ابراهيم الجذع شب النار !!!!!!!!!!!!!!!!

[ماجد العصيمي]

والا يا براهيم الجذع ولع النار=عشان الجراد يطيح داخل لهبها
ترى ماينقص قدر وافين الاشبار=كتابة خبل فوق الكباري كتبها

[عبد الكريم العازمي]

ياعيني عليك

وافي يالوافي وننتظر الجذع

[ماجد العصيمي]

ماعليك زود يالروقي



لاهنت على المتابعة

[فهد الشهيب الثبيتي]

الله الله

صح لسانك ياماجد وصح لسان ابراهيم مقدما , والله يعين الخبل سرا علاه الذيب ههههه

[ابراهيم الجـــــذع]

والا يا العصيمي كان شفت الفلك دار=تشوف اللحا تحما مواقف شنبها

تبور السلع لو لا التفاوت فالأنظار=وكلٍ على منظور فكره حسبها

[فهد الشيباني]

صح الساانك ياماجد وصح السان الجذع .....

[خلف المطيري]

تبور السلـع لـو لا التفـاوت فالأنظـار
وكــلٍ عـلـى منـظـور فـكـره حسـبـهـا

نعم نعم هنا مربط الفرس

صح السانك وصح السان ماجد

متابع

[سلطان فهد المطيري]

صح لسانك ياماجد ولعها من زنادك يالقرم

[ابراهيم الجـــــذع]

صحت ابدانكم جميعاً

شرفنا مروركم

[سلطان فهد المطيري]

والا يا العصيمي كان شفت الفلك دار


تشـوف اللحـا تحمـا مـواقـف شنبـهـا

صح لسانك %%%%%%%%%%

[ماجد العصيمي]

انا ماهقيت الذيب يضحكبه الفار=ولاصوات تفضح مانوى منتخبها
غريبه عجيبه يالجذع بعض الافكار=سواة الجروح اللي مايعرف سببها

[ابراهيم الجـــــذع]

أنا اشوف من لا يعرف الشعر شعار=وهذي يدليها والأخرا جذبها

ترا الحق مثل السيف صارم وبتار=ويقطع يدين الباطل اليا ضربها

[ماجد العصيمي]

ياكثر القرود اللي يلدون الانظار=على كثرها مالله محقق طلبها
على كل مرقابن ثمانين سبار=وفارس وحيد اللي مسبب تعبها

[ابراهيم الجـــــذع]

ترا للعرب حشمه وشيمه ومقدار=وراع الفتن ناره يزود حطبها

وترا اللول ما يطلع لك ابكل محار=ومهد الذهب معروفةٍ من ذهبها

[ماجد العصيمي]

انا عارف ان الموت قصاف الاعمار=ومن دور السهله مايطعم صعبها
ترى ما على الموضوع ياربعنا استار=ولا احدن يلحق كل نفسن نصبها



شكرا يابراهيم الجذع لتلبية الدعوه وصح لسانك

[ابراهيم الجـــــذع]

يا ماجد وراك اتدور في وسط دوار=وعينك عن اللفات يغضي هدبها

ترا الناقه اللي ما تضير على حوار=تروح مسوح ومن يجي يحتلبها

[ابراهيم الجـــــذع]

صح بدنك يا الغالي

أنا اللي اشكرك على الدعوه

[راعي الشوشلية]

صح السنـتكم ياشعـار

&

تقبلو مروري