ابراهيم الجذع .. مطلوب يالذيب

[عايض النفيعي]

ياعميلي لاتقول البيت مايحمل بدايه=والبدايه في وسطها ماتجيب إلا الجزيله
ماورانا هالليالي موج يلحق له نهايه=والنهايه يستحبّ تكون بفعول(ن) جميله

[ابراهيم الجـــــذع]

لا توصي واحدٍ ما هوب محتاج الوصايه=والوصايه خلها للي يضيع ابكل ليله

أنت لك مقصد وغايه واطلب الله فالهدايه=والهدايه خير من غايه تبررها الوسيله

[عارف اباذراع]

الله الله الله الله



الجذع انت مبدع ومبدع جداا


الحرص مطلوب واضح "الهدايه خير من غايه تبررها الوسيله""

بانتظار الاستطراد من عايض

صحت السنتكم

[عايض النفيعي]

الوصايه في عيوني يامدورها معايه=جتني من شايب عزيز وفي معانيها ثقيله
يالجذع لاتاخذ الدنيا من روات الحكايه=الوغد لامن هرج لازم اتقص من ذيله

[ابراهيم الجـــــذع]

لا تعلم واحدٍ حريف يا راع الهوايه=أنتبه قدام قد الزند في خشم الفتيله

قالها قبلي رجال المعرفه وأهل الدرايه=ما نبا منكم حلال ولا نبا منكم حليله

[ابن المحايا]

صح لسانك ياعايض



وصح لسانك يا ابراهيم



متاااااااااااااااااااااابع

[عايض النفيعي]

تراك شايب حكيم وينبغي الكم رعايه=والمصيبه بالرعايه كلبوها بالرذيله
بلاويك الوخيمه مفعولها في هالبنايه=ياعميلي لاتخلي الجذع يصبحبه هزيله