الطــارف الله يحيــه .....

[فارس المورقي]

هلا مرحبا ترحيب حشمه وتقدير = اقوله عن اهل المنتدى بالنيابه
ومن كان فاضي يالوجيه المسافير = ينوٌخ على باب العتيبي ركابه

[فهد الشهيب الثبيتي]

صح لسانك يافارس وصح لسان قبيلك مقدما

[فارس المورقي]

صح بدنك وحياك الله يافهد شرفت ونورت

[عبد الكريم العازمي]

صح اللسانك يا فارس واللسـآن قبيلك مقدماً

[فارس المورقي]

هلا حياك ياعبدالكريم

صح بدنك شرفت ونورت

[سلطان طلحة]

فارس المورقي

صح لسانك

وبانتظار

قبيلك

لاهنت

[فارس المورقي]

هلا ومرحبا ياسلطان

صح بدنك وشرفت ونورت

[مانع بن سعد القحطاني]

هلا مرحبا ترحيب حشمه وتقدير = اقوله عن اهل المنتدى بالنيابه
ومن كان فاضي يالوجيه المسافير = ينوٌخ على باب العتيبي ركابه


هلا يالمهلي والقدم لجلك تسير = وأنا ناوياً أشوف لون السحابه
حضرنا نشوف الطاير اللي مع الطير = كفخ بالجناح وعظم الله جنابه

[فارس المورقي]

حياك الله اسفرت وانورت


سرى الليل ياليل السعد والتباشير = نصينا الجنوب وجاب ربي عقابه
يبا يستوي صيد الحجل والعصافير = عسى ماتروٌح من يدينا نهابه

[مانع بن سعد القحطاني]

الله يبقيك ويسلمك


أنا واقفاً في ماقفي ماقف النير = يهل نجد لاجينا تجيكم مهابه
سري الليل ياجساس لاتطعن الزير = ترى الزير له داراً وقوماً ولابه

[فارس المورقي]

االله الله


وحنا ليا جيتوا على الشر والخير = جبلكم نساوي قمته مع ترابه
ترا الموج مايقلب كبار البوابير = هذا الواقع الي مايخالف صوابه

[مانع بن سعد القحطاني]

علي الهون لا تكثر ترى الصبح بينير = وترى السيف يعرف سلته من نصابه
ترانا جنوب العز من دون تقصير = وحن ساس أهل المجد ضرسه ونابه

[فارس المورقي]

معازيب ماتجهل حقوق المساير= تبا الخير دام الشر مقفول بابه
هل المرجله واهل السيوف البواتير = خوال النبي ياصاحبي والصحابه

[مانع بن سعد القحطاني]

وأنا ضيف ما بجهل حقوق المناعير = علامك يا فارس حارت أبك الكتابه
خواله رضاعه بالذهب والدنانير = وجاكم إلى الطائف وقمتوا عصابه

[فارس المورقي]

مدام ان شيطانك يدفك على البير = خطير انها ترجع حروب وطلابه
ترا مانبا منكم شهادة وتقدير = مدام ان عينك كبر عين الذبابه

[مانع بن سعد القحطاني]

ههههههههههههههههههههههههه

صح الله لسانك يافارس وترى الدعوي تسليه وانا خوك
أستلم


أنا شاعرً وقت اللقاء ماني أحير = أجيد الكتابة ثم أجيد الخطابه
ويا ليتك تغسل يدينك من الشير = علق في يدينك والمشاهد درابه

[فارس المورقي]

ههههههههه

بيض الله وجهك وصح بدنك مايحتاج طال عمرك ماحد يزعل من اللعب والمزوح

لاهنت والله وشرفتا بحضورك والله يعطيك العافيه

[صياد الضبا]

*·~-.¸¸,.-~*(فارس المورقي:مانع بن سعد القحطاني)

شكرا
على
المحاوره الاكثر من رائع
واتمنى ان تطول اكثر من وقتها
ولكم مني الود والاحترام*·~-.¸¸,.-~*