وشلون وضعك ياسفر في منبر المتفرجين؟؟

[متابع هنا وهناك]

السناني :

وشلون وضعك ياسفر في منبر المتفرجين
مدري تعلّيت درجه والا تنازلت درجه

قالوا لي انك ضعت مابين الثلاثه والثنين
الله كتب لك كربة حرجه وساعه محرجه


الدغيلبي :

الحمدلله وضعنا طيب وحنا طيبين
تضحك لنا الدنيا لو انا ماعطيناها الوجه

انا هرجت الحق قدم الناس وانتم مستحين
افكاركم متبعثره واعصابكم متشنجه


السناني :

تضحك لكم ليله وتعطيكم قفاها ليلتين
وانتم مع التيار حسب الموجه المتعرجه

حنا صدقنا في مواعدنا وفي حلف اليمين
وانته تمشيها تحسب ان الدعاوي بهرجه


الدغيلبي:

الذيب لامنه عوى ياقشر حظ ابا الحصين
تضيق به كل الدروب ولايحصل مخرجه

من فضل ربي ماخلقنا الله قصيرين اليدين
تشهد لنا بيض الهنادي والخيول المسرجه


السناني:

هذا دليل انك قعدت تصك عين تفك عين
الناس تقلط وانت متفرج مع المتفرجه

الناس لا عجزا عن ابعادك ولامتهاونين
على حطوا لك على ذوب العسل حب حدجه


الدغيلبي:

احسبك من عرافة جهينه هل العلم اليقين
واثرك مثل العنكبوت وبيتها اللي تنسجه











http://www.youtube.com/watch?v=RbmMjpzlPFA

[سعيدان العتيبي]

قاف مكشوف وواضح للعيان والدليل من بداية الشاعر السناني كأنه يقصد شاعر من شعراء قبيلة قحطان المعروف (القرقاح / ابن شايق )

لاسيما وان الحفلة عند قبيلة الحباب من قحطان وشعرائها كانوا السناني والشيخي والدغيلبي وابن عتقان فقط لاغير

[شاعرخطير]

المعنى حفله الغاااااط ياعتيبي

[سعيدان العتيبي]

ما ادري ولا اقدر اجزم لكن وشلون استدليت على انه الغاط ياشاعر خطير

[خلف المطيري]

وشلون وضعك ياسفر في منبر المتفرجين
مدري تعلّيت درجه والا تنازلت درجه

قالوا لي انك ضعت مابين الثلاثه والثنين
الله كتب لك كربة حرجه وساعه محرجه

ياجماعه وين الجزاله لاتحسبوني اتصيد عليه بس ماهو جزل

وشلون وضعك ياسفر في منبر المتفرجين هههههه ياجماعه هذا شعر وين الجزاله سالفه ماهو شعر

لو اني من سفر كان قلت ماعليه طيب

الدغيلبي:

احسبك من عرافة جهينه هل العلم اليقين
واثرك مثل العنكبوت وبيتها اللي تنسجه


عزالله انك صدقت ياسفر ماغير يدور السوالف السناني

[سعيدان العتيبي]

ماعليش اخوي خلف خلف ترى التطاول على الكبار حاجة ماهي مقبوله وبالنسبة لمحمد السناني لو بس يقول مساكم الله بالخير قلنا لله دره ولو يقولها واحد ثاني قلنا ليته صمت

محمد السناني فوق الكلام وفوق الاصطياد فالماء العكر ولم اقل هالكلام الا لاني من المعجبين به بصراحة

[ابن المحايا]

المعنى واضح حفلة الغاط مثل ماقال شاعر خطير



لاهنت يامتابع هنا وهناك على النقل

[ابو فايح]

تاريخ المحاوره متى يالربع ؟؟؟

[ابن المحايا]

المقطع نازل امس 19 اكتوبر



هذا اللي شفته تحت المقطع



وان شاء الله يفيدونك الاعضاء بتاريخ المحاورة بالضبط

[سعيدان العتيبي]

هذه صارت في نصف شهر عشرة يابو فايح

[ابن المحايا]

التاريخ بالضبط يالربع



7/10 في حفل افتتاح مركز المغزالية



<<هاذي المعلومات بعد الاستعانة بالشيخ قوقل

[ابو فايح]

تسعين فالمئه


المعنى عن حفلة الغاط



لاهنت يا متابع على النقل

[سعيدان العتيبي]

ممكن تفيدني يا بو فايح شلون تعتقد ان المعنى حفلات الغاط والبادي محمد السناني ؟

[خلف المطيري]

ماعليش اخوي خلف خلف ترى التطاول على الكبار حاجة ماهي مقبوله وبالنسبة لمحمد السناني لو بس يقول مساكم الله بالخير قلنا لله دره ولو يقولها واحد ثاني قلنا ليته صمت

محمد السناني فوق الكلام وفوق الاصطياد فالماء العكر ولم اقل هالكلام الا لاني من المعجبين به بصراحة

اخوي سعيدان ياليت تعيد النظر في مداخلتك جانبت الصواب فيها تطاول وكبار ولو يقول مسا الخير

قلنا صح السانك ولله درك

هذا رايك ومحد يمنعك ولحد يعترض عليه

لكن انا اري عكس ماقلت وهذا شخصيه عامه وتحت النقد ملوك تنتقد وش المشكله

مادامها في حدود المباح

مالك حق علي ولا هو مقبول تحجب اراء الاخرين

هذا رايي السناني شاعر غير جزل

[ابو فايح]

من وجهة نظري

السناني يسأل سفر عن حفلة الغاط وما حدث فيها وأنهم تجاهلوك


خانة المتفرجين / كأن سفر جاء كالمتفرج ولم يأخذ مكانته المعروفه فالحفل


الثلاثه والثنين / الشعراء وعددهم ولم ـاخذ حقك في الطواريق وإنحرجت

[ابو فايح]

يا اخوان


خلف لم يتكلم عن شخصية الرجل


تكلم عن شاعريته وهي وجهة نظر خاصه به ليس من حقنا مصادرتها نختلف معه ولكن لا نصادرها


سبق وأن قال الزلامي جيدجدا فالمعنى ولم نحذف رده ولم نتطاول عليه تناقشنا معه في حدود المعقول إن أصر على ماقال هو حر في وجهة نظره .

[مطلق عبدالله العصيمي]

يا اخوان


خلف لم يتكلم عن شخصية الرجل


تكلم عن شاعريته وهي وجهة نظر خاصه به ليس من حقنا مصادرتها نختلف معه ولكن لا نصادرها


سبق وأن قال الزلامي جيدجدا فالمعنى ولم نحذف رده ولم نتطاول عليه تناقشنا معه في حدود المعقول إن أصر على ماقال هو حر في وجهة نظره .





بس الانسان يتكلم بالمعقول والرجال تحترمه

اما رجال مشهود لهم وحنا شعار ونعرف الجزل

من الغير جزل

فعليه يحترم عقولنا

ولو سالت عن الاثنين الي فوق لم يختلف على شاعريتهم اثنين

بس الوقت الاخير هذا غريب

عبدالله الاشرم الرشيدي يقول مستور ماعنده سالفه ويغني ويحط رموز لايعرف معناها وحيبيب مهوب شاعر

وخلف المطيري يقول محمد السناني (جنيه الذهب) ماعنده سالفه ولاهو بشاعر كذالك الهاجري مهوب شاعر

اجل من الشاعر انت ياخلف..؟؟

[متابع هنا وهناك]

استغرب من عدم تفهم الاعضاء لاختلاف الاراء


ياجماعة الخير ترا حتى لو اختلفوا الاعضاء وانحرف الموضوع عن مساره والله كلنا نستفيد لكن ان كان بحدود النقاش الهادف


انا ما ارفض الابتعاد عن مسار المواضيع لاننا تعلمنا منها كثيرا

اخواني اتمنى منكم مشكورين انكم تفسحون المجال لجميع الاراء وان كان هناك نقاش فاتمنى ان يكون بحدود النقاش الهادف الذي يهيئ لكل عضو طرح حجته



ولنا في ابوفايح القدوه الحسنه

[ماجد العصيمي]

طاروق عادي جدا من وجهة نظري



اما السناني هذا هو دايم نقيمه لكن سفر كبير والكبير الله

[اسير الروح]

كل هالشيل والحط علشان السناني شاعر والا لا

عجيب... السناني شاعر كبير وهو الان شاعر خنذف

بشهاده الجميع ...اما من ناحيه المعنى واي مشكله تصير

هو اول من يناقشها هذا اسلوبه .. حتى لو كان اسلوبه غلط هذا مايلغي شاعريته,,

اما سفر فهو شاعر كبير وجزل الله يوفقه,,

[متابع هنا وهناك]

اشكر اخوي العصيمي ومثل ماقال خصيم الاجناب النقاش اللي يفيد لاتحرمنا منه


اخوي الغالي خلف بالعكس انا مؤيد لكل الاراء المعارضه ان كانت بأدله .. ان كانت مقبوله لابأس وان لم تكن مقبوله اقلها فتحت عيوننا على شي

مثلا قولتك ان السناني مهو جزل خلاني اركز على ابياته .. ربما فهمها البعض ان مقصدك جزالة المعنى ولكني حسب مافهمت منك انك تقصد جزالة المفردات


عادي يالذيب انا من المؤيدين لنظرتك ورأيك .. ولو كلنا على راي واحد لاصبحنا مجاملين لان كل شخص ينظر للموضوع من جانب ربما يختلف عن الشخص الاخر




دمتم بخير

[خلف المطيري]

اشكر اخوي العصيمي ومثل ماقال خصيم الاجناب النقاش اللي يفيد لاتحرمنا منه


اخوي الغالي خلف بالعكس انا مؤيد لكل الاراء المعارضه ان كانت بأدله .. ان كانت مقبوله لابأس وان لم تكن مقبوله اقلها فتحت عيوننا على شي

مثلا قولتك ان السناني مهو جزل خلاني اركز على ابياته .. ربما فهمها البعض ان مقصدك جزالة المعنى ولكني حسب مافهمت منك انك تقصد جزالة المفردات


عادي يالذيب انا من المؤيدين لنظرتك ورأيك .. ولو كلنا على راي واحد لاصبحنا مجاملين لان كل شخص ينظر للموضوع من جانب ربما يختلف عن الشخص الاخر




دمتم بخير

ثق تماما لو جزل مالعبت وياه ولا جسرت عليه وقتها كان عمري صغير ولا حسبت احساب له واسال ابراهيم الجذع فالموضوع هذا وعنده خبر

وحبيب موجود ماطلبته ليش لاني عارف حبيب يصلي فالواحد شرق وجنبت عنه ماني ناقص شرشحه

قدام مطير ههههههههه ماتسوي علي

السناني شاعر يفهم المعني ويرد عليك لو تبي 9 ايام ماعنده مشكله لكن ماهو جزل

تركيبة ابيوته ضعيفه

كل شاعر جزل تلقي له بيوت جزله تحفظ مع الجمهور السناني ماتلقي واحد حافظ له شي

مثال

صارت عندنا فالكويت حفله سووها العتبان قبل 17 سنه للحين حافظين بيوتها

بين حبيب والثبيتي الله يرحمه

ياحبيب في ثياب الناس شبيت الحرايق للحين حافظينها

اقولك شي شفت المنقره اللي يقولون عنه فيه رجه

ترا قبل كم سنه ردوده جزله واجزل من ردود السناني لكن من اربع سنوات وجاي مدري وش جاه تغير حيل

[مرقاب الشمال]

فعـــلا

لا يقذف الا الشجر المثمر

[خلف المطيري]

متابع هنا وهناك شوف هاذي محاوره بين خوينا سلطان الجذع وهو في عمر ولد السناني

ولعبه فالملاعب يمكن تعدها علي رؤؤس الاصابع ورغم حضور السناني وخبرته فالملاعب توازي عمر سلطان الجذع

شوف المحاوره متقاربه مع تفوق بسيط لسلطان الجذع

شوفها وارسل تحليلها علي الخاص









سلطان الجذع





مرحبا ترحيبةٍ تقضي الوجوب اللي عليه
قبلها علم الرجال اللي يغطي ما بعدهـا
يالسناني قبل احط الوسم في خد المطية
ماعليك الا ياابو تركي تفك عقال يدهـا




محمد السناني





البقـا ياراعـي الترحيـب والهقـوة قويـه
والوجوب اللي على الرجال مايحصى عددها
تدري ان الضيف مالـه فالامـور الداخليـه
ان وسمتوا حقكم ,,, وان كان راحت مافقدها




سلطان الجذع





الخيال اللي سرى نوه على نجد العذيـه
بعد بكرة تتعلم به جهينـه فـي بلدهـا
نعتبرك من اطيب الرعيان راعين الرعيه
مير لاتطوي البيوت اللي نبا نرفع عمدها




محمد السناني






الخيال اللي سرى في نجد رحمه عالمية
ياحليل المزنه اللي وبلها يسبق رعدها
الرعيه ضفها ملفـي وقدمهـا هديـه
مادريت ان الخلوج تحن وتدور ولدهـا





سلطان الجذع





خل عندك ياوسيع المعرفه للخير نيّه
انت عينك مغتشيها دمعها والا رمدها
ابو وافي يعطي الجزلة ويستاهل خويه
بارك الله في عدودٍ ماتخيّب من وردها




محمد السناني





لايصيبك شك والذمة مـن الذمـة بريـه
واعرف ان اللي يدور له على حاجة وجدها
اطلب الرجال تصبح من عفيف اليا الحويه
الرجل عنـده صلاحيـات غيـره يفتقدهـا




سلطان الجذع





لاتقول الحسنة اللي في عيون العقـل سيـه
الحبال معقـدة لكـن مـدري مـن عقدهـا
قبل لااطلب صامل الوقفات ماقصـرت يديـه
السباع الضاريه من عصر تركض لك جهدها




محمد السناني





انت لاتخطي ولاتقبل من العالم خطية
والشهادة تنقذ المسلم اليا منه شهدها

[خلف المطيري]

كل هالشيل والحط علشان السناني شاعر والا لا

عجيب... السناني شاعر كبير وهو الان شاعر خنذف

بشهاده الجميع ...اما من ناحيه المعنى واي مشكله تصير

هو اول من يناقشها هذا اسلوبه .. حتى لو كان اسلوبه غلط هذا مايلغي شاعريته,,

اما سفر فهو شاعر كبير وجزل الله يوفقه,,

اكيد شاعر خنذف مافي شك

[فهد علي العازمي]

صحت السنت الشعرلء وصحت قلووووبكم


المعنى حفلة الغاط واضح

[ابوتيجان]

وشلون ( وضعك ) ياسفر في منبر ( المتفرجين )
مدري تعلّيت درجه والا تنازلت درجه

البيت عن موضوع يخص سفر وبحضوره ولم يتدخل فيه بس وشهو الله اعلم
قد يكون حصل في حفلة الغاط بين المنظمين والشعراء بخصوص تواجد سفر او في مكان ثاني

وكان السناني يقول يوم سكت ولم تتدخل ( تعليت درجة ) هل هو عقل منك ولا ( تنازلت درجة ) خوف

ونقض سفر للبيت

الحمدلله وضعنا طيب وحنا طيبين
تضحك لنا الدنيا لو انا ( ماعطيناها الوجه )

يعني حتى لو ماتدخلت ولا القيت لها بال هي من صالحي



واقرب مالها ماحصل في حفل الغاط من بعض الشعراء وانزعاجهم لحضور سفر

[بطـران العتيبي]

متابع الف شكر لك على طرح المحاوره القويه والتي اقميت في تاريخ 7 / 10 بعد عيد
الفطر فالحصـاه .. وبالنسبه للمعنى جنيه الذهب يناقش سفر فاللي حصل فالغاط
عندما حاول تركي الميزاني ابعاد سفر عن المهرجان ..
أما من ناحيـه محمد السناني فهو شاعر خنذف الأول ..
وسفر الدغيلبي ماقول غير الله يطول بعمره ويجعله ذخر للقبيله شاعر كبير ومبدع ..

[ماني بهايب]

وشلون وضعك ياسفر في منبر المتفرجين
مدري تعلّيت درجه والا تنازلت درجه

قالوا لي انك ضعت مابين الثلاثه والثنين
الله كتب لك كربة حرجه وساعه محرجه

السناني يتكلم عن امر حدث كان لسفر فيه موقف مشرف
رغم حساسيته في ظل صمت وخوف او سحى الاخرين

والشاهد

انا هرجت الحق قدم الناس وانتم مستحين
افكاركم متبعثره واعصابكم متشنجه

كالعاده ابو سعد شامخ كالطود
ولايهون الجنيه المحكحك ابو متروك اشهد انه سلطه وعقرب رمل :)

ومايستبعد ان الطاروق عرجوا فيه على ماحصل فالغاط

[مرقاب الشمال]

الاخ خلف المطيري


حبيب في احد اللقاءات الصحفية سئل هذا السؤال
دائما ما تكون في اشد حالاتك الشعريه عندما تواجه محمد السناني لماذا يكون مع السناني هذا الحضور فقط؟
وكان جواب حبيب العازمي
محمد السناني شاعر شرس ويجب ان اعامل كل شاعر باسلوبه ما عدا الشاعر الهابط اكرمكم الله.

وهاذي صورة اللقاء للمصداقية
http://hh7.net/oct/hh7net_12875858471.jpg (http://hh7.net/)

وفي لقاء صحفي قديم سئل الرياحي عن من هو شاعر خنذف ؟
كان جواب الرياحي رحمه الله
(( شاعر خنذف محمد السناني , وسلم لي على البقيه ))

الشاعر جار الله السواط في لقاء مع قناة الساحه ( بدايات الساحه ) سئل عن اعتراضه على مكاتب الشعر واللعب مع شعراء معينين ؟
جواب السواط كان بانه لا يحضر عن طريق المكاتب الشعريه واكد بانه لا يحضر الا طريق دعوه خاصه ومع شعراء معينين ومن ضمنهم حبيب ومستور العصيمي والسناني.

القرقاح شاعر النظم والمحاوره ساله المذيع عن شاعر المعنى :
جوابه كان محمد السناني

مستور العصيمي في لقاء مع تلفزيوني ساله المذيع من شاعر المعنى في الحجاز بعد وفاة صياف رحمه الله ؟
جواب ابوو تركي كان
الشاعر محمد السناني

راشد السحيمي في احد اللقاءات مع منتديات قبيلة حرب
من هو شاعر المعنى من وجهة نظرك .؟؟
جواب السحيمي
أعتقد ان جيلي وهم صياف الحربي ومستورالعصيمي ومعظم من في هذا الجيل هم شعراء معنى والآن هناك محمد السناني.

الشاعر القادم الى ساحة المحاورة علي العضياني اشاد به العملاق مستور العصيمي
في احد اللقاءات الصحيفة سئل
شاعر حسبت له ألف حساب عندما التقيت به .؟
الجواب

الشاعر الكبير محمد السناني
............................................
المقصد من هذا يا خلف

هل جميع هؤلاء الشعراء الذين بلغ منهم الشعر مبلغه يجاملون السناني ؟

هل جميعهم نظرتهم خاطئه وانت نظرتك صحيحه ؟

[ماني بهايب]

مرقاب الشمال محمد السناني جنيه الذهب
هامه شعريه نادره ولايزيده نقد المستشعرين الا شموخ
هد عصابك واخذ وخل

[ابو فايح]

مرقاب الشمال

لا أرى داعي من ذكر هذا كله


محمد السناني من يعرف الشعر يعترف أنه من أشرس الشعراء وأعتبره أنا شاعر خنذف الأول



الأخ خلف أعتقد ان له وجهة نظر في تركيب أبيات السناني

مثلا تركيب أبيات السناني ليس مثل تركيب أبيات سوار الذهب


وتركيب أبيات حبيب العازمي ليس مثل تركيب أبيات مستور العصيمي


وهكذا

كل شاعر له طريقته في سبك وحبك وتركيب أبياته

وسأطرح موضوع تفصيلي إن شاء الله حول هذه الفروقات عند الشعراء

[ماجد العصيمي]

وسأطرح موضوع تفصيلي إن شاء الله حول هذه الفروقات عند الشعراء



ابو فايح انت شعله من النشاط



بوركت ايها الفتى

[ثقيف دام عزها]

ياااااااادارة الهيلا


اتمنى وضع حد للمهزله هذي وشكراااااااااااااااااااااااااا

[ماجد العصيمي]

لكل عضو في منتدى الهيلا الحريه في ابداء وجهة نظره حتى لو لم يتفق عليها الاغلبية



لا أرى داعي للتشنج في النقاش

[فهد الزهراني]

انا عندي زميل عمل وشاعر في نفس الوقت وعنده نفس النظرة من الاخ خلف عن محمد السناني وكنت سابقا اتجادل معاه بخصوص ناصر الفراعنه على ايام شاعر المليون وبدايته القوية بقصيدة ياناقتي

والرجل له نظرة يقول هذا شاعر كبير ولا يمكن اقلل منه لكن اسلوبه لا يعجبي وقصائده دائما مبهمه وفيها تطويل وتلاعب بالالفاظ بدون جزاله .

مع الوقت اصبحت انا شخصيا اوافقه واجد عند خالد بن مدعث وهو من نفس جيل الفراعنه مالا اجده عند ناصر..

النهاية كل انسان له وجة نظر نختلف معه حولها ولكن لانصادرها منه ولا نزعل من طرحه لها ...الامير فهد بن سلطان اعطى منيف المنقره درع مكتوب فيه (شاعر الجزيرة العربية) وفيه ناس هنا لا يراه شاعر نهائيا

انا ضد خلف في رأيه عن السناني وضد من يطلب منه الكف عن طرح وجهات نظره وفي النهاية قد يكون الحق معه فكلنا مجتهدين.

اخيرا : اي انسان تعرف ذوقه من خلال معرفة شعراءه المفضلين

تحياتي للجميع

[محمد ابن رووق]

انا عندي زميل عمل وشاعر في نفس الوقت وعنده نفس النظرة من الاخ خلف عن محمد السناني وكنت سابقا اتجادل معاه بخصوص ناصر الفراعنه على ايام شاعر المليون وبدايته القوية بقصيدة ياناقتي

والرجل له نظرة يقول هذا شاعر كبير ولا يمكن اقلل منه لكن اسلوبه لا يعجبي وقصائده دائما مبهمه وفيها تطويل وتلاعب بالالفاظ بدون جزاله .

مع الوقت اصبحت انا شخصيا اوافقه واجد عند خالد بن مدعث وهو من نفس جيل الفراعنه مالا اجده عند ناصر..

النهاية كل انسان له وجة نظر نختلف معه حولها ولكن لانصادرها منه ولا نزعل من طرحه لها ...الامير فهد بن سلطان اعطى منيف المنقره درع مكتوب فيه (شاعر الجزيرة العربية) وفيه ناس هنا لا يراه شاعر نهائيا

انا ضد خلف في رأيه عن السناني وضد من يطلب منه الكف عن طرح وجهات نظره وفي النهاية قد يكون الحق معه فكلنا مجتهدين.

اخيرا : اي انسان تعرف ذوقه من خلال معرفة شعراءه المفضلين

تحياتي للجميع


اوافقك جملة وتفصيلا



وناصر الفراعنه كنت ضد اخوياي كنت اقول خالد العتيبي اشعر

ردوا علي قالوا انت متعنصر علشانه عتيبي بعدها بفتره اعتقد تراجعوا


القاء الفراعنه وظلمه في الحلقة الاخيره زادت جماهيره

ولو أنه أخذ المركز الثاني كان اسوء من الخامس بالنسبة له

[برق شمالي]

خلف المطيري


يقول السناني في محاورة بينه وبين الشاعر الميزاني عبد الله شاعر مطير الأول :


أنتم ياعبد الله عيال القدر وأحفاد الصحن *** أكثر من الـــ 200 ميتين فيكم في قصور مقفلة



وش رايك بالبيت هذا جـــــزل والا ما هو جزل ؟؟؟

[خصيم الاجناب]

خلف المطيري


يقول السناني في محاورة بينه وبين الشاعر الميزاني عبد الله شاعر مطير الأول :


أنتم ياعبد الله عيال القدر وأحفاد الصحن *** أكثر من الـــ 200 ميتين فيكم في قصور مقفلة



وش رايك بالبيت هذا جـــــزل والا ما هو جزل ؟؟؟


بالله وش رد علاه الميزاني علمنا

ومن البادي بالقاف؟ وبعلمك بقاف مثله شكله مقتبس منه

[خلف المطيري]

خلف المطيري


يقول السناني في محاورة بينه وبين الشاعر الميزاني عبد الله شاعر مطير الأول :


أنتم ياعبد الله عيال القدر وأحفاد الصحن *** أكثر من الـــ 200 ميتين فيكم في قصور مقفلة



وش رايك بالبيت هذا جـــــزل والا ما هو جزل ؟؟؟

من ناحية الجزاله عادي

من ناحية المعني ممتاز وفيه خبث

بس عطنا رد عبدالله الميزاني

[برق شمالي]

من ناحية الجزاله عادي

من ناحية المعني ممتاز وفيه خبث

بس عطنا رد عبدالله الميزاني ههههههه انت رجل عجيب

قلت لك من قبل أجودي ،، تجيب الأمور على راسك الله يرفع عنك وهذا موضوع
انت كاتبه بيدك الكريمة وبيض الله وجهك أنصفت السنااااني وانت مادريت ههههههه
http://www.otaibah.net/m/showthread.php?t=116981

[خلف المطيري]

قلت لك من قبل أجودي ،، تجيب الأمور على راسك الله يرفع عنك وهذا موضوع
انت كاتبه بيدك الكريمة وبيض الله وجهك أنصفت السنااااني وانت مادريت ههههههه
http://www.otaibah.net/m/showthread.php?t=116981

انت تشوف لا والله

كيف افهمك لغتكم غير هههههه:confused:

المتشدده والمتعدده

ياويل الشعر ويلاه :D

خلوكم علي تقل الاخبار ياجهينه الكار هذا ماهو كاركم:)

وتحليك يدل علي فهمك العالي:eek:

وشلون وضعك ياسفر في منبر المتفرجين ياسلام ابداع لايوصف الحمدلله

ابحطه فالتوقيع

[صاحب الكلمة]

انت تشوف لا والله

كيف افهمك لغتكم غير هههههه:confused:

المتشدده والمتعدده

ياويل الشعر ويلاه :d

خلوكم علي تقل الاخبار ياجهينه الكار هذا ماهو كاركم:)

وتحليك يدل علي فهمك العالي:eek:

وشلون وضعك ياسفر في منبر المتفرجين ياسلام ابداع لايوصف الحمدلله

ابحطه فالتوقيع

نسال الله لك الشفا

فوبيا السناني تقض مضاجعك

[صاحب الكلمة]

انت تشوف لا والله

كيف افهمك لغتكم غير هههههه:confused:

المتشدده والمتعدده

ياويل الشعر ويلاه :d

خلوكم علي تقل الاخبار ياجهينه الكار هذا ماهو كاركم:)

وتحليك يدل علي فهمك العالي:eek:

وشلون وضعك ياسفر في منبر المتفرجين ياسلام ابداع لايوصف الحمدلله

ابحطه فالتوقيع

انا اعلمك وش تحط في توقيعك
حط هذا البيت

(يا سلطان ارفع رجولك علي فوق )

هذا بيت سوار الذهب مع سلطان المنصوري في المدينه بيت فيه من الجزاله الشيء الكثير
لله درك يا ميزاني

[خلف المطيري]

نسال الله لك الشفا

فوبيا السناني تقض مضاجعك

ههههههههه

الله يسامحك

فوبيا عاد لاواجهته سلم عليه وقله من طلعك من حفل العوازم فالكويت سليم معافا

عشانه من خنذف

والحين تقول فوبيا السناني

الله يعينكم علي انفسكم

[خلف المطيري]

انا اعلمك وش تحط في توقيعك
حط هذا البيت

(يا سلطان ارفع رجولك علي فوق )

هذا بيت سوار الذهب مع سلطان المنصوري في المدينه بيت فيه من الجزاله الشيء الكثير
لله درك يا ميزاني

احط اسوار الذهب

واخلي شاعر خنذف

مستحيل ياصاحب الكلمه شاعر خنذف ابدا

لا ابحط المتعدده والمتشدده تخيلها في نطق السناني عسل

[صاحب الكلمة]

احط اسوار الذهب

واخلي شاعر خنذف

مستحيل ياصاحب الكلمه شاعر خنذف ابدا

لا ابحط المتعدده والمتشدده تخيلها في نطق السناني عسل

خلف لقيت بيت ثاني يمكن ينفع

بيت الميزاني مع ولد عمه تركي 2000


(( العب مع رووس مالعب مع ذنب ))

لله درك يا ميزاني كل بيت اجمل من الثاني

[فهد الزهراني]

ياشباب كفى

المفروض ما عاد تستمرون في هذا الجدل البيزنطي اللي مايفضي الى نتيجة..

والحقيقة لازال الحجر على الرأي يمارس من البعض كل شخص خلوه يكتب رأيه بتجرد !!

[ابن المحايا]

ياشباب كفى

المفروض ما عاد تستمرون في هذا الجدل البيزنطي اللي مايفضي الى نتيجة..

والحقيقة لازال الحجر على الرأي يمارس من البعض كل شخص خلوه يكتب رأيه بتجرد !!



اتفق معك يالزهراني


كل واحد له وجهة نظر وهو حر في رأيه