انت يالمسيود يالي ماذبحك الا السياده!!!اقرب عميل من اهل الحله

[ماجد العوني]

السلام عليكم ورحمة الله وبركاته

اسعد الله اوقاتكم بكل خير ... انا من عشاق المحاوره ...وحجبيت ان تكون بدايتي بهذه البدايه


ياسلام الله سلامٍ واجب بحكم العباده=دين واضح كلبونا مسلمين وعارفينه
مبعد المرواس يقرب والمعاني في زياده=كان يوحي فالخيال الليله يشوفه بعينه

[خلف المطيري]

الله الله

صح السانك يابوسلمان

والصف صفك

[ماجد العوني]

خلف صح بدنك طال عمرك ....ولا خلا منك ولا اعدم ...

[ماجد العوني]

وين العميل يالربع !!!!!!

[ولدعساف]

وعليكم السلام ورحمة الله وبركاته

,,

حياك الله يالعوني بين اخوانك ويامرحبا بك .. وصح لسانك ولسان قبيلك مقدماً والصف صفك :)

[متعب المقاطي العتيبي]

هلا ياماجد

ممكن
:
:

مرحباء ترحيب ياخذ فالوطن اكبر شهاده=بالحفاوه للضيوف الي يجيبون السمينة
هات ماعندك وكلاً يالمطيري واجتهادة=يوم كلاً ياعميلي نجدته سلة يمينه

[ماجد العوني]

وعليكم السلام ورحمة الله وبركاته

,,

حياك الله يالعوني بين اخوانك ويامرحبا بك .. وصح لسانك ولسان قبيلك مقدماً والصف صفك :)

الله يبارك فيك ..ياولد عساف ..وصح بدنك...والله لا يهينك يالقرم

[فايز بن سرحان الثبيتي]

ماجد العوني " متعب المقاطي صحت السنتكم "

لكن العنواااان من البدعه ولا لحاله "

[علاي الحافي]

صحت الالسنه والقلوب متابع للابداع

متعب ازهل الصف ازهله

[ماجد العوني]

البقى يالي ترحب والسعيد من السعاده=يطلق المدفع سما ويطيح ويشق السفينه
انت يالمسيود يالي ماذبحك الا السياده=لك عيون مع سليم ولك عيون مع جهينه

[ماجد العوني]

ماجد العوني " متعب المقاطي صحت السنتكم "

صح بدنك يابن سرحان ...شرفتنا طال عمرك

والعنوان ..حصل لخبطه فالموضوع وصار موضوعين

[ماجد العوني]

صحت الالسنه والقلوب متابع للابداع

متعب ازهل الصف ازهله

صح بدنك وقلبك ياعلاي الحافي ...ولا ابداع حضور مثلك وشرواك

[متعب المقاطي العتيبي]

عقب فصل الصيف قفا لاعب الوسمي براده= والمشقى ياعسى ربي على الطرقة يعينه
ياعميل الخير لك في دارج الايام عادة=والطوير الي يرفرف به جناحه خابرينه

[فهد سعد العضياني]

ياسلام ياسلام واصلووووووا يالذيابه

[متعب المقاطي العتيبي]

اشكر الجميع على حظورهم الكريم

[فهيد الايدا المورقي]

ماجد العوني

متعب المقاطي


صحت السنتكم جميع


تحيتي

[ماجد العوني]

ياجماد الاول الي راح وقفابه جماده=ونت يامتعب سكنة الدبدبه ولا الدفينه
الله اكبر نولع العيدان وطير الجراده=ضلع مكه يالعتيبي تعرفه بينك وبينه

[ماجد العوني]

فهد يعد العظياني...حياك الله ...شرفتنا بحضورك


بناخي الايداْ حياك الله ...شرفتنا يالقررررم

[متعب المقاطي العتيبي]

احمد الله ماكري دايم على صدر الرياده=ماتمشيها.. ولاكن جودو قفل الخزينه
جاك سماً يالمطيري مادريتو عن قناده=والجبل يرقاه ماجد ياعسء الله لايهينه

[متعب المقاطي العتيبي]

ماجد العوني وراك غيرت في ابياتك الله يهديك الي تقول ضلع مكه

[ماجد العوني]

انت شايب ماسحينك من سجلات العياده=راح عمرك مير خلك بين مكه والمدينه
شفتلي شاوي يشب النار ويسف الرماده=لا يحسب الدار عند الجار من لبنه وطينه

[ماجد العوني]

ماجد العوني وراك غيرت في ابياتك الله يهديك الي تقول ضلع مكه


متعب المقاطي ...الله الله ضلع مكه ..ارجع للبيوت وبتعرف

[متعب المقاطي العتيبي]

انت شايب ماسحينك من سجلات العياده=راح عمرك مير خلك بين مكه والمدينه
شفتلي شاوي يشب النار ويسف الرماده=لا يحسب الدار عند الجار من لبنه وطينه

:
:


ماتمشيها ولاكن وش بقاء بعد الابادة=لين صوتك ماعرفنا زمرته والا حنينه
حسني (ا)مبارك ياليته مايسافر عن بلاده=لو يقولون العوارف سجدته تملا جبينه

:
:
صح لسانك واعذرنا من القصور وتصبح على خير

[ماجد العوني]

العتيبي جاء يدور ضل بغصون العراده=مير انا وشلون اميز فالدقاقه والمتينه
حسني (ا)مبارك سرى ولا قصر من دون ماده=ون سجد لله سجده يرفع لربه يدينه


صح بدنك يلمتعب ..وماش قصور ...يالقرررم