تسجيل الدخول

مشاهدة النسخة كاملة : يالحر الاشقر ... احفظ العلم احفظه..

مرزوق حمدان العتيبي
14-Mar-2005, 01:43 PM
استلم طال عمرك :)


سلام يالحر القطامي والمشاهد للحروف = من شاعر ٍ لافت للانظار .. احفظ العلم احفظه
المشكله بعض العرب ودّه ولكن الضروف = ماخلّته يفضى لمشوار ..احفظ العلم احفظه
المسرّي
14-Mar-2005, 09:54 PM
ابداع غير مستغرب من مرزوق
شف لي مكان في الصف ولو اني ماعرف العب زين"ماعرف الا عرضه"
عبدالعزيز بن جودان الرويس
14-Mar-2005, 11:18 PM
الله الله
احفظ العلم احفظه
انا في صف الحر الاشقر يامرزوق
سروها تحت ضو القمر
وصل العطياني؟؟؟
14-Mar-2005, 11:52 PM
الله الله ...

محاورة راح تكون روووعة ...

كيف لا وهي بين العمالقة ( مرزوق والحر الأشقر )


ننتظر الإبداع يا مبدعين ...


تحياااااااااااتي
ولد عوجان الجذع
15-Mar-2005, 12:14 AM
سجلونا من ضمن المتابعين
وأنا بالنسبة لي راح أدرب الصفين
((الدلبحي))
15-Mar-2005, 01:44 AM
مرزوق لله درك

واصل ياغالي وانا معك فالصف

تحياااااااااااااااااااتي
الحر الأشقر
15-Mar-2005, 02:48 PM
مرحبا أخوي مرزوق وآسف على التأخير

يا مرحبا ترحيب قدر ولا لحد فيه معروف
.............................................يحمل معه حشمه ومقدار إحفظ العلم إحفظه
يامعزب الخطار خل البال يضحك للضيوف
............................................ياللي تعز الضيف والجار إحفظ العلم إحفظه
الــوآفــي
15-Mar-2005, 03:01 PM
احفظ العمر احفظه :)

مرزوق الذيب

وحر واشقر

اكيـــــــد مبدعين

واكيد اني متابع :)
مرزوق حمدان العتيبي
15-Mar-2005, 04:28 PM
....
الاعزاء...
المسرّي
عبد العزيز
العطياني
الدلبحي
ذيبان
هلا وغلا ترليوووووووون نورت الصفحه
وازدانت المحاوره بحضوركم.. لاعدمتكم ..
مرزوق حمدان العتيبي
15-Mar-2005, 04:44 PM
...
مرحبا والله يالحر الاشقر..
مادام انك حضرت لايهمك :)


دام البقا دام البقا ياحي وعيونك تشوف = نبغى العلوم اصغار واكبار ... احفظ العلم احفظه
الضيف يبشر بالشبب يقلط على عصب الخروف = لن الزمن دوار دوار ... احفظ العلم احفظه
الحر الأشقر
16-Mar-2005, 02:48 PM
خل المعاني يالعتيبي مثل شذرات السيوف
............................................السوق يبغى ناس تجار إحفظ العلم احفظه
شفنا لنا سبار قبل أيام فالديره يحـــــــــوف
............................................وراك ما تركي له النار إحفظ العلم إحفظه
داهية عتيبة
17-Mar-2005, 01:57 AM
تسلمون يامرزوق والحر

شعار كبار واحب متابعتكم

تحياتي
الحطيم
17-Mar-2005, 07:11 AM
لاهنت يامرزوق والحر الاشقر
والله يعطيكم العافيه
واصلوا لاهنتوا
ولد عوجان الجذع
17-Mar-2005, 08:41 AM
لا هنتوا ولا عدمنا اللعب الطيب
مرزوق حمدان العتيبي
17-Mar-2005, 08:00 PM
...
الاعزاء..
داهية عتيبه
يوسف المقاطي
ولد عوجان..
تشرفنا بهالوجيه الطيبه في حضورها..
لاهنتم و تواجدكم تراه مطلبنا ..
مرزوق حمدان العتيبي
17-Mar-2005, 08:07 PM
استلم ياشاعرنا العذب..

بعض العرب بفراقها نعطي ملايين وولوف = ولا نجاريهم بماصار .. احفظ العلم احفظه
ياللي مثل نور القمر ورى على نورك كسوف؟ = لو كان غيرك كان ما احتار!!احفظ العلم احفظه
عايض الحبابي
18-Mar-2005, 12:09 AM
ياللي مثل نور القمر ورى على نورك كسوف؟ = لو كان غيرك كان ما احتار!!احفظ العلم احفظه

الله.. روعه ياوبو محمد ... تحياتي لك وللحر الأشقر .. في أنتظار أكثر سخوووووووونه ..!!
الحر الأشقر
20-Mar-2005, 08:35 AM
المقفي ليا أقفى يروح ولاعلى المقفـي حسوف
........................................الا ليا جالك بمعذار إحفظ العلم احفظه
نور القمر يوضي و نوره بيــّنٍ للي يشـــــــــوف
.....................................ما تدرقه شعات الأنوار إحفظه العلم احفظه
مرزوق حمدان العتيبي
20-Mar-2005, 08:39 PM
...

حياك ربي يابو علي
شرفتنا بحضورك ونورت المتصفح حروفك.
اخوك
مرزوق حمدان العتيبي
20-Mar-2005, 09:10 PM
...

ماهيب والله لايقه وانته ترى رجل عروف = تفهم لها من غير تكرار.. احفظ العلم احفظه
فكر وقرريالسنافي كان مافيها كلوف = وانته بكيفك جاك الانذار ... احفظ العلم احفظه
الحر الأشقر
21-Mar-2005, 02:52 PM
لو لا إختلاف الناس والأنظار دايم والشفوف
...........................................ماشفـــ ــــت ربيه ودولار إحفظ العلم إحفظه
وأهل الشداد يــــــــقدرونه ما يحبــــون الردوف
...........................................ولاكل دار يعوض في دار إحفظ العلم احفظه
مرزوق حمدان العتيبي
22-Mar-2005, 02:38 PM
تبغى تغيرها ولكن عند مثلي ماتطوف = يالحر ابو مخلب ومنقار = احفظ العلم .. احفظه
اكشف قناعك وانطح الهيّه ولا يدخلك خوف = الخوف مازوّد بالاعمار .. اخفظ العلم احفظه
الحر الأشقر
22-Mar-2005, 02:52 PM
ترى الضعافه يالعتيبي ما تجي غير الضعوف
.............................................والحر إله منزل وميكار إحفظ العلم إحفظه
العلم ماليبه دخل علّم يا مرزوق الهنـــــــوف
..............................................ما دام دايم تحكم الشار إحفظ العلم أحفظه
مرزوق حمدان العتيبي
22-Mar-2005, 04:02 PM
...
الشاعر العملاق الحر الاشقر..
اشكرك من كل قلبي على ابداعك وصح لسانك..
فلقد تشرفت باللعب معك..
والى لقاء اخر .. والله يحفظك.
اخوك
وصل العطياني؟؟؟
23-Mar-2005, 05:45 AM
بيض الله وجيهكم ولا هنتوا ...



تحيااااااااتي
الحر الأشقر
23-Mar-2005, 10:14 AM
أخوي مرزوق العتيبي لاهنت والشرف لي طال عمرك باللعب معك وبصراحة أمتعتنا وأطربتنا
وإلى لقاء آخر إنشاء الله وأتمنى لك التوفيق من اعماق قلبي
الحر الأشقر
23-Mar-2005, 10:15 AM
مشرفنا وشاعرنا الكبير أخوي وصل العطياني
حياك ووجهك أبيض وأكبر دافع معنوي لنا هو تواجدك وتشجيعك المستمر لا عدمناك
دريد ابن الصمة
30-Mar-2005, 12:56 AM
مرزوق العتيبي ............... الحر الاشقر .

ابداع لا يستغرب من امثالكم يا ابناء العم

محاااورة ممتعة وشيقة جدااا

لا هنتوا يا النشاما ...
الوليد الاسعدي
07-Apr-2005, 04:59 PM
مرزوق والحر الاشقر .... ابداع ومتعة وربي !!
بيض الله وجيهكم ..
الفـــايز
07-Jun-2006, 05:27 AM
شعار من ذهب ومحاورات لن تنسا