زيد العضيلة وعلي الحصني

[الهزبري]

عـــــــــــلـــــــــــي
مرحبا من شاعر(ن) ماهو من الشعار خايـف
كل مايدعى مـع الشعـار بالحفـل ايهجدهـا
يالعظيلـه لا تكذبنـي وانـا مانـي باحالـف
ناقة المطران يرضعهـا ولـد ماهـو ولدهـا
زيــــــــــــــــــــــد
البقا منـي وانـا ربعـي مفرقـت الولاايـف
ليلتي حاضر سعدها ليلتـك حاضـر سعدهـا
انت يالحصني علومك كلهـا الليلـه طرايـف
مار جودلي عددهـا وازهـل اضيـع عددهـا
عــــلــــى الــحــصــنـــي
نعم في ربعك ولاكن انت عن ربعـك مسايـف
والجمل لاخشت النملـه تحـت خفـه هبدهـا
بعد ماوصفـت علمـي لاتضيـع للوصايـف
لي ضمير مايقـول الكلمـه اللـي ماقصدهـا
الـعـظـيــلــه الــمــطــيــري
نعم في ربعي وربعـك مـار قلـل فالكلايـف
والله انك ماتحل احبـال زيـد اللـي عقدهـا
0000 الـلـي مثلـكـم يبـغـا وضـايـف
مار ليت الحصني ليا حصل النعمـه حمدهـا
عــــلــــى الــحــصــنـــي
والله انا مع عيـال قريـش ماعشنـا حلايـف
والعظيله يمكن انه ياصـل اقريـش يعبدهـا
من تعشى في يمينه مالحـق راسـه حسايـف
لانت زيد ولانت ساجد سجدت(ن) محدأ سجدها
الـعـظـيــلــه الــمــطــيــري
انت رجال(ن) ليا حصلت لك عـرق(ن) مهايـف
تمترح كبدك على الاشجـار اليـن اتحصدهـا
هيه ياراعي الذلول اللـي تمرجـح بالسفايـف
احدر الوادي عليهـا خلهـا تمشـي وحدهـا
عــــلــــى الــحــصــنـــي
يالعظيله لاتلـف العلـم فـي بيـض الافالـف
كان في صدرك سوالف لك علومه من رودهـا
الله اني يستر المطران فـي حمـر القطايـف
دايم(ن) وسط القطايف مـن يدورهـا وجدهـا
الـعـظـيــلــه الــمــطــيــري
خلي هرج(ن) مايبرد غـل يـاراع العطايـف
الفعول المن فعلها والسيـوف المـن جردهـا
والله انا فـي وجيـه القـوم مثـل اطويـق نايـف
مـار ليـت العـود راقـد واخلـفـو نــوم رقدها

[محمد العتيبي]

صح لسااان


الشاعر الكبير / زيد العضيله ..


وعلي الحصني


تحيتي
..

[مشاري صنت]

الحصني ماهو بسيط بدع معنى وزيد مافهمه وحاول الحصني يرد زيد للمعنى لكن دون فائده زيد معنبد ورايح في وجهته

المعنى في ناقة المطران اللي يرضعها ولد ماهو ولدها وش تظنون المعنى انا اعتقد انه لقب شاعر مطير اللي يقول زيد انه له ويستغل مرض سوار الذهب شاعر مطير الذي يقر له الجميع بهذا الشئ

[الشخص العاقل]

شعر ومعنى وفتل من الحصني ومن وجهة نظري ان الحصني تفوق

[ابن المحايا]

بصراحة زيد العضيلة مكانة الطبيعي الصفوف



لكن سبحان الله الدنيا ارزاق وحظوظ


والحصني متميز ماشاءالله عليه


لاهنت على النقل يالغالي

[الهزبري]

محمد العتيبي
شاكر مرورك
مشاري صنت
تحليك منطقي
الشخص العاقل
وانا أرى أنه تفوق من وجهة نظري
ابن المحايا
اتفق معك فيما ذكرت ولكن الدنيا حظوظ وفيه من شعراء قبيلته من يتفوق عليه.........الله يرزقه مانحسده

[ماجد الحبردي]

صح السنته الشاعرين لكن من وجهة نظري ان الحصني تفوق ولكن الاعلام بعيدا عن ذلك الشاعر

[خلف المطيري]

بصراحة زيد العضيلة مكانة الطبيعي الصفوف



لكن سبحان الله الدنيا ارزاق وحظوظ


والحصني متميز ماشاءالله عليه


لاهنت على النقل يالغالي
ههههههههههههههههههههههههه
ابن المحايا والله ان تعليقاتك مختصره وقاتله في نفس الوقت فعلا خير الكلام ماقل ودل
لكن مكانه بين الصفوف قويه هههههههه حطه مدرب صف
ذكرت واحد مكانه الصف يالله شد حيلك وكمل الصف الصف مايقوم علي واحد انتظر تكميلة الصف

[خلف المطيري]

محمد العتيبي
شاكر مرورك
مشاري صنت
تحليك منطقي
الشخص العاقل
وانا أرى أنه تفوق من وجهة نظري
ابن المحايا
اتفق معك فيما ذكرت ولكن الدنيا حظوظ وفيه من شعراء قبيلته من يتفوق عليه.........الله يرزقه مانحسده

اسمح لي اخالفك في تقييمك لزيد العضيله زيد شاعر كبير في شعره واخلاقه ومرجلته ومحترم لابعد الحدود

ومافي شي اسمه شاعر القبيله الشعر مثل السعد يغيب ويحضر
انا ضد مسمي هذا شاعر القبيله الفلانيه وهذا شاعر القبيله الفلانيه الشي هذا فيه اجحاف للاخرين
وجهة نظر وارجو تقبلها

[الهزبري]

صح السنته الشاعرين لكن من وجهة نظري ان الحصني تفوق ولكن الاعلام بعيدا عن ذلك الشاعر

شاكر مرورك يالحبردي

الله لايهينك

[الهزبري]

اسمح لي اخالفك في تقييمك لزيد العضيله زيد شاعر كبير في شعره واخلاقه ومرجلته ومحترم لابعد الحدود

ومافي شي اسمه شاعر القبيله الشعر مثل السعد يغيب ويحضر
انا ضد مسمي هذا شاعر القبيله الفلانيه وهذا شاعر القبيله الفلانيه الشي هذا فيه اجحاف للاخرين
وجهة نظر وارجو تقبلها


حياك الله ياخلف
انا لا اتكلم عن زيد شخصيا...الرجل ونعم اخلاق ومرجلته
انا اتكلم عن شعره..زيد لاينقض خصمه في كثير من الاحيان وله محاورات كثيره مع حبيب او مع غيره يجامل او لايفهم المعنى

واخالفك بانه لا يوجد شاعر قبيله..
فمثلا عبدالله الميزاني افضل من زيد بمراحل وهذا رأي الكثيرين غيري..
شاكر مرورك ومتابعتك ياخلف

[خلف المطيري]

حياك الله ياخلف
انا لا اتكلم عن زيد شخصيا...الرجل ونعم اخلاق ومرجلته
انا اتكلم عن شعره..زيد لاينقض خصمه في كثير من الاحيان وله محاورات كثيره مع حبيب او مع غيره يجامل او لايفهم المعنى

واخالفك بانه لا يوجد شاعر قبيله..
فمثلا عبدالله الميزاني افضل من زيد بمراحل وهذا رأي الكثيرين غيري..
شاكر مرورك ومتابعتك ياخلف

لاهنت طال عمرك

انا تابعت المحاوره هاذي وشفت كل مافيها وعارف معناها والمعني سياسي

وماشوف زيد قصّر زيد ومحاوراته ويا الشعار الكبار كلها طيبه ومع الشباب سدد وقارب ومش حالك

وامّا من ناحية المعني اكيد زيد فاهم ولمجامله صفه لزيد زيد شخصيته انعكست في طواريقه

والدليل عرس اولده ماغاب احد عنه من الشعار

اما اسوار الذهب حاله نادره ولا يقاس عليها انا اتكلم بشكل عام

[الهزبري]

مشكور ياخلف

[جبل]

المعنى اتوقع ان يازيد ان تماشي ناس من غير قبيلتك وتسترزق وراهم

من تعشى في يمينه مالحـق راسـه حسايـف

[ابو فايح]

الحصني داهيه ضهرة قوة أبياته على أبيات زيد


زيد لم يصيد المعنى ناقة المطران هو بيت المعنى

ربما يقصد بها حفلات مطير او شي يفيد مطير ولكن يذهب لغيرهم او أمر لم يخطر على بالي


لاهنت يالهزبري

[الهزبري]

المعنى اتوقع ان يازيد ان تماشي ناس من غير قبيلتك وتسترزق وراهم

من تعشى في يمينه مالحـق راسـه حسايـف


مشكور يالجبل

وجهة نظرك لاغبار عليها.

[الهزبري]

الحصني داهيه ضهرة قوة أبياته على أبيات زيد


زيد لم يصيد المعنى ناقة المطران هو بيت المعنى

ربما يقصد بها حفلات مطير او شي يفيد مطير ولكن يذهب لغيرهم او أمر لم يخطر على بالي


لاهنت يالهزبري


الداهية انت يبو فايح

عندما تحلل لنا أي محاوره..

الله يعطيك العافيه