المتمكن حياه الله "

[احمد حامد الزايدي]

سلام الله سلام المسك والريحان واليشموم=تحيـه للرجال اللي ليا جينا نحيـيهـا
سلوم الملعبة ياصحابنا فالسوق بيع وسـوم=وانا ابيع البضايع كلها في السوق واشريها

[فهد الشهيب الثبيتي]

الله الله

صح لسانك يابن حامد وفي انتظار قبيلك وصح لسانه مقدما

[احمد حامد الزايدي]

صح بدنك يافهد

حضورك زادني تشريف يالغالي

لك شكري وتقديري

[فهد سعد العضياني]

هلا يامرحبا يالزايدي واهلين يالزيزوم ** وانا راع العلوم الطيبه شرواك راعيها


سلوم الملعبه هات العلوم ولا يجيك النوم ** ترى الشعار غيرك ياولد تاخذ وتعطيها

[ناصرابن نقاريس الهاجري]

صح الله السانك يا الزايدي


كان ودي بذا الطرق لاكن خيرها بغيرها سبقنا العضياني


وصح الله السانك يا فهد

[فهد سعد العضياني]

صح بدنك يالهاجري


والزايدي استاذ فالشعر ونستفيد من خبراته فالشعر


لاهنتوا جميعا

[عبد الكريم العازمي]

طيب




الأ يا مرحبابك من هجوسً فالبحار أتعوم=نيابه عن رجالً فالقاء يسقمّ معاديها
أحد معطا يا بن حامد وأحد منها تراء محروم=لكن أللعب وخل الملعبه فيدين راعيها

[عبد الكريم العازمي]

أسحب ردي

وفهد يسد اللزوم ماشفته يوم رد

[فهد سعد العضياني]

أسحب ردي

وفهد يسد اللزوم ماشفته يوم رد

الله لايهينك وانا اخوك ولا عليك زود يالذيب

[احمد حامد الزايدي]

يدوم الك البقا والقرم قالو من رجال قروم=اله فالمرجله حرفه وصرفه ما يخليها

بعيد النوم عن عيني وأنا رجال راع اسلوم=وانا لي وزعتي معهم في حاضرها وماضيها

[سويلم الشيباني]

هالطاروق كل العيون علاه ههههههههههههههههههههههه

[احمد حامد الزايدي]

ناصرابن نقاريس الهاجري

صح بدنك وقلبك يالغالي

والله اني اتشرف بالعب معك

[فهد سعد العضياني]

الا يالزايدي من عقب ماجتك المنايا تحوم ** بعيد النوم عن عينك غصب منته براضيها

بعيد النوم عن عينك وانا خصمك قوي عزوم ** تبا تسري طوال الليل وعيونك مسريها

[فهد سعد العضياني]

ياسويلم يعطيك العافيه

ومشكور على مرورك

[متعب المقاطي العتيبي]

صحت الالسن متابعين للجزاله

[احمد حامد الزايدي]

أنا اللي قاسمه ربي عرفت انه هو المقسوم=ولاني خايف (ا)من اللي كتب لي في لياليها

وماغير الله قوي عزوم (ا)سبحانه هو المعصوم=وياراع الضان دوك الضان سرحها وضويها

[فهد سعد العضياني]

صح بدنك

مرورك شرف يامتعب

[احمد حامد الزايدي]

صح بدنك يامتعب


والجزاله تراك راعيها

[فهد سعد العضياني]

هههههههههههههههه


الا ياللي تهايط لو تجيك القوم جات علوم ** تعذر من عمامك والنصيحه لاتعديها

علامك تكسر بيوتك علامك يازعيم القوم ** وقومك ياوسيع المعرفه ضاعت هقاويها

[احمد حامد الزايدي]

طيب طيب



أنا فعلي يشرف ربعي العتبان يالمنجوم=وكل الناس تنصاني واشرفها واماشيها


وبيت العز مبني ماانهدم والصقر ماهو بوم=وقومي ياوسيع المعرفه ماحدٍ يقاويها

[فهد سعد العضياني]

اسلم اسلم

هذا فعلي وانا فعلي على راسك يجي محتوم **تصرفها تعدلها ماتمشي لو تمشيها

انا قومي على الشدات والطالات دوم تروم **وتفخر ياولد حامد من افعولي وطاريها

[احمد حامد الزايدي]

أنا راسي على الصكات ضاري كل يوم ودوم=واصرفها على مثلك وامشيها وارسيها


وتراك أنته تحـلم يافـهد لا تنـخـدع بحلـوم=وحلومك يافهد ماحدٍ مفسرها وقاريها

[فهد سعد العضياني]

انا بنشدك , ما ابغى الرد ياعمي مافي معلوم ** تعوذ حين تاكل خلقة الله او تلبيها ؟؟
الا يالزايدي عمك فهد تخطي علاه اليوم ** نسيت فعوله الجزله من اولها لتاليها

[احمد حامد الزايدي]

تعوذ من بليس أنته وقوم الليل صل وصوم=وطوف البيت في عمرتك وادع الله يوفيها


واختمها بذكر الله ماغـيره واحـدٍ قيوم=خلق خلقه وكافل رزقهم والدار حاميها





تصبح على خير يافهد استمتعت بالعب معك ومع السلامه يالغالي

[فهد سعد العضياني]

الله لايهينك يابو حامد والله اللعب معك فخر وشرف



واعذرنا ان حصل قصور


وتصبح على خير ...

[بدر بن ثعلي]

صحة السنتكم شعراااء وافين ...

تقبلوا اعجابي الشديد ..