قصيده لشاعر محمد بن عبدالعزيز بن حويفر الدغيلبي

[فهد بن حويفر]

نصيحه لشاعر محمد بن عبدالعزيز بن حويفر الدغيلبي العتيبي:


يالله ياغفار زلات من تاب
يازبن من ضاقت عليه ولجالك
يالواحد اللي من ترجاك ماخاب
انك تغفر ذنوب عبدن يسالك
وانك تهييله عن النار مجناب
بعطفك ولطفك ياعزيزن جلالك
ويالعبد لايطغيك وقتك ليا طاب
لابد من يومن اطوى حبالك
وتقفي بك الدنيا على حدب الاخشاب
وتحط في قبرن هيالن لحالك
اما سكنت بجنت الخلد رغاب
بجنات عدنن والسعد صار فالك
واللا عليك النار يفتحلها باب
ولاينفعك ربعك وجاهك ومالك
ماينفعك كود العمل كان هو طاب
ينجيك من سوء البلا والمهالك
واعرف ترا دنياك هاذي تقلاب
يطفي ظلام الليل نور بدالك
خلك على التقوى حريص وقضاب
وحذرا يجي في والدينك خمالك
واختر صحيبك من كثيرين الأصحاب
اللي ليا بار الدهر فيك شالك
وأحذر هل النمات هافين الانساب
همازتن بالشين لاجاء مجالك
والضيف لاتبخل عليه الترحاب
ومع الشحم والطيب كيف دلالك
ولاتستحل حقوق غيرك بالاكذاب
تصيب دعوة واحدن مادعالك
وأحذر تجر الشين مابين الاقارب
والحلم خله خصلتن من خصالك
وحذرا تجي في عرض الاجواب شذاب
ترا الكلام الشين يخر وبالك
وان كان ناداك القدر بم غصاب
لاترتخي مع عايلن مارتخالك

[محمد الحميدي]

واعرف ترا دنياك هاذي تقلاب
يطفي ظلام الليل نور بدالك
خلك على التقوى حريص وقضاب
وحذرا يجي في والدينك خمالك
واختر صحيبك من كثيرين الأصحاب

صح لسانك يالشاعر محمد بن عبدالعزيز

ولاهنت يالغالي على النقل الرائع

[محمد العتيبي]

الله الله الله


رائعه جدا للشاعر الرائع / محمد بن حويفر الدغيلبي ..



بيض الله وجهك يافهد على النقل الجزل



تحيتي لك
..

[فهد بن حويفر]

صح بدنك يامحمد بن الحميدي ولاهنت على الرد>>>>
>>>لاهنت يامحمد العتيبي وشكرا على لطفك