تحدي لجميع الشعار المتواجدين ؟.....

[عمير الثبيتي]

الليل يا لشعار فالحزم البراح = ولي يبا يدرس يجئ للمدرسه

وللي يغر الدرب ماليبيه صلاح= مادام غر الدرب يلزم مجلسه

[تركي الصفياني]

صح السانك
عاد الثبته شعار من الطراز الاول
بانتظار الضحيه ههههههههههه

[عمير الثبيتي]

حياك الله وشكرا على مرورك

[علي الثبيتي]

الله الله

صح لساااانك يابو سلطان وننتظر الشعراء المتواجدين والتحدي على ايش ؟ فيه جايزه هههههه

[سحيم الروقي]

بدع لا يستوجب العنوان

تحيتي

[فهد الشيباني]

يا هيه قد قيل التعالي والصياح = حاجه حزينه والسبب فالوسوسه

الله واكبر يازمان الانفتاح = كلن يقول الباب سيفي يحرسه

[عمير الثبيتي]

يا طير يالي جيئت مقصو ص الجناح = الجمر مايدفيك حتى تلمسه

انت جدودك ذاقت السم الذحاح = عساك منته مثلها فالبحوسه

[فهد الشيباني]

ياعمير تمشي في مساء ولا صباح = ترى الخليه دونها عسل الحسه

الشيخ شيخ وطير اللي فالمراح = وانته ومثلك فالفيافي مقعسه

[عبد الله العصيمي العتيبي]

ارفعوها ووووووووووووووووووووووووووووق ياعتيبه الهيلا

متابع وعساكم على القووووووه

[عمير الثبيتي]

الاخ فهد الشيباني البيت الثاني فيه كسر (الشيخ شيخ والطير نامل مراجعته

وتقبل شكري وتقديري

[فهد الشيباني]

الشيخ شيخ وطير اللي فالمراح ........


وطير هاذي هي الكلمه كيف ركبت الها الف ... هههههههه

[عبد الله العصيمي العتيبي]

الاخ فهد الشيباني البيت الثاني فيه كسر (الشيخ شيخ والطير نامل مراجعته

وتقبل شكري وتقديري



اسمح لي بالتدخل

الشيباني يقول ( طيّر ) بمعنى طيره او نفره من المراح


واصلوا

[عمير الثبيتي]

منهو يطب المعركه وبلا سلاح = تغديبه الفرسان يصبح مفرسه


اللي ربح في السوق يقلوله رباح = لا وغبونك يالجيوب المفلسه

[فهد الشيباني]

ابن عتيبه .


اشكرك على التوووضيح وهذا هو المكتووب


لاهنت على الحضووور .

[فهد الشيباني]

لن كان ابن ثابت مثل علط الرماح = يركد شويه ويتعدى البربسه

هبت عليك اللي تسمى بالرياح = انته تعز الراس ولا تنكسه

[عمير الثبيتي]

اسمح لي بالتدخل

الشيباني يقول ( طيّر ) بمعنى طيره او نفره من المراح


واصلوا



شكرا على التوضيح بس غن البيت تراه يغني معك على الطرق

[عبد الله العصيمي العتيبي]

شكرا على التوضيح بس غن البيت تراه يغني معك على الطرق

مافيه شي من وجهة نظري ويتغنا على الطرق

[عمير الثبيتي]

انته دليك لا تمايحها مياح = ارشاك قاصر بالحبال المرمسه


نبا نغطي القدر دام القدر فاح = شوك الكداده مايفيد لمهرسه
ختامها عندك وتمسي على خير

[فهد الشيباني]

ما بعد اختامك اختااام .


لكن ترى الكلمه قبلهااا وااااو للتووضيح وسبق ووضحت


اشكررك ياابن عتيبه على حضوورك المميز واشكر جميع من مر .

[خالد عواض الذيابي]

عمير × فهد


صحت الالسن والقلوب صحاح


تقبلوووو مروري


تحيااااااااااااااتي

[عبد الكريم العازمي]

صحة الأسنتكم

[فهد الشيباني]

المستشاار / عبد الكريم


صحت ابدانكم وحضووركم تشريف لنا


لاهنتم ..:)