ياعمدة الشعار مدري عمدة الروقه عموم ( رعــــد )

[عبدالله الاصعر]

ياعمدة الشعار,,, مدري عمدة الروقه عموم=( اترك جمال عقيل زرق عيونها وجلودها )
ترى الرجال اهل اللزوم ,,,اللي تكمل فاللزوم=ما تلتفت لاهل العلوم اللي تبيح سدودها

[ابن المحايا]

الله الله



صح لسانك ياعبدالله وصح لسان العمده مقدما



متابع


<<بس عسى مايغلبني النوم

[عبدالله الاصعر]

ابن المحايا حياك الله وصح بدنك مرورك شرف

[رعد الروقي]

الله الله


ما ودنا الا نستر العاري ويبقى بالهدوم=لكن نفسه للشقا مدري وراه يقودها
ترى زبون الطيبة يبا يحصـــل من يسوم=بالعملة اللي من على العملات بين زودها

[عبدالله الاصعر]

بعض العرب حضه يطيح ,,, وبعضهم حضه يقوم=مير الليال البيض بين فرقها عن سودها
وين انت ياللي تاخذ علوم وتجيب النا العلوم=اتعبت نفسك فالخلا حتى قضى مجهودها

[رعد الروقي]

الله الله


ناظر ضحايا الوقت واسجد للولي في كل يوم=حتى عليك ام الخلاخل ما تصك خدودها
ان كان ما صليت ما قلنا علامك ما تصوم=جود العرب يا طيب الهقوات من موجوها

[عبدالله الاصعر]

حرب البشر ولاّ زمانه وأبتدى حرب النجوم=وانا احمدالله سالم ورجلي ما زل حدودها
ان كان مايلقى عليك اللوم فأنته لا تلوم=كم ناس يذكر جودها ,, ولا لقينا جودها

[رعد الروقي]

الله الله



الكبتن الطيار جاهـــز والعوافي ما تدووم=يبا يهد الديرة ام قرود فوق قرووودها
من طب في بحر العرب ماله خيار الا يعوم=والا البلاد اللي غزا منها غدى مفقودها

[عبدالله الاصعر]

يحسب حسابه فالدفاع ويحسبه عند الهجوم=ترى عدن قامت تشجع للقتال زيودها
اللي منول يسبح البحر اصبحت كبده تحوم=تليفت كبده ,,, من رجالٍ كبار كبودها





رعد صح لسانك وعتلى شانك تشرفت بمجاراتك


والختام من عندك يالذيب



تصبح على خير

[رعد الروقي]

الله الله



الله يخفف عن عباده من كثيرات الهموم=ويعينها في كل مرة تاصل لمقصودها
يا قرم ياللي خابرينك قرم من بين القروووم=لا تشتكي جور الليالي لو تزيد وفودها






صح بدنك مليون ولا يكفون يا عبدالله الاصعر


الشرف لي بالتاكيد يالقرم



صح بدنك والله لا يهينك

[نوآف الغنامي]

يا سلآم


الله يبيّض وجيهكم يا هالثنين



طاروووق في قمة الروعه و قمة المعنى .. :)



صحت السنتكم



ولآ هنتوا