اقرب شاعر

[ضاوي الشيباني]

سلام الله عليكم يالرجال اهل الوفاء والدين=يخص الطيبين من العرب روقي وبرقاوي
انا حاضر ومتواجد هنيا موفين بالدين =ومن يبغا يحاور يعرف ان مقابله ضاوي

[ركيان مسعدالمغيبي]

هلا يامرحبا ترحيبية تطرب لها الاذنين=ولا تنسى ان ساس الطيب لو له ساس هيلاوي

يجي ضاوي يجي غيره شوي وعدهم ماشين=يجون مع السفلت ويرجعون بخط صحراوي

[ضاوي الشيباني]

السلام عليك ياركيان والله مشوف مشاركتك اللي معي جوال لكن سو عليها اقتباس

[ركيان مسعدالمغيبي]

هلا يامرحبا ترحيبية تطـرب لهـا الاذنيـن==ولا تنسى ان ساس الطيب لو له ساس هيلاوي
يجي ضاوي يجي غيره شوي وعدهم ماشيـن==يجون مع السفلت ويرجعون بخط صحـراوي

[ضاوي الشيباني]

يدوم الك البقاء وانته نعرف ك يالعتيبي زين=على نهج السلوم الطيبه منته بها غاوي
نبي حاضر بحاضر مانبي ياصاحبي بعدين=اسر قدام يارجال والميدان متساوي

[ركيان مسعدالمغيبي]

كرام ولا عليكم زود ربع وكلكم غالين=لكن الحرب يبغا واحد قطاع ماياوي

وانا حاضر وموجود وعلى نهج النبي والدين=وهاذي نينيتي مير انت مدري عنك وش ناوي

[عبدالله العضياني]

ضاوي وركيان

صحت الألسن والقلوب


ابدعتوا يالغالين


واصلوووووااااااااااااااااا وتراني متابع لكم

[ضاوي الشيباني]

ترا حنا ملكنا العز يومن العرب ممسين=واقول انته تنشد وانشد التاريخ والراوي
أنا بنشدك لاصرت بيسار ودربنا بيمين =تروح يمين ولا تتركه وتروح بالهاوي(

[ضاوي الشيباني]

صح بدنك وشكرا على المرور

[ركيان مسعدالمغيبي]

ملكتو بس نص العز ولا نص له قوسين=عليها ربعنا حراس مايطمع بها الشاوي

ترى السنه لهم فالانتخاب القادم خيارين=خيار المالكي ولا خيار الشيخ علاوي

[ركيان مسعدالمغيبي]

عبد الله العضياني

صح بدنك

الابدا ع تواجدك بيننا

[ضاوي الشيباني]

ترا حنا ملكنا الطيب كله والعرب دارين=وراع الضين جاه الذيب يالمنعور ويعاوي
ترانا ياولد فزنابها بمنول وهالحين=وجرحك ياوسيع العرف جاله واحد مداوي

[ركيان مسعدالمغيبي]

نعرف الذيب لو انه سمين كفوف وذراعين=ماياكل من ذراعه لو حداه الجوع والاوي

حسمنا معركة بدر وحسمنا معركة حطين=لكن اكتم ونسك وحذره من كية الكاوي

[ضاوي الشيباني]

نعرف الذيب لاجا الذيب في وقت العسر واللين=يجيبون العشاء وبالحصيني يقعد يصاوي
لونته تقول النا حضرنا معركة حنين=ترا حنا حضرنا معركاتن مالها مساوي

[ركيان مسعدالمغيبي]

بعد طول المسافه بان عيب الفرت ابو سيرين=تعطل فالحجاز وسايق المبروك قصماوي
يابن مشيب عليك وامان الله طريقك وين=وطرد المقفيه معروف لاساوك ولا ساوي

[ضاوي الشيباني]

بعد طول المسافه وقف الددسن مديل الفين=مع الخط السريع وسايقه ياناس جداوي
ابو مسعد كحل عينه وسببله عما فالعين=يبا يهز الضلع لكن والله ماهو بقاوي

[ركيان مسعدالمغيبي]

اجل قوم الحق الريجيل لا تقعد مع التالين=ولا ادري لامتا ترجون قومة واحد ثاوي


انا ماشوف ضلع اشوف حفره طولها شبرين=وكانك ماوثقت بقوتك لاتقعد تقاوي

[ضاوي الشيباني]

ياثاوي مايفيدك لونعشيك السمين اسنين=انا بزويك لين تقوم وتروح خلاوي
انا وياك يارجال فالمشوار متخاوين=وكانك ماوثقت بخوتك لاعادك تخاوي

[ركيان مسعدالمغيبي]

زواك البين لاتزوي ولد عمك زواك البين=تعين فالبعيد وفش غلك فيه يالغاوي

حويته وحلبان ومدركه وكلاخ والسيلين=سوات رهاط وام الدوم وعسيله والارطاوي

[ركيان مسعدالمغيبي]

ضاوي الشيباني صح لسانك شاعر علم استفدنا من مجاراته

سامحنا على القصور وبيض الله وجهك على ابداعك


شكرا ومع السلامه

[عيد العازمي]

ضاوي وركيان

صحت الألسن والقلوب




زواك البين لاتزوي ولد عمك زواك البين=تعين فالبعيد وفش غلك فيه يالغاوي



ابداع ولاهنتم يالغالين

[ضاوي الشيباني]

بعد هاذي عرفتك ياقليل العرف يامسكين=ليامني وردت ادوس خشم العلم ماباوي


وسلامتك وصح اللسانك

[ضاوي الشيباني]

ركيان العتيبي صح بدنك ولاعليك زود وجهك أبيض