( توظيف رائع جدا )




علي العضياني

يا شاعر الهيلا نبا معك طاروق = طاروق منه المقصد الإستفاده
الناس قالوا كل مطرود ملحوق = اليوم جاء غير الشهاده شهاده






ملفي المورقي


لا ظالم (ن) برقا ولا ظالم (ن) روق = عقيد ربعه ما أحذفه عن شداده
يا علي عينك لدها للسماء فوق = والليل فوقك لا يخيم سواده




علي العضياني



إلكل رجال (ن) مواجيب وحقوق = لومك على اللي ما يحقق مراده
التاجر اللي فالبلد طور السوق = في كل يوم وتجرته في زياده







ملفي المورقي


خل العلوم اللي تباها بصندوق = بعض المناوي يا عتيبي نقاده
مصر العزيزه مالها غير فاروق = تعب على شعبه وطور بلاده





علي العضياني



يالمورقي ما نعرف الغدر والبوق = منحه وجتني من زعيم القياده
الموت غيب خير صادق ومصدوق = وأوامر الله جاريه في عباده





ملفي المورقي

المال ما يحفظ ليا صار مسروق = يصير ما يسوى جناح الجراده
أدري إن ما باق(ن) على الأرض مخلوق = يا جعل ما يشملك حرب الإباده





علي العضياني



الأمر صادر يا ولد روق من فوق = ولا ضاع جهد المورقي وإجتهاده

[رجا بن فهيد الهاجري]

الأمر صادر يا ولد روق من فوق
ولا ضاع جهد المورقي وإجتهاده


الله الله

الطاروق رائع وملفي شاعر كبير يستفاد منه

وعلي شهادتي فيه مجروحه

الموهبه موجوده عنده والممارسة ستصقل الموهبه إلى الأفضل


وعلى قولة سعد بن جدلان عن الموهبة الشعريه

السهولـه للنفـوس أقـرب مـن الصعّـابـي =والطبيعـيـة مـداهـا أبـعـد مــن المزيـوفـه

[فيصل بن فهد الجهني]

مصر العزيزه مالها غير فاروق = تعب على شعبه وطور بـلاده


علم يا ابو وافي .. و من عمالقة جيلك..!!

ولا هان العضياني


سلمت يا ابو فايح .. ولاهنت على ذا الطاروق

[اسير الروح]

صح لسان الشعراء ابو وافي وعلي مبدعين بلا شك ..

[خلف المطيري]

المال مـا يحفـظ ليـا صـار مسـروق =يصيـر مـا يسـوى جنـاح الجـراده

نعم نعم

كيف يحفظ وهو مسروق

صح السان ابو وافي

ولاهان علي فلاح وصح السانه

[السامي الجعيد]

لا ظالم (ن) برقا ولا ظالم (ن) روق عقيد ربعه ما أحذفه عـن شـداده
يا علي عينك لدها للسمـاء فـوق والليـل فوقـك لا يخيـم سـواده

ياسلام ياملفي المورقي كبير ولايهوون علي العضياني

[الهزبري]

محاورة رائعة ومحاورة معنى

ملفي شاعر قوي

وعلي العضياني داهية ويتطور مستواه يوم بعد يوم


مشكور يامبدعنا ومشرفنا ابو فايح


الله لايهينك

[فايز بن سرحان الثبيتي]

ابداع في الفتل والنقض


تمنياتنا للشاعر االرائع علي فلاح بالتوفيق والتقدم "



شكرا يابو فايح على التواصل الرائع مع القسم والنقل الموفق "

[متذوق الشعر]

ابداع من الشاعر المبدع علي العضياني وكذالك من الشاعر الكبير ملفي المورقي

اشكرك يابو فايح على النقل والاختيار الجزل

[أسير القوافي]

لاهنت يابو فايح




وصح لسآن عمالقة الهيلا ،،





تحيتي لك يافخم

[سلطان الاشراف]

سلام على الجميع عامه ولأبو فايح خاصة ................
شعار عتيبة مافيهم كلام..ونجوم وأساطير العصر منهم..وبالنسبة لشعر المحاورة بالذات فقبيلة عتيبة تبقى القبيلة الأولى بدون منازع ..........

ولكن عندي سؤال بسيط:هل اللقب هو شاعر الهيلا كلها..يعني شاعر قبيلة عتيبة حفظها الله ورعاها
إذا كان هذا مافهمته..فالسؤال الذي يطرح نفسه:

هل شهادة مستور العصيمي وحبيب العازمي للشاعر زبن القاضي بأنه شاعر عتيبة فعلا صحيحة وفي مكانها ؟

وهل زبن هو شاعر الهيلا في العصر الحااالي ............

لاحظوا: الشاعر زبن القاضي له كل إحترام وتقدير..وهو شخص محبوب جدا..ولكن أنا أتكلم هنا عن الشاعرية فقط...ولا أتطرق للشخص نهائيا .........


تحياااتي .. سلطان الأشرف

[الجوراسي]

محاورة رائعة

وليت بعض الشعار اللي نشوفهم كل يوم على القنوات عندهم نص موهبة علي

[رائد الكيرعاني القحطاني]

المال مـا يحفـظ ليـا صـار مسـروق=يصيـر مـا يسـوى جنـاح الجـراده


الله الله الله


بيت المحاوره



صح لسان ابو وافي ولسان شاعر المعنى العضياني


لاهنت على النقل

[ابو فايح]

حيالله جميع الأخوان وبيض الله وجيههم على مرورهم العطر



الأخ سلطان الأشراف مرحبا مليون وين الغيبه ؟؟؟


بالنسبه لحديث عن اللقب


كلهم شعراء الهيلا الشاهد والمشهود له والأخرين


ولكن مستور وحبيب من شعراء عتيبه الذين يدعمون ويساندون من يستحق الدعم


وأعتقد أن اللقب تكليف وتشريف وودعم معنوي كبير لشاعر زبن القاضي ويستاهل والله يوفقه .

[سلطان الاشراف]

تسلم يابو فايح على الترحيب الزين..وماشاءالله عليك ذاكرتك 5 قيقا هههههه..توقعت إنكم نسيتوني هههه

بالعكس أنا متواجد بالمتابعة فقط في الفترة الماضية..وخصوصا لما تكتب أنت بالذات لأني أستفيد من كتاباتك المفيدة كثيرااا .........
لك قلم مميز .. وفكر مميز أيضا بكل أمانة ...........

أرجع للموضوع :

مع إحترامي الشديد لك يابو فايح..أول مرة أحس إن جوابك غير مقنع ...........
تقول الشاهد والمشهود من الهيلا..ما أدري يعني وش دخلك ياشريف هههههههه أو وش تبي بالضبط هههههه
أو إننا كذا أو كذا فكلنا عتيبة هههههه..إذا هذا المقصد فالنقاش يتوقف هنا لأنك قمت تفهمني غلط ياقلبي

فأنا أعرف بأن الشاهد مستور وحبيب وهم ملوك الشعر..وأعرف الشاعر المحترم زبن..وأعرف إنهم كلهم من عتيبة..والنعم فيهم وبعتيبة كافة....ليست هنا قضية نهائيا

لكن هل زبن يستحقها فعلا بأن يحصل على لقب شاعر الهيلا في الوقت الحالي؟وهل شهادة حبيب ومستور في محلها؟

أم هي مجاملة..بدون نقص في شاعرية زبن..فأنا لا أقول زبن مايستحق..ولكن هل هناك من يستحقها غيره ومن عتيبة طبعا وطبعا وطبعا بالثلاث؟

سؤال واضح ومحدد وصريح

وإذا كان لابد من رفع المعنويات لمن يستحق..فهناك من هو أصغر سنا من الشاعر الذي تم إختياره وأكبر موهبة وشعرا وجمهورا وهو أحق باللقب.......

لا أظن يابو فايح بأن عتيبة تقبل رفع المعنويات والمجاملات..على حساب لقب كبير يخص قبيلتهم لايذهب لمن هو أفضل فعلا..ولا أقول لمن لا.. يستحق .........


تحيااتي..سلطان الأشرف

[ابو فايح]

الاخ سلطان فهمتني خطأ يالذيب


مقصدي أن كلهم شعراء الهيلا والاسم يطلق على اي عتيبي


ذكرتني بتصريح لأحد الأمراء عندما قالوا هل توافق أن محمد عبده فنان العرب قال والبقيه وش يكونون فناني العجم !!!

[سعود العصيمي]

يالمورقي ما نعرف الغدر والبوق
منحه وجتني من زعيـم القيـاده


الله الله


ابو فلاح مبدع حقآ

صح لساااانه ولسااان ابو وافي
ومشكوور ابو فايح على النقل الجميل

[سرحان العتيــبي]

مصر العزيزه مالها غير فاروق
تعب على شعبه وطور بـلاده



يالمورقي ما نعرف الغدر والبوق
منحه وجتني من زعيـم القيـاده



قاااااف جميل

صحت اللسنتكم ياشعااارنا الغالين

[سلطان الاشراف]

أبو فايح

الحين فهمتك صح يالحبيب..أكيد كل شاعر عتيبي هو شاعر الهيلا..لأنه ينتمي للهيلا
لكن عندما يأتي اللقب رسمي أو شبه رسمي...هذا شي ثاني

هذ وجهة نظري المتواضعة.. وآسف للإطاله ياقلبي..والدعوه حبيه