طــــرقة الســـايق

[مشعل حسين]

ياراكب اللي يقرب طرقة السايق=اللي بسعره يربح شيخ تسويقه
كم واحدا وده ابه ولاهو بطايق=جيب" ليامن سرى لكن تحليقه
شيهانة" فوق جول الصيد وتوايق=تبي اول الصيد ماتبغى ملاحيقه
لكزس بفنه تجاوز جيب ابن شايق=نوع البريمي تماتيكن تعاشيقه
سواقه اللي من الحرمان متضايق=من كبر هما"بقلبه ناشفن ريقه
منصاه لأهل الوفا اللي تردع البايق=اهل التراحيب والطيب ومواثيقه
رجالهم للمراجل دايما" لايق=ترومه المرجله من طيب توفيقه
وأخص منهم حمود النادر الفايق =حرا" قطامي مخاليبه مسابيقه
ياحمود دار رمضان وخاطري ضايق=واليوم عيد رمضان ولا انجلى ضيقه
لاني بنايم ولا بين العرب فايق=واللي على خاطري ياصعب تحقيقه
مرة سنه كامله والوضع متمايق=وعجزت الملم شتات"طال تفريقه
ياوجد عيني على اللي سالين رايق=اللي خذ القلب من داخل معاليقه
بيني وبينه حواجز واصبحت عايق=الدين والسلم والبيت ومطاليقه
وعزالله اني من الحرمان متضايق=والحب راعيه دايم ناشفا"ريقه

[الصويت الثبيتي العتيبي]

صح السانك


وبيض الله وجهك