أنا بدوي ما فيّ ذرّة نعومة ..!!

[وصل العطياني؟؟؟]

السلام علاكم :)





أخطيت والعاقل يعدّل خطاياه = مْن الخطأ ما فيه نفس مْعَصومة

أكبر خطأ طاوعت قلبي و سوّاه = يوم إنّي أعمّر بيوت مهدومة

يخدعني الصاحب بضحكة ثناياه = و أزوّد همومي و أخفـّف همومه

لين الزّمن ردّه و حدّه على اقصاه =عيّت سلومي لا توافق سلومه

حرصي على اللي تبهج الصّدر لاماه = مالي ومال اللّي تردّت عزومه

قرّرت توديعه بغمــْره وحـنــّاه = أنا بـْدوي ما فيّ ذرّة نعومة

بعت الرّخيص بْلاش والحمد لله = حصّلت لي في السوق خبلٍ يسومه

خبلٍ شرى له خبل مثله وشرواه= الله يلوم اللّايم اللّي يلومه

علقة وأكلناها و درس وفهمناه = ما فات مات ولا نجدّد رسومه

الوقت ما يرحم ليا حدّ شلفاه = يصحّي الغافل من اعزّ نومه

والصّاحب الغالي عسى اللاّش يفداه= طاريّ طاريه و لزومي لزومه

ذِكري يماري به و يطلق محيّاه = يا جعل يومي ينكتب قبل يومه

والاّ الضّعيف اللي صفاته محنّاه = ذِكري يسبّب له على الكبد لومة

قسمه ومقسومه و حقّه و ما جاه = من دون لا ندخل معه في خصومة

اللي ليا منـّه هَرَج حكّ علباه = غـَدِّه ولا تأخذ جدايد علومه

لو إنّ ما فالأرض غير أنت و ايّاه = إرْمه وكفّن صحبته في هدومه

والاّ أتركه و تجيه ناسٍ تلقـّاه = من نفس قومه والاّ من غير قومه

اليوم حتى الذّيب يرعى مع الشّاه = ما أقول غير الله يعزّ الحكومة
















تحيااااااااتي .

[أخو جوزا]

صح لسانك يابومشهور

[النخيــــــش]

اليـوم حتـى الذّيـب يـرعـى مــع الـشّـاه
مـــا أقـــول غـيــر الله يـعــزّ الحـكـومـة


الله الله

صــح السانك

والله لايهينك ولاتحرمنا جديدكـ

[وصل الشهيب]

السلام علاكم :)





أخطيت والعاقل يعدّل خطاياه = مْن الخطأ ما فيه نفس مْعَصومة

أكبر خطأ طاوعت قلبي و سوّاه = يوم إنّي أعمّر بيوت مهدومة

يخدعني الصاحب بضحكة ثناياه = و أزوّد همومي و أخفـّف همومه

لين الزّمن ردّه و حدّه على اقصاه =عيّت سلومي لا توافق سلومه

حرصي على اللي تبهج الصّدر لاماه = مالي ومال اللّي تردّت عزومه

قرّرت توديعه بغمــْره وحـنــّاه = أنا بـْدوي ما فيّ ذرّة نعومة

بعت الرّخيص بْلاش والحمد لله = حصّلت لي في السوق خبلٍ يسومه

خبلٍ شرى له خبل مثله وشرواه= الله يلوم اللّايم اللّي يلومه

علقة وأكلناها و درس وفهمناه = ما فات مات ولا نجدّد رسومه

الوقت ما يرحم ليا حدّ شلفاه = يصحّي الغافل من اعزّ نومه

والصّاحب الغالي عسى اللاّش يفداه= طاريّ طاريه و لزومي لزومه

ذِكري يماري به و يطلق محيّاه = يا جعل يومي ينكتب قبل يومه

والاّ الضّعيف اللي صفاته محنّاه = ذِكري يسبّب له على الكبد لومة

قسمه ومقسومه و حقّه و ما جاه = من دون لا ندخل معه في خصومة

اللي ليا منـّه هَرَج حكّ علباه = ماهوب لازم تنشده عن علومه

لو إنّ ما فالأرض غير أنت و ايّاه = إرْمه وكفّن صحبته في هدومه

والاّ أتركه و تجيه ناسٍ تلقـّاه = من نفس قومه والاّ من غير قومه

اليوم حتى الذّيب يرعى مع الشّاه = ما أقول غير الله يعزّ الحكومة
















تحيااااااااتي .



الأخ الشاعر

وصل العطياني

هلا وغلا بالسمي

صح لسانك وسلم بنانك

مبدع ورائع في النظم والمحاوره

لاعدمناك ياوصل

تحياتي

[فهد الزهراني]

علاكم السلام ورحمة الله وبركاته

حيى الله وصل

وانا من ايام منتدى الشيخي لا بديت بكلمة علاكم عرفت انك ناوي لك نية

والله ياوصل وش آقول وش آخلي في هالمزيونه ويشهد الله ليست مجامله لك ولكني دائما استمتع بقصائدك وهذه احداها.

صراحة فيها ابداع وجزالة وبيوت تصلح حكم ....وأعتب عليك لماذا لا تكثف وجودك في النبط فأنت تملك ادوات الشاعر الماهر والنبط هو مايخلد للشاعر ..

الـلـي لـيـا مـنّـه هَــرَج حــكّ عـلـبـاه
غَــــدِّه ولا تــأخــذ جــدايــد عـلـومــه
لو إنّ ما فـالأرض غيـر أنـت و ايّـاه
إرْمـه وكـفّـن صحبـتـه فــي هـدومـه

صدقت
صدقت

صح الله لسانك وفكرك

تقبل مروري المتواضع على هذه الشامخه بشموخ وصل العطياني

[توبان الروقي]

صح الله لسانك ياوصل مبدع دائما لاهنت


لاتحرمنا من جديدك


كل الود

[حاكم الغنامي]

فايف ستااااااار



صح لساااانكـــ يابو مشهور


وابداااااع مستمر الله لايضرركـــ

[غالب الذيابي]

.
.
.


ماشاء الله عليك وصح لسانك ، وواضح انها قصيدة مجرّب

لان الصدق والمرارة والحكمة واضحه جليه هنا ، رددت

قراءتها أكثر من مرة ، لا اخفيك اعجابي الشديد بها

وبهذه النوعية من القصائد.. تقبل مروري.
.
.
.
.
.

[شامان الروقي]

]صح لسانك يا العطياني قصيدة جزله قاف ومعنا

[عايض بن زوير]

.,

من القصائد التي تجبر المتصفح على تسجيل دخول // صح لساانك يابو مشهور

.,

[عناد الشيباني]

الله الله

صح الساااانك
مدد بلا عدد

تحياتي لك

[معلا إبراهيم الأسعدي]

كلنا نعلم بقدرات شاعرنا العملاق
وصل العطياني
من متابعتي له ومن ذو بداياته بما أننا من قريه واحده
فكل ما قرأت له قصيده أبحث عن بيت الحكمه وقد أجزم انه موجود وفعلا ً أجده ولاتخلوا قصايد شاعرنا الراقي وصل العطياني من الفكاهه حتى في المحاوره



اليوم حتى الذّيب يرعى مع الشّـاه
مــا أقول غيـر الله يعـزّ الحكومـة


صح السانك يأبو مشهور أبداع ولاغرابه

[بعيـد المرامع]

ان من الشعر ..لحكمه


وخلاصة ..فكر..وتجارب..


ونظم ..تعدى حدود الجزاله..


ولاهي غريبه..


الدرر.. من البحر..



تثبيت ..ملكي...



وقبل..لا انهي المشاركه..

وسجلوها ..علي..ولي ..


وصل العطياني..يعد من افضل وأجود الشعراء للي يختمون القصيده..

.

[ابو فايح]

اليوم حتى الذّيب يرعى مع الشّـاه***ما أقول غيـر الله يعـزّ الحكومـة







ههههههههه

لازم تختيمه طرفيه او فيها حكمه


مبدع يا ابو مشهور


صح لسانك مدد بلا عدد

أتمنى وأعتقد أن الكثير يتمنى أيضا أن لا يدخل المنتدى وإلا ويقرأ لك قصيده جديده

[ولدعساف]

أبو مشهور أنت خابرن رأيي من مبطي .. وما قول الا صح لسانك وشاعر جزل جزل جزل الله لايضرك !!

,,

محبك

:)

[فايز بن سرحان الثبيتي]

اليوم حتى الذّيب يرعى مع الشّـاه
ما أقول غيـر الله يعـزّ الحكومـة


الله الله "



صح لسانك يابو مشهوووور " وافيه وجزله من راس جزل "

[أبو مرحبا]

صح السانك ياابومشهور

قصيدة عالمية

لاهنت

[ابن المحايا]

قصيدة راااااااااااااائعة يابو مشهور


مثل قصائدك دائما


اتوقع ان قصائدك ماتكتب الا من خلال تجارب


وهذا اللي جعل لها اصداء


اليوم حتى الذّيب يرعى مع الشّـاه *** ما أقول غيـر الله يعـزّ الحكومـة


بيت اختصر ابيات

صح لسانك وسجلني من متابعينك في النظم والمحاورة


وهاردلك خروج الشباب من الاسيوية;)

[زبن القاضي]

ويش نقول

كلمة مبدع انت اكبر بكثير منها

والكن الله يعز الحكومه


ويعزك ياعلم

[عيضه الثبيتي]

علم من اعلام الشعر


ودره من عيون الشعر





تحياتي و تقديري

[علي فلاح العضياني]

الله الله الله


صح لسانك يابو مشهور

شاعر أكبر من أي شهاده

وقصيدك اكبر من اي إطراء


في انتظار جديديك

[سيف شامان]

صح لسانك يابو مشهور وأعلى الله شآنك

عز الله قصيده محنّك

سلم فكرك وبنانك

[مراسل عتيبه الهيلا]

شاعري المفضل
بو مشهور صح السانك وسلم بنانك

شاعر أكبر من أي شهاده

وقصيدك اكبر من اي إطراء


مغليك /فهد

[نايف المحينيش]

قابلت مجنن واجد


لكن مثلك

في جنونه الشعري


مالقيت


صح لسانك من الشرائع لين مدركة مشي على رجلي :)

[صميدع.]

...


صح لسانك يا وصل..

[فهد الشيباني]

صح السااانك ياعلم وبيض الله وجهك .

[أسير القوافي]

صح لسانك يالأميـر ،،





وافية ولا تجي غير من وافي ،،





وهنيئا لك فصاحة اللسان ،،




ودمت فخر للعتبان





مروري الحقيقي

[وصل العطياني؟؟؟]

صح لسانك يابومشهور

صح بدنك ...

ومشكور على مرورك الكريم ...



تحيااااااااتي.

[جزاء العتيبي]

السلام علاكم :)





أخطيت والعاقل يعدّل خطاياه = مْن الخطأ ما فيه نفس مْعَصومة

أكبر خطأ طاوعت قلبي و سوّاه = يوم إنّي أعمّر بيوت مهدومة

يخدعني الصاحب بضحكة ثناياه = و أزوّد همومي و أخفـّف همومه

لين الزّمن ردّه و حدّه على اقصاه =عيّت سلومي لا توافق سلومه

حرصي على اللي تبهج الصّدر لاماه = مالي ومال اللّي تردّت عزومه

قرّرت توديعه بغمــْره وحـنــّاه = أنا بـْدوي ما فيّ ذرّة نعومة

بعت الرّخيص بْلاش والحمد لله = حصّلت لي في السوق خبلٍ يسومه

خبلٍ شرى له خبل مثله وشرواه= الله يلوم اللّايم اللّي يلومه

علقة وأكلناها و درس وفهمناه = ما فات مات ولا نجدّد رسومه

الوقت ما يرحم ليا حدّ شلفاه = يصحّي الغافل من اعزّ نومه

والصّاحب الغالي عسى اللاّش يفداه= طاريّ طاريه و لزومي لزومه

ذِكري يماري به و يطلق محيّاه = يا جعل يومي ينكتب قبل يومه

والاّ الضّعيف اللي صفاته محنّاه = ذِكري يسبّب له على الكبد لومة

قسمه ومقسومه و حقّه و ما جاه = من دون لا ندخل معه في خصومة

اللي ليا منـّه هَرَج حكّ علباه = غـَدِّه ولا تأخذ جدايد علومه

لو إنّ ما فالأرض غير أنت و ايّاه = إرْمه وكفّن صحبته في هدومه

والاّ أتركه و تجيه ناسٍ تلقـّاه = من نفس قومه والاّ من غير قومه

اليوم حتى الذّيب يرعى مع الشّاه = ما أقول غير الله يعزّ الحكومة
















تحيااااااااتي .


شاعرنا الجزل وصل العطياني
صح الله لسانك والله يعطيك العافيه
تقبل تحياتي

[كعام]

صح لسانك تقبل مروري

[الصويت الثبيتي العتيبي]

صح السانك يالعتيبي











تقبل مروري

[مالك النفيعي]

وعلاكم السلام وكل عام وأنت بخار يا شاعرنا القديـر

شاعر فحـل تعديت المغاتـير والمجاهيـم

بيض الله وجهـك وصح الله لسانك وكثر الله من أمثالك