حمدان العصيمي وحبيب العازمي ( درس شعري رائع )

[ابو فايح]

في لقاء رائع وصل فيه الزخم الشعري إلى ذروته

فتل من طراز رفيع يقابله نقض من طرازه

تسلسل في المعنى بطريقه فريده

مناقشه للمعنى حتى انتهى كل شاعر مما في ضميره

لقاء من يريد أن يأخذ فكره عميقه عن طاروق مكتمل من جميع النواحي ماعليه إلا أن يبحر معه ومع معانيه






حمدان العصيمي


سلام يا ربع (ن) لهم قدر وجلال = ألاد روق أهل الخصال النبيله
يالعازمي قفل محطات الإرسال = وألا قبيله تنسحب عن قبيله




حبيب العازمي

يا مرحبا ترحيب رجال برجال = يا ربعنا يأهل العلوم الثقيله
أما يصير الحال باقي على الحال = وألا فصيله ما تجي مع فصيله




حمدان العصيمي


الطرقي اللي قاضي العمر رحال = إليا إعتذر فكوه وأخلوا سبيله
أنا أدري إنك فالبلد عضو فعال = بالله قفلها لاتصبح طويله




حبيب العازمي


حمدان عمك طيب الجد والخال = تراه فالطرقه خويه زميله
يوم إن حسم المعركه شرب فنجال = يا ربعنا حنا اليدين الطويله





حمدان العصيمي


أنا رفيقي موقفه يشرح البال = وألا رفيقك جايب(ن) لك فشيله
نعم بكم طاله وتاريخ وأفعال = لكن جبتوا حاجة(ن) مستحيله




حبيب العازمي


إليا متى لك وأنت عمال بطال = طول الدهر متجود(ن) في شليله
ما ناقص(ن) من كيلنا لو مكيال = واللي نكيله عند ربعك تكيله




حمدان العصيمي


حنا لنا التوجيه في كل الأحوال = والسيف تعرف هيبته من صليله
ما زال فيكم شك والشك ما زال= كل (ن) يدور موقع(ن) ينتمي له




حبيب العازمي


أنتم لا لهم بيت ما تحته إظلال = واليوم يا كثر البيوت الظليله
تسمعوا حمدان يالربع وش قال = ثم إنشدوا حمدان من هو كفيله




حمدان العصيمي


يالعازمي قعدت للرمي تمثال = ما عاد لك في صد الأهداف حيله
حمدان من روؤس المناعير الأبطال = أهل المواقف والخيول الاصيله




حبيب العازمي


نرمى ولا نسرح مع الضين عمال = اللي ليا مر الطلي خم ذيله
ما قال غير ..... والدم ماسال = ماغير أبا أمزح معك مزحه حليله

[خـ الهيلا ـالد]

محاورة رائعة بين عمالقة شعر المحاورة


ابوا فايح يعطيك العافية

[محمد العتيبي]

لاهنت يابو فايح



محاوره لا يعلى عليها ودرس جدا رائع ..



تحيتي لك
..

[غريب الزمن]

للـــــــــــه ردكـ ياحبيب يعرف مظهار الرجل قبل مدخالها..


صحـــت ألسنتة الشعـــــــار


ابو فايـــــــــــــح

صــاحب التفــــــــــــــــــرد


لك شكري وتحيــــــــــــاتي

[ابومشعل العازمي]

يعطيك العافية

[الذيب العصيمي]

هاذي بحاثة الخفى يابوفايح لاهنت


تسلم ولايسلم ردي العزايم

[جمال العضياني]

الله الله

محاورة عمالقه::

معنى ومغنى,,,,

استمتعت بالمحاوره,,,


شكرااااااااااا يابو فايح...........

[فهد علي العازمي]

صحت قلوبهم وقلبك

لاهنت اخوي

[الشخص العاقل]

عسى القدر مغطى ان شاء الله


ولاودنا ترجع الأمور القديمه الحمدلله حنا بسعاده


لكن ابداع بالطاروق ونقض وفتل ومعنى من حبيب وحمدان

[صريح الروقي]

محاوره جميله بغض النظر عن بيت لحمدان

يحسب عليه لان الثالث غايب

[ابن المحايا]

محاورة جميلة بجمال شاعريها وناقلها



وفتل ونقض رائع


اردت ان اقتبس بيت او بيتين وجدت كل المحاورة تستحق ذلك



لاهنت يابوفايح على هالموضوع الرائع ولاتحرمنا من جديدك يالغالي

[فايز بن سرحان الثبيتي]

ابيض وجه يابو فايح "

انت قناص " وشهادتي فيك مذبووووحه "

اعجبني رد حمدان هذا :


أنا رفيقي موقفه يشرح البال
وألا رفيقك جايب(ن) لك فشيله
نعم بكم طاله وتاريخ وأفعـال
لكن جبتوا حاجة(ن) مستحيله

[الهزبري]

نرمى ولا نسرح مع الضين عمال
اللي ليا مـر الطلـي خـم ذيلـه

بيت جمع بين النقض والخبث المبطن
لازال حبيب العازمي في القمه دون منافس.
وحمدان ماقصر قاوم بشراهه.


ابوفايح
الله لايهينك على النقل المميز

[ابو فايح]

خالد / لاهنت على المرور والمتابعه




محمد العتيبي / دائم متواجد ماشاء الله عليك بيض الله وجهك جهودك ملاحظه



غريب الزمن / لاهنت على المرور والمتابعه


ابو مشعل / ومن قال ما هان


الذيب / ومن قال سالم


جمال العضياني / شاكر لك مرورك ومتابعتك الدائمه


فهد العازمي / مرور رائع وجميل


الشخص العاقل / لك من معرفك نصيب بيض الله وجهك على مرورك


صريح الروقي / لاهنت على مرورك

[خلف المطيري]

نرمى ولا نسرح مع الضين عمال
اللي ليا مـر الطلـي خـم ذيلـه

ياسلام يابوفيصل

صحت الالسن والقلوب جميع

المحاوره جيده وعلي قدم وساق واحد من البدايه للنهايه

لكن بيت حبيب المذكور اعلاه

متكامل الاطراف ذكاء نقض خبث حبكه

هذا اللي اقوله يابوفايح يوم اقصد الابداع

[الجوراسي]

محاورة قمة في النقض والفتل

وابو فيصل خطير جدا

وفيها عودة لقديم المعاني

تحياتي

[ابو فايح]

ابن المحايا / لاهنت على مرور والتواجد المستمر


ابن سرحان / مرورك شرف وشهادتك وسام


الهزبري / لاهنت على المرور


خلف المطيري / لاهنت على المرور


الجوراسي / فعلا محاوره ذكرتنا بطواريق عام 1413 و 1414 والزمن الجميل

[جبل]

الله يجزاك خير يابو فايح محاورة راااااايقة فعلا ( السهل الممتنع) افضل نوع من المحاورات سلمت

[احمد منير الواصل]

السلام عليكم ورحمة الله وبركاته
الله لايهينك اخوي ابو فايح
على النقل الرائع
ودائمآ مميز في كل الاحوال
وابو فيصل جبل مايهزك ريح
وحمدان شاعر وله مستقبل ان شاء الله
والمحاوره جميله من الاثنين وابداع ومعنى

[سيف شامان]

صحت ألسنة الشعراء

وبيض الله وجهك يابو فايح على هالطرق الكايف السهل الممتنع

أتمنى أن أكون وفقت في تحليل المحاوره

وياليت اذا المعنى ماهو خاص توضحه لنا يابو فايح

متابعين لجديدك الرائع دوماً

[ماجد العصيمي]

لاهنت يابو فايح


بس متى هالحفله يالذيب ؟

[ابو فايح]

جميع من مر له كل الشكر والثناء


من يسأل عن المعنى أعتذر منه لأسباب خاصه


ومن يسأل غن تاريخها كانت في الثالث او الرابع من شهر شوال الماضي

[ابو شوق الازوري]

محاورة رائعة بين عمالقة شعر المحاورة


ابوا فايح يعطيك العافية

[ماجد السميري]

جميع من مر له كل الشكر والثناء


من يسأل عن المعنى أعتذر منه لأسباب خاصه


ومن يسأل غن تاريخها كانت في الثالث او الرابع من شهر شوال الماضي





عذرك مقبول وفي محله

ونحييك على عذرك الوافي

[خلف الروقي]

صحة ألسنتهم ولاعاد تزيد النار بنزين يابو فايح :)

[سلطان طلحة]

صح لسان


الشاعرين


شكرا لك


لاهنت

[سعود العصيمي]

محاورة عملاقة


وجميلة بجمال


شاعريها

وناقلها



فتل ونقض رائع



معنى رااائع ومغطى




حمدان العصيمي


وحبيب العازمي


صحت السنتكم وشهادتي فيكما مجروحه


ابو فايح

ماتجيب الا شي رااائع ومميز



لك مني ارق التحايا

[راعي الشوشلية]

رائع كما عودتنا بجديدك


تقبل مروري

[ابو فايح]

بيض الله وجيهكم فردا فردا


وشاكر لكم مروركم وتشريفكم المتصفح

[خصيم الاجناب]

جميع من مر له كل الشكر والثناء


من يسأل عن المعنى أعتذر منه لأسباب خاصه


ومن يسأل غن تاريخها كانت في الثالث او الرابع من شهر شوال الماضي



المعنى هو قلب السحر على الساحر

بس

[خلف المطيري]

وحمدان شاعر له مستقبل ان شالله

والسيف تعرف هيبته من صليله --- صليله وش معناها

[ماجد العصيمي]

صليل السيف


يعني صوت السيوف في المبارزه


كلمه عربيه مافيها شي ابدا

[خلف المطيري]

صليل السيف


يعني صوت السيوف في المبارزه


كلمه عربيه مافيها شي ابدا

ماقول فيها شي

بغيت معناها وانت وضحت ياماجد

البيت واضح معناه وجميل حتي لو ماعرفت معني صليله موقعها فالبيت يدل علي المعني

لكن بغيت استفسر عن كلمة صليل اول مره اسمعها

شكرا علي التوضيح