تسجيل الدخول

مشاهدة النسخة كاملة : عايض الحبابي مطلوب

علي فلاح العضياني
13-Mar-2005, 02:47 PM
مرحبا في مرحبا ترحيب عن ربعي عتيبه00 وانت ضيفن عندنا حياك ربي يالحبابي


العلوم الطيبه ماهي على مثلك غريبه00 والحرم تدخل عليه الناس مع تسعين بابي
مرزوق حمدان العتيبي
13-Mar-2005, 04:39 PM
مرحبا في مرحبا ترحيب عن ربعي عتيبه00 وانت ضيفن عندنا حياك ربي يالحبابي


العلوم الطيبه ماهي على مثلك غريبه00 والحرم تدخل عليه الناس مع تسعين بابي

الله الله
يالفالح
بدايه مشوّقه
وينك ياعاااااااااايض
شد حيلك وتراني في صفك :)

اخوكم
المسرّي
13-Mar-2005, 04:56 PM
يا نار شبي
وينك يالحبابي تراني في صفك ولا يهونون العتبان
عايض الحبابي
13-Mar-2005, 06:42 PM
الفالح... الله يبقيك ياغالي ولاهنت ...

أستلم:


البقا ياأصحابنا ماحولكم شكه وريبـــه=أنشد من اللي يدور بخاطرك تلقى الجوابي

أنت عندك علم مار العلم ماتبغي تجيــبه= حل مشبوك العقد يالفالح وفل الكتـابي
عايض الحبابي
13-Mar-2005, 06:47 PM
هلاااااااااا أبو محمد... الله لايهينك ..خلك في صفي الى الأخير ...لأن احتمال أجيب العيد (بتاعنا) في النهايه..!!:)
مشكور ..
عايض الحبابي
13-Mar-2005, 06:48 PM
المسري ... هلا بك ويشرفني وجودك والله لايهينك ...
مرزوق حمدان العتيبي
13-Mar-2005, 07:27 PM
البقا ياأصحابنا ماحولكـم شكـه وريبـه////// أنشد من اللي يدور بخاطرك تلقى الجوابي

أنت عندك علم مار العلم ماتبغي تجيبـه ///// حل مشبوك العقد يالفالح وفـل الكتابـي
ياسلام ياسلام
الليل نبيها سماري
لاتوقفون لين تنتهي

وينك يالفالح
...
ولد عوجان الجذع
13-Mar-2005, 08:13 PM
الله الله
استمروا وعلى قولة مرزوق نبيها سماري
شكرااا
علي فلاح العضياني
13-Mar-2005, 09:26 PM
من يضيع مع الدروب الواسعات اكبر مصيبه00 العرب تنقد وتدري بالخطيه والصوابي



شد حيلك واحتزم بالسيف ياراع النجيبه00 صاحبك متحيزمن بالسيف مصقول النصابي
عايض الحبابي
13-Mar-2005, 11:04 PM
الله.... الله ..

أستلم يالفالح:



فيه شاعر لو مشى في درب يرجع مادري به =وفيه شاعر لو حضر تحسب العالم حسابي

الله أكبر يالزمان الشين والدنيا العجيبه=ياعتيبه علموا الفالح بقطاع الرقابي.!!
علي فلاح العضياني
14-Mar-2005, 12:04 AM
هذا والله الكلام وصح لسانك واستلم


جابها عايض على راسه ومن ردوة نصيبه00 كل ما اشتد النهار الزبد فالماعون ذابي



كان عدنا للفعول الماضيه وش تدعيبه 00 يوم جيناكم ورحتوا مثل لماع السرابي
عايض الحبابي
14-Mar-2005, 12:18 PM
تنويه ..في ردي السابق (وفيه شاعر لو حضر تحسب له العالم حسابـي) سقطت كلمه (له) سهوااااا.....!

عموما تسلم يالفالح .. وأستلم .. أستلم ..::


أحمد الله ماعلي خلاف عندي ما أعتزيبه= أنتبه عند المواجه لاتعشاك الذيابي .

عام الأول يوم جينا نجد خذناها غصيبه= وأنت في الطايف ومكه طاردينك في الهضابي..!!
عايض الحبابي
14-Mar-2005, 12:19 PM
ولد عوجان ومرزوق .. لاهنتوا على المرور ... واصلوا معنا ..:)
علي فلاح العضياني
14-Mar-2005, 01:59 PM
هذا يوم نسيتها ماغير من العجله!!!!!!!!!!!!! خلوووووووووها


الذيابه ما تعشا يالحباب ألا الذهيبه 00 والنشاما فالمواقف ما تذل ولا تهابي





كنت في نجد العذيه لك مكانه وإلك هيبه00 ثم جليناك بالسيف المهند والجنابي
علي فلاح العضياني
14-Mar-2005, 02:10 PM
الاخ مرزوق العتيبي
الغالي






الاخ المسري
العزيز






الاخ العزيز والغالي ولد عوجان الجذع





شكرا على المتابعه والحقيقه لولا الله ثم متابعتكم وتشجيعكم فالصفوف ما وصلت
هذه المحاوره الى هذا المستوى والله يعطيكم العافيه اللي ماش احلى منها 0000






تقبلوا تحيات اخوكم الفالح
عايض الحبابي
14-Mar-2005, 03:01 PM
ههههههههه ... أجل عجلتنا ياقحطان مانتركهاااااا.!!!!

خلووووووووووووووها:



أنت فيك جروح باقي من زمان أول عطيبه= قبل حكم الفهد ذوقناكم أنواع العذابي

مادخلتوا نجد يالفالح قبل دفع الضريبه..!=وأن رجعتوا ترجعون بلا سيوف ولا حرابي
مرزوق حمدان العتيبي
14-Mar-2005, 03:04 PM
الحبابي

عام الأول يـوم جينـا نجـد خذناهـا غصيبـه ||||| وأنت في الطايف ومكه طاردينك في الهضابي..!!

الفالح

كنت في نجد العذيه لك مكانه وإلك هيبه00 ثم جليناك بالسيف المهند والجنابي

يالربع اتفقوووووووووووو هههههههههههههههه
الله الله عليكم مبدعين
واصلوووا
ابو علي صفك عامر ووصفوفهم عليها الميل..:)
علي فلاح العضياني
14-Mar-2005, 04:10 PM
خلوووووووووووووها


ذيب ابن شالح على قبره ركزناله نصيبه 00 وانت جرحك نعرفه ماطاب لو تقول طابي



والفديع وذيب ابن عبود ياللي تنتخيبه 0 0 وغيرهم واجد لكنك يالحبابي لاتبابي!!!!!!!!!
عايض الحبابي
14-Mar-2005, 06:32 PM
خلوووووووووووووووووها:


قبل مانذبح شيليويح العطاوي بان شيبه= وين راح عبيد مع هذال حامين الركابي .؟

راحوا(الجذعان)...واللي عندهم يسمع نحيبه= وأبن لبده وش فعل (بعصيم) في ذيك الشعابي ..؟؟!
عايض الحبابي
14-Mar-2005, 06:38 PM
أبو محمد ... لاهنت ولاخلا ولاعدم ...

والله يخارجنا على قولتك ..!!!:)
علي فلاح العضياني
14-Mar-2005, 09:14 PM
خلوووووووووها




وين راح منيف ابن شفلوت حلال الصعيبه00 مع حسن وعرار مع جعمل عزيزين الجنابي



لا تنومس فعل ابن لبده على ربعك غليبه 000 بعد ما أدخلهم وصاروا في سباله والشنابي
ابوسليمان
14-Mar-2005, 09:27 PM
هذا ليل مافيه مسرى




مار واصلو وحنا نتابع




احترامي لكما
عايض الحبابي
14-Mar-2005, 11:28 PM
الله ... الله ...


خلوووووووووها



أنت قاعد تفتري والكذب للشاعر معيبه = بعد ماظنيت لك تاريخ مار الظن خابي..!!


الفالح ... الله لايهينك .. وتشرفت بمحاورة شاعر بحجمك ... لنا لقاءات أخرى .. وفي امان الله ....

أعذرونا على القصور... الجميع ..
علي فلاح العضياني
15-Mar-2005, 12:03 AM
بيض الله وجهك يابوعلي وماقصرت وكفيت ووفيت


وسامحنا على القصور



والحقيقه تشرفت واستفدت من خبرتك الشعريه





وتقبل خالص تحياتي
وصل العطياني؟؟؟
28-Mar-2005, 03:37 AM
بيض الله وجيهكم ...

محاورة من الوزن الثقيل ...

لله دركم يا مبدعين ....


تحياااااااااااتي