خليفة شهيب ثبيت يحضر على الفور / وانا خابر ان الجود من بيت ابوها // فهد الشهيب

[فهد الشيباني]

مسيت بالخير .....:)



//



خليفة شهيب ثبيت يحضر على الفور = وانا خابر ان الجود من بيت ابوها

زمانٍ يجي بالدور ما فيه بالدور = حكايه قديمه والعرب صدقوها

[سـعـد الـعـصـيـمـي]

طيب طيب وجبت المتابعة
و صحت السنتكم يا فهود

[فهد الشيباني]

صح بدنك ياسعد متابعتك هي مطلبنا الاول لاهنت :)

[فهد الشهيب الثبيتي]

مسيت بالرضا


ماشاءالله شعرك فالدواوين منثور=بيوتك جميع اهل المعرفة قروها
قديمك نديمك يااجودي صف طابور=ابا اذكرك واذكر اللي نسوها

[فهد الشهيب الثبيتي]

مرحبا ياسعد العصيمي

صح بدنك وشرفتنا بحضورك ومتابعتك

[فايز بن سرحان الثبيتي]

صحت الالسن

[سـعـد الـعـصـيـمـي]

زمانٍ يجي بالدور مـا فيـه بالـدور
حكايـه قديمـه والعـرب صدقوهـا



قديمك نديمك يااجودي صف طابور
ابا اذكرك واذكـر اللـي نسوهـا




ياسلام ياسلام

عنيد وقابل عنيد :)

[ابن بشيّر]

صحت الالسن والقلوب


ومتابعين

[فهد الشهيب الثبيتي]

ارحب ارحب ياسعد

متابعتك شرف ونوماس

[فهد الشيباني]

//




يقولون بين الناس منهي ومامور = عتيبه عطتهم ليش ما قدروها

صحيح الوعول الشقر ما تخشر الثور = بدايه عطوها والنهايه جفوها

[فهد الشهيب الثبيتي]

هلا هلا ابن سرحان

صح بدنك وشرفتنا بحضورك

[فهد الشهيب الثبيتي]

صح بدنك ياابن بشير وشرفتنا

[فهد الشيباني]

اررحب ياسعد لاعدمنا متابعتك وحضوورك لاهنت

[فهد الشيباني]

صح بدنك ياابن سرحان ولاهنت على الحضور .

[فهد الشيباني]

ابن بشير صح بدنك ولاهنت على الحضور

[فهد الشهيب الثبيتي]

طبوع الذياب الشهب ماتاكل السور=وحتى لو ان اهل البلد روضوها
وقرن الوضيحي ياابيض الوجه مكسور=وباق الرعيه فالخلا جفلوها

[فهد الشيباني]

//




غريبه نشوف العظم مثني ومكسور = اجل لو حمينا ثلثها ما حموها

تزهلت وان شفنا حمامه وعصفور = وانا شفت صقر الجو معها وجوها

[فهد الشهيب الثبيتي]

ياليتك تركب لام نيشان ناظور=لاجل ترمي اللي يالعتيبي رموها
وجو السما مليان عقبان وصقور=هل الجهل شالوها سوا واشتووها

[عبد الكريم العازمي]

الله الله


متابعين

[فهد الشهيب الثبيتي]

حياك الله ياعبدالكريم

[فهد الشيباني]

صح السانك واشكرك على تلبية الدعوه وتشرفت باللعب معك الختام عندك



//



ترى باب قصر الحكم محضور محضور = قياده جديده من زمن رسموها

انا اقول ياابن الناس روح ومعذور = وظيفتك من كثر الطلب جمدوها

[فهد الشيباني]

ارررحب ياعبد الكريم تسعدنا متابعتك :)

[فهد الشهيب الثبيتي]

صح بدنك ولسانك والله يحييك


ياليتك تعلم من رمى الباب والسور=وشرهة بني مشيب لمن ورطوها
انا ماعلي خلاف والبيت معمور=وفالح فويز قصته سجلوها

[فهد الشيباني]

انا مالقيت الا تهامي ومسرور = على دقة الطبل احفرو ثم لقوها

[راعي الشوشلية]

صح السنـتكم ياشعـار

&

تقبلو مروري

[خالد الثبيتي]

هههههه

صحت الالسن و الله يعطيكم العافية

طاروق كااااايف

[الجـذع]

مـاشـاءالله شـعــرك فـالـدواويـن مـنـثـور
بـيـوتـك جـمـيـع اهـــل المـعـرفـة قـروهــا



الله الله يالشهييييييب

صح لسانك

وصح لسان الشيباني

[خلف المطيري]

صحت الالسن والقلوب جميع

مبدعين

والله يافهد وجودك راح يسبب احراجات كثيره لاهل الاوسمه هههههههه >> دابلين كبدي

[فهد الشيباني]

راع الشولشيه / خالد الثبيتي


صحت ابدانكم ولاهنتم على الحضووور :)

[فهد الشيباني]

الجذع .....


صح بدنك ولاهنت على الحضووور

[فهد الشيباني]

صحت الالسن والقلوب جميع

مبدعين

والله يافهد وجودك راح يسبب احراجات كثيره لاهل الاوسمه هههههههه >> دابلين كبدي


صح بدنك ياخلف ....


والله ياابو عبد الله انت دابلين تسبدك وتحامي عنهم >>> عليهم والله اكبر ....:)


لاعدمنا حضوورك يالمطيري .