معجب العتيبي

[عبد الكريم العازمي]

...



ياسلام الله سلامً يردعّ العدوان عنا=لأنتخن بيض البنيّ ثم قامت الدعوى عزاوي
والله أنا في شمال الخارطه نحمي وطنا=بس لن جينا الجنوب أيطيح هالضلع أمتساوي

[راعي الشوشلية]

صح السانك ياشاعرنا

&

بنتظار الشعار

[عبد الكريم العازمي]

راعي الشوشليه

حياك الله وصح بدنك

[معجب العتيبي]

مرحبا مابين هيل وزعفران وريح بنا=والدعاوي هينه ماتطلب السيف الرهاوي

والله انا نحتمي كل الوطن من حيث كنا=من يمين ومن يسار وكلنا حرٍ نداوي

[ركيان مسعدالمغيبي]

بس لن جينا الجنوب أيطيح هالضلع أمتساوي

سبحان الله يمكن علشان المغنطيس قوي تجاه النجم القطبي

صحت السنتكم ياشعار

[عبد الكريم العازمي]

نعرف اللي يمكم لكن والله ماشتحنا=من يفرق فالزمن مابين ذيب وبين شاوي
مانقول أقصور فيكم مير ردّ العلم عنا=ودنا قسم الغنايم هيه هيه بالتساوي

أسف على التأخير وأنكانك منت موجود بكره في الليل

[عبد الكريم العازمي]

ركيان صح ابدنك وكل شي يصير مافيه مستحيل

[معجب العتيبي]

من يعد لحق منكم من يعد الحق منا=ياصل المطلوب ويحقق بعيدات الهقاوي

ماذخرنا شي عنكم لو يزود اللي تمنّا=لو يزود اللي تمنا لو يزودن المناوي

[معجب العتيبي]

ركيان


حياك الله


ماعلى الدنيا غريب


صح بدنك

[معجب العتيبي]

عبد الكريم الروقي

ياسلام الله سلامً يردعّ العدوان عنا=لأنتخن بيض البنيّ ثم قامت الدعوى عزاوي
والله أنا في شمال الخارطه نحمي وطنا=بس لن جينا الجنوب أيطيح هالضلع أمتساوي


معجب العتيبي

مرحبا مابين هيل وزعفران وريح بنا=والدعاوي هينه ماتطلب السيف الرهاوي

والله انا نحتمي كل الوطن من حيث كنا=من يمين ومن يسار وكلنا حرٍ نداوي


عبد الكريم الروقي

نعرف اللي يمكم لكن والله ماشتحنا=من يفرق فالزمن مابين ذيب وبين شاوي
مانقول أقصور فيكم مير ردّ العلم عنا=ودنا قسم الغنايم هيه هيه بالتساوي



معجب العتيبي

من يعد لحق منكم من يعد الحق منا=ياصل المطلوب ويحقق بعيدات الهقاوي

ماذخرنا شي عنكم لو يزود اللي تمنّا=لو يزود اللي تمنا لو يزودن المناوي

[متعب المقاطي العتيبي]

متابعين للجزالة

[معجب العتيبي]

متعب


لاهنت على المتابعه


شاكرين مرورك ومتابعتك

[عبد الكريم العازمي]

الله الله وأعذرني على التأخير الجهاز علق


والله أنا ما نظام ولا نظيم ولا نكنّا=نعشق المرقاب يامعجِب تراءالعاشق هواوي
مانقول أقصور مير أفطن تراء حنا فطنّا=ودنا كسب الجمايل وأنتجنب كل غاوي

[عبد الكريم العازمي]

متعب متابعتك شرف

وحيالك الله

[معجب العتيبي]

موتر السواق تال الوقت جاين فيه حنّا=والمهندس مانضنه عن بلا الموتر عماوي

لو دريت ولو درينا فالزمن عن كل فنّا=ماتحوز الا نصيبك يالفقير ويالغناوي



الصلاه ويمكن اتأخر يابطل

[عبد الكريم العازمي]

موتر السواق تال الوقت جاين فيه حنّا=والمهندس مانضنه عن بلا الموتر عماوي

لو دريت ولو درينا فالزمن عن كل فنّا=ماتحوز الا نصيبك يالفقير ويالغناوي



الصلاه ويمكن اتأخر يابطل

الله الله الله


لاتلومه يمكن أنه من عنا الدينا يجنا=ما خبرنا فارسً فارس بلا سيفً رهاوي
مشكله والمشكله ماهيب منا من زمنا=مايحوش الأدمي غير النصيبَ ولو يقاوي

[معجب العتيبي]

خابر انه مايغني من طرب من يوم غنا=لكن المعبود يفزعله من الرزق السماوي

البنا مايضبطه في هالزمن ياكود بنّا=والعراوي مايسوقه غير سواق العراوي

[عبد الكريم العازمي]

ياعسى ربي يسوق الرزق منا ولا منا=ما نبا ياكود سيلً ياولد عمي نحاوي
الصحيح أن الصحيح اللي يصحَ ولا يثنّا=أستفدنا يا أبن عمي والفاوايد بالرجاوي


صح اللسانك والختام عند إذا ودك

ويعلم الله أستفدت منك يا بحر ولك ألف شكر على تلبية الدعوده

[معجب العتيبي]

عبدالكريم


صح لسانك وبدنك


شرفتني وافدتني



والى لقاءات ان شاء الله

[عبد الكريم العازمي]

صح بدنك والشرف لي وفي أمان الله