حفل القصر الاميري تقريري عن الحفل 20/ 11 / 1431 هـ

[المطيعي]

السلام عليكم ورحمة الله وبركاته


المكان
القصر الاميري حي الشفا امام بلدية الشفاالفرعيه
اهل الحفل
قبيلة العصمه من عتيبه
الشعراء
حبيب العازمي . ملفي المورقي . مصلح ابن عياد . ابراهيم الشيخي

تقريري

وصلت الحفل في حدود الساعه الحاديه عشره الا ربع
عندما وصلت كان الطاروق بين ملفي وابن عياد وكان الطاروق في بدايته وكان طاروق لاباس به
ثم قام ابوفيصل وغير وطلب ابن عياد وقال

هلا مرحبا ترحيب ماهوب للبيع *** نسيت الشطر الثاني

ليا شفت ابن عياد يبدي على الريع *** ذكرت الضحيه يوم عيد الضحيه

مصلح

يدوم البقاء وانا بصدري مشاريع *** مشاريع في تصميمها عالميه

اشوف الليالي بالعوازم مضاريع *** يجاهد سريه ويتخلا سريه

هذا اللي حفظته والمعذره فالقصور وكان طاروووق رائع

ثم قام ابووافي وغير وطلب الشيخي وكان طاروق جيد لم يستمر طويلا

وبعدها قام ابوفيصل وطلب ابووافي وقال

المزاين مابقي له غير ربع المده *** ثم نلقى المورقي بالذود فام رقيبه

يا تفوز الصفر والا ماترد الكده *** ثم قسمها ذبايح في خيام عتيبه
هههههههههههههههههههههههه

ملفي

تدري انا للمراح مجهزين العده *** وان بغينا الفوز من وقت ن مضا نحريبه

ان عزمت الضيف عش الضيف والا غده *** والعطاوي للطراقي مدته من جيبه

والباقي ابنزله في موضوع ثاني انشاء الله

وقام ابن عياد وطلب الشيخي

وكان معناهم ليش الشيخي ترك العرضه رد الشيخي عيني عينك مافيها فلوس يقصد العرضه

قام ابن عياد يلومه وقال الشيخي شطر يقول لاتغارب سواتي وانت سويتها لين انتهى الطاروق

طاروق رائع بصرااااحه

ثم قام ابوفيصل وطلب المورقي رباعيه حبيب ضد الشيخي وملفي ضد ابن عياد

وابتلش حبيب كل واحد يقول اللحن (تذكرت تركي مدري ليه هههههههههههه)
ويغنيه يمكن غناه عشر مرات


وانتهى الحفل في حدود الساعه الواحد والنصف تماما


وسلامتكم

[ماجد العصيمي]

لاهنت يالمطيعي


بيض الله وجهك

[محمد العتيبي]

لاهنت يالغالي على التقرير الموجز ..



تحيتي لك
..

[الباااسل]

يعطيك العافيه

لكن ماقلت لنا وش صار بين حبيب والشيخي ومن كلامك شكل حبيب تجاهله من بداية الليل

[اسير الروح]

مشكووور للتقرير ...

وشكلها محاورات رائعه بين الشعراء العمالقه ...

[ابو فايح]

بيض الله وجهك على هالتغطيه يالذيب


ننتظر انزال أهم طاروقين


طاروق حبيب وملفي

وطاروق الشيخي وابن عياد

[ابن المحايا]

ماقصرت يالمطيعي على التقرير



وماشاء الله عليك سبقتني في التقرير ;);)



تقريرك ماعليه كلام بس بضيف عليه نقاط


المحاورة بدت 10 ونص اول الحاضرين ملفي وابن عياد


حضر حبيب في نصف الطاروق الاول


ابراهيم حضر في نصف الطاروق الثاني اللي بين حبيب وابن عياد


افضل الطواريق كانت بين حبيب وابن عياد


واتوقع ان المعنى كان عن (شاعر المعنى)


<<مجرد توقع


وان شاء الله نشوف الطاروق هنا عشان الاخوان يحكمون عليه


اكثر الطواريق مللا هي اللي بين ابن عياد والشيخي


يعاب على ابن عياد البطء في الرد وكان افضل الشعار في سرعة البديهة هو حبيب العازمي


الرباعية رائعة


وكان حبيب والشيخي متميزين فيها بعكس ملفي وابن عياد


الموال الثاني في الرباعية لحبيب


عجيييييييييييييييييييييييييييييييييييييب


الحفل مصور من قناة المرقاب



تقبل مروري يالمطيعي

[فهد علي العازمي]

وفيت وكفيت يالغااااااااااالي

بيض الله وجهك

على التغطية

[المطيعي]

شكرا على المرور من الجميع


وابشروا باللي يسركم ابنزل طاروق حبيب وملفي قريب انشاء الله واعتذر لابوفايح ماقدرت احفظ طاروق الشيخي وابن عياد وابي طلب يابوفايح ولاعليك امر تحط اليوم والتاريخ الله لايهينك المحاوره
يوم الخميس امس

ابن المحايا اشكرك على اثراء الموضوع بما لديك من نقاااااط وتقبل مني هذه الهديه



سبحان من علم الانسان ما لم ياء
يعلم من العلم والتفكير والارياء
يالشاعر اللي ماغير الصوت والطرياء
الحر مايشبعه ياكود مخلابه

واتمنى يابن المحايا تنزل طاروق مصلح والشيخي كان هو عندك

شكرااااااااااااااااااااااااااااااااااااااااااااااا ااااااا للجميع

بيض الله وجيهكم

[ابن المحايا]

والله ماسجلت شيء وانا اخوك



ومشكور على الهدية واكيد اذا كان الموال سماعي بيكون افضل منه كتابيا



اما محاورة الشيخي والله مانيب يمها مغر اسولف مع الربع اللي معي ولا انتبهت لهم



بس كان يعيبها البطء في الرد من قبل الشاعرين وسبب برود شديد


محاورة ملفي وحبيب ممتازة بس ماطولت


ومشكورررررررررررررررررر



على الهدية مرة اخرى

[& محمد خالد القحطاني &]

بيض الله وجهك يالمطيعي على التقرير وااااافي لاعدمتك ولايهون ابن المحايا



وتمنيت اني حاظر الحفلة لاني كنت مار من عندهم واشوف الزل والعقود وقلت اكيد محاورة


بس ماتوقعت انها بين شعار كبار


لاهنتوا جميع

[الهزبري]

المزاين مابقي له غير ربع المده *** ثم نلقى المورقي بالذود فام رقيبه

يا تفوز الصفر والا ماترد الكده *** ثم قسمها ذبايح في خيام عتيبه


يكفي لنجاح الحفل وجود هذا المبدع ولايهونون باقي الشعراء.

مشكور يالمطيعي وبيض الله وجهك على هذا التقرير

[المطيعي]

اشكرا كل من مر هنااا


وبيض الله وجيهكم على الردود اللي تسر الخاطر


و اوعدكم اني بغطي كل الحفلات اللي في الرياض حسب ظروفي وحسب علمي بالمحاوره قبل وقت ن كاف

بأذن الله


وشكرا

[سلطان الفجري]

لاهنت يالمطيعي


بيض الله وجهك

[خلف المطيري]

السلام عليكم ورحمة الله وبركاته


المكان
القصر الاميري حي الشفا امام بلدية الشفاالفرعيه
اهل الحفل
قبيلة العصمه من عتيبه
الشعراء
حبيب العازمي . ملفي المورقي . مصلح ابن عياد . ابراهيم الشيخي

تقريري

وصلت الحفل في حدود الساعه الحاديه عشره الا ربع
عندما وصلت كان الطاروق بين ملفي وابن عياد وكان الطاروق في بدايته وكان طاروق لاباس به
ثم قام ابوفيصل وغير وطلب ابن عياد وقال

هلا مرحبا ترحيب ماهوب للبيع *** نسيت الشطر الثاني

ليا شفت ابن عياد يبدي على الريع *** ذكرت الضحيه يوم عيد الضحيه

مصلح

يدوم البقاء وانا بصدري مشاريع *** مشاريع في تصميمها عالميه

اشوف الليالي بالعوازم مضاريع *** يجاهد سريه ويتخلا سريه

هذا اللي حفظته والمعذره فالقصور وكان طاروووق رائع

ثم قام ابووافي وغير وطلب الشيخي وكان طاروق جيد لم يستمر طويلا

وبعدها قام ابوفيصل وطلب ابووافي وقال

المزاين مابقي له غير ربع المده *** ثم نلقى المورقي بالذود فام رقيبه

يا تفوز الصفر والا ماترد الكده *** ثم قسمها ذبايح في خيام عتيبه
هههههههههههههههههههههههه

ملفي

تدري انا للمراح مجهزين العده *** وان بغينا الفوز من وقت ن مضا نحريبه

ان عزمت الضيف عش الضيف والا غده *** والعطاوي للطراقي مدته من جيبه

والباقي ابنزله في موضوع ثاني انشاء الله

وقام ابن عياد وطلب الشيخي

وكان معناهم ليش الشيخي ترك العرضه رد الشيخي عيني عينك مافيها فلوس يقصد العرضه

قام ابن عياد يلومه وقال الشيخي شطر يقول لاتغارب سواتي وانت سويتها لين انتهى الطاروق

طاروق رائع بصرااااحه

ثم قام ابوفيصل وطلب المورقي رباعيه حبيب ضد الشيخي وملفي ضد ابن عياد

وابتلش حبيب كل واحد يقول اللحن (تذكرت تركي مدري ليه هههههههههههه)
ويغنيه يمكن غناه عشر مرات


وانتهى الحفل في حدود الساعه الواحد والنصف تماما


وسلامتكم

هههههههههههههههههههههه

عاد يوم ذكرت تركي ماذ كرت مواله علي حبيب:rolleyes::rolleyes: غريبه ذكرت الغايب ونسيت الحاضر:p

[عاشق الطاروق]

لاهنت على النقل الرائع

[المطيعي]

هههههههههههههههههههههه

عاد يوم ذكرت تركي ماذ كرت مواله علي حبيب:rolleyes::rolleyes: غريبه ذكرت الغايب ونسيت الحاضر:p

لو احد اعتذر ذكرت حبيب وموال تركي فهمت

خخخخخخخخخخخخخخخخخخخخخخخخ

طنا طنا وصوره مع التحيه لقبيلة مطير العزيزه

لاهنت على المرور ياخلف

[الجوراسي]

ماقلتلكم أن حبيب أخذ على خاطره من الشيخي في آخر محاورة له وهو مايفسرة تجاهله له في الحفل

[فهد الزهراني]

ماقلتلكم أن حبيب أخذ على خاطره من الشيخي في آخر محاورة له وهو مايفسرة تجاهله له في الحفل

وش سالفة آخر محاوره بين الشيخي وحبيب وش صار فيها؟