ابداع عفاس بن حرباش

[محمد ابن رووق]

شاعر من اول ما تقرأ له تحس إنه تعدا الأربعين ماشاء الله عليه قصيده حكم وجزل

[محمد ابن رووق]

[ العمـر ] .. صـبـر و أجتـهـاد وطمـوحـات =و [ الواقعيـه] .. قشـر ، و [ العاطفـه ] لــبّ
و [ الحـظ و التوفيـق ] .. ضمـن الكـرامـات =تجـي بِ .. أمـر الـربّ , و يردهـا الــربّ !
( الحـي ) .. لا يبقـى علـى مـجـد الامــوات =ولا يفتخـر بـ.. المـدح , و يغـيّـب الـسـبّ !
كـم [ ناجـح ] إتسمّـى عليـه .. النجـاحـات =ولاّ [ الفـشـل ] مـالــه سـلالــه .. ولا أبّ
( عم النبـي ) لـو مـا تسنّـد علـى الـذات ..=إن كـان مــا تـبّـت يديـنـه .., ولا تــبّ !
[ إقنـع ! ] و تقطـع بـ.. القناعـه , مسـافـات=وإذا بردت .. أحطب مـن ( الراحـه ) و .. شـبّ
ما أنت بـ.. ( نبي ) , تبني وتهدم .. [ قناعات ] !=لكـن ! .. ليـا شفـت الخطـأ وقّـف .. و نـبّ
لا تآمن [ الدنيا ] , ولـو .. ( راحـت و جـات )=اللي يجيك [ اليـوم ] ، يرجـع علـى [ غـبّ ! ]
إذا فعلـت الشـيء .. فـي كــل [ الاوقــات ]ْ=تملـه ، و ْتجفـاه .. لـو انــه ( الـحـبّ ! )
[ العمر ] .. رحلـه ، و [ الليالـي ] .. محطـات=و [ الراحلـه ] .. لا وقّفـت , مالـهـا طــبّ !
وإن كنت غارق , فـي .. [ محيـط الملـذات ] !=إصنع بـ.. عزمك [ قـارب التوبـه ] ، و تـبّ !

[مزحم العتيبي]

عفاس شااااااااااااعر له مستقبل الله يوفقه لكن اتمنى انه يخفف من فلسفتة الزايده

لاهنت يابن روق

[محمد ابن رووق]

عفاس شااااااااااااعر له مستقبل الله يوفقه لكن اتمنى انه يخفف من فلسفتة الزايده

لاهنت يابن روق


مدري وش الفلسفه ياليت تعلمنا!

[مزحم العتيبي]

[quote=محمد ابن رووق;1120450]مدري وش الفلسفه ياليت تعلمنا![/ote]

عفاس شاعر يميل نوعا ما الى استخدام المفردات الحداثية وهذي اسميها فلسفة ،، نادر ماتجد شعر تقليدي في شعر عفاس اتمنى انه يسير على نهج الشعراء القدامى
ولك تحياتي

[محمد ابن رووق]

[quote=محمد ابن رووق;1120450]مدري وش الفلسفه ياليت تعلمنا![/ote]

عفاس شاعر يميل نوعا ما الى استخدام المفردات الحداثية وهذي اسميها فلسفة ،، نادر ماتجد شعر تقليدي في شعر عفاس اتمنى انه يسير على نهج الشعراء القدامى
ولك تحياتي

اذا الحداثه في المفرده فهذا شي جميل ويشكر عليه

بالعكس هذه ميزه في الشاعر


يعني لازم يبدأ بيامن لقلب ولا يراكب اللي



انت تقول نادر يكتب تقليدي طيب هذي القصيده حداثيه ولاتقليديه!

[مزحم العتيبي]

لاداعي للجدال
انا قلت وجهة نظري يمكن تكون خاطئة ويمكن تكون صائبة ، انا وعفاس وغيرنا من الناس لسنا معصومين عن الخطأ

واذا انك من جمهور عفاس من حقك انك تدافع عنه ، وانا ماغلطت علية اقول هو شاعر ولكن اتمنى يترك الفلسفة ، واذا ماترضى النقد على شاعرك المفضل ترى الناس نقدت بن جدلان والزلامي وبن عون والهاجري وغيرهم الكثير
ثانيا انا ماقلت عفاس شاعر حداثي انا اقول عفاس يستخدم المفردات الحداثية
مثل
قارب التوبة
محيط الملذات

ثالثا يامل قلب وياراكب اللي استخدموها اعظم الشعراء مثل بندر بن سرور والسديري وغيرهم من عظماء الشعر اللي اتمنى ان ابن عمي عفاس بن محمد بن حرباش المرشدي يمشي على نهجهم

[محمد ابن رووق]

لاداعي للجدال
انا قلت وجهة نظري يمكن تكون خاطئة ويمكن تكون صائبة ، انا وعفاس وغيرنا من الناس لسنا معصومين عن الخطأ

واذا انك من جمهور عفاس من حقك انك تدافع عنه ، وانا ماغلطت علية اقول هو شاعر ولكن اتمنى يترك الفلسفة ، واذا ماترضى النقد على شاعرك المفضل ترى الناس نقدت بن جدلان والزلامي وبن عون والهاجري وغيرهم الكثير
ثانيا انا ماقلت عفاس شاعر حداثي انا اقول عفاس يستخدم المفردات الحداثية
مثل
قارب التوبة
محيط الملذات

ثالثا يامل قلب وياراكب اللي استخدموها اعظم الشعراء مثل بندر بن سرور والسديري وغيرهم من عظماء الشعر اللي اتمنى ان ابن عمي عفاس بن محمد بن حرباش المرشدي يمشي على نهجهم

انا ما دافعت عنه انا اقول انك فاهم الحداثه بغير مفهومها الصحيح

بعدين فيه شي اسمه مجاز وحقيقه

يعني لو تقول انا غرقت في بحور ذنوبي صرت حداثي

لو قلت هادم اللذات صرت حداثي!


انا ماقلت كلامه قرآن محد ينتقده انتقده بس على شي صحيح