ليا منا بطشنا نضرب الرجال بالرجال

[ابراهيم الجـــــذع]

السلام عليكم ورحمة الله وبركاته




مساكم الله بالخير جميعاً

موجه لضيوف المنتدى




هلا يا مرحبا ترحيبةٍ من طيبها تختال=سوات العطفه اللي تذبح أهل الطيب نخوتها

ليا منا بطشنا نضرب الرجال بالرجال=وهذي عادة عتيبه بهيبتها وسطوتها

[خلف المطيري]

كفو كفو

وصح السانك

وننتظر احد شعراء القبايل

شعّار الكويت مالهم الطواريق الارهابيه اهل حداق وسمك

والصف صفك يابونايف

[ابراهيم الجـــــذع]

هههههههههه

هلا وغلا أبو عبدالله

ما عليك زود

راعي الحداق هو اللي يجيب اللؤلؤ

صح بدنك يا الغالي

والصف يزهابك طال عمرك

شرفني مرورك

[ماجد السميري]

هـلا يـا مرحبـا ترحيبـةٍ مــن طيبـهـا تخـتـال
سوات العطفه اللي تذبح أهل الطيب نخوتها



ياسلام ياسلام

انت مفروض مكانك في المغتره يابونايف

صح لسااااااااانك

وصح لساااااااان ضيفنا العزيز

[متعب المقاطي العتيبي]

صح لسانك ملياراااااااات

متابعين

[ابراهيم الجـــــذع]

هلا وغلا أخوي ماجد

ما عليك زود يا الغالي

صح بدنك

اشكرك على الإطراء

شرفني مرورك

[ابراهيم الجـــــذع]

هلا وغلا أخوي متعب

صح بدنك يا الغالي

يشرفني مرورك ومتابعتك

[خلف المطيري]

ابراهيم يامال الشحم ورا ماسميت قبيلك

كذا ماراح احد يرد

المفروض اتسميه

عشان اقضب الصف عدل

[ابراهيم الجـــــذع]

والله ما لبست النظاره هههههههه

لكن من يرا في نفسه الكفاءه فاليتقدم

ههههههه

[سلطان الجـذع]

...

ياسلام ياسلام يابو نايف ... صح لسانكـ مليون ...

وننتظر الطرف المقابل

[ابراهيم الجـــــذع]

هلا وغلا أبو عبدالله

صح بدنك يا الغالي

شرفني مرورك

[عبد الرزاق بن سعود النفيعي]

صح لسانك يابراهيم مبدا في قمة الروعة

[ابراهيم الجـــــذع]

هلا وغلا أخوي عبدالرزاق

صح بدنك والروعه مرورك يا الغالي

اشكرك على الإطراء

شرفني مرورك

[أخو جوزا]

ذكرتنا بييت خلف بن هذال

اللى شفنا البطوش المباطشى يبطش بطشنابه



صح لسانك يابوخليل

[ابراهيم الجـــــذع]

هلا وغلا أخو جوزا

صح بدنك يا الغالي

أبو هذال محد جاي مثله

الله يطول عمره على الطاعه

شرفني مرورك

[علي الشهراني]

مساء الخير

اشوف ما حد رد عليك يا ابراهيم

لكن استلم



يدوم الك البقا يا الشاعر اللي تضرب الامثال=ترا اهل الطيب بأهل الطيب دام الطيب هقوتها
ترا عادة عتيبه للضيوف تثنّي الفنجال=كلام نشرحه لعتيبه الهيلا و قدوتها

[نواف المري]

ياسلام ياسلام

وجبت المتابعه


الجذع /الشهراني


صحت السنتكم وخلوها على موال (ولعوها نار والنار من شبابها)

وبس:)

[ماجد السميري]

ترا عادة عتيبه للضيـوف تثنّـي الفنجـال
كـلام نشرحـه لعتيبـه الهيـلا و قدوتهـا


ياسلام عليك يابومحمد

رد في غاية الروعه

صح لسااااااانك ولاهان ابونايف

[علي الشهراني]

يا مرحبا بالجميع


من اول اسم الى اخر اسم


و الله يحييكم

[علي الثبيتي]

طيب طيب

هنا الابداع هنا الجزاله مع ابراهيم الجذع وعلى الشهراني

صحت السنتكم

[ابراهيم الجـــــذع]

أنا اقول الحمل الجايره تبغا ظهور أجمال=ليا جتها الجمال الهينه تنهار قوتها

اظن الكم ثلاث اسنين والطرقي ثلاث اليال=يا أبن شهران لا حصلت فرصه لا تفوتها

[ابراهيم الجـــــذع]

هلا وغلا أخوي نواف

صح بدنك يا الغالي

يشرفنا مرورك ومتابعتك

[ابراهيم الجـــــذع]

هلا وغلا أبو فهد

صح بدنك

أنتم أهل الأبداع يا الغالي

اشكرك على الإطراء

شرفني مرورك

[ماجد السميري]

اظن الكم ثلاث اسنين والطرقي ثلاث اليال
يا أبن شهران لا حصلت فرصه لا تفوتهـا



نعم نعم هذا الكلام اللي يصحي من النوم

صح لسااااااانك مليوووون يابونايف ولايهون الشهراني

[علي الشهراني]

و انا اقول الجمال العفْر شرهتها على الجمّال=لزومٍ انّه يحاسب خطوته قدّام خطوتها
نصيحه لا تغرّك سكبة الالوان و الاشكال=ترا من يحيي نفوس البشر يقدر يموّتها

[برررق الحيا]

فكك الله مني يابونايف ولو كنت موجود كان رديت خخخخخخخخخخخخ


صح السانك يابونايف على الطلب والمبدأ الجزل بجزالة معانيك وطواريقك وأخلاقك

وصح السان على الشهراني على هالرد الوافي والكايف والمهذب واللي يرفض المصامخ من أولها


طارووووق أربعائي سهاري جزل بجزالة طرفيه

متابعييييييييييييييين وبين الصفوف مستمتعين

والصف صف على الشهراني دام في صفك خلف الغريم الأول


صحت الألسن والقلوب أحباب

[علي الشهراني]

ابو فهد و ابو بندر


الله يحييكم و مرحبا بكم


و مروووركم من نوع اخر

[علي الشهراني]

يكفيك اسمك يا برق الحيا



كلن يفرح لا شافه



ارحب و الصف و راعيه يزهابك

[ابراهيم الجـــــذع]

والا يا صاحبي مخبور ما هي علم قيل وقال=ولا سويت ربع اللي هل الوقفات سوتها

ترا حنا نجومٍ فالسما من فعلها تهتال=على روس الجبال ان حولت فالأرض ساوتها

[ابراهيم الجـــــذع]

هلا وغلا بررق الحيا

صح بدنك يا الغالي

اشكرك على الإطراء

والحضور المميز

شرفني مرورك

[فايز بن سرحان الثبيتي]

طيب طيب "



صحت السنتكم متابعين للمحراف "

[علي الشهراني]

بلاد العيص لازالت تعاني هزّة الزلزال=و أهلها يا الجذع مدري من اللي صكّ ضموتها
تمدّح و المدايح للصمايل ما تساوي ريال=لكن احذر على نفسك من الطفره و سلوتها

[غالب الذيابي]

.
.
.



صحت السنت الشاعرين ، طاروق ممتع.
.
.
.
.

[سلطان فهد المطيري]

صحت السنتكم

ابداع بمعنى الكلمة

[علي الشهراني]

ابن سرحان الثبيتي و غالب الذيابي



حياكم الله و مشكووووورين على مرووووووووووركم

[علي الشهراني]

عون الرفيق


حياك الله و مرحبابك

[ابن صبحي الشاطري]

صحة السنتكم ولا هنتو

[ابراهيم الجـــــذع]

ترا بعض العرب صاحي وهرجه يقنعك فالحال=وبعض الناس تتبعها المجنه لين غوتها

أنا اقول الحقيقه والحقيقه ما عليها اجدال=ولا أنت متابع الكوره ولاعبها يشوتها

[ابراهيم الجـــــذع]

صحت ابدانكم جميعاً

شرفنا مروركم

[علي الشهراني]

اذا تبغى الحقايق فالحقايق يا الصحيب اجبال=براكينٍ تعاطى لكن الله سد فوّتها
تحاول ما تحاول ترجع الحيله على المحتال=ترا كل العلب عند المعلّب قيس عبوتها

[ابراهيم الجـــــذع]

ترا ما كل عقده يا عميلي جالها حلال=وعندك بير مطويه واظن القوم طوتها

أنا أخبرك قمر لكن تال الوقت رحت اهلال=وأنا أحسبك فارس قوم في قومك وفتوتها

[برررق الحيا]

لازال الابداع يسيطر على هذا المتصفح بقوة نقض وفتل شعاره وجزالة معانيه

ولازلنا نتابع مستمتعين ومستفيدين وبين الصفوف ظاهرين

الليلة سهاري والبل مالها لازم ياخلف بكرا خخخخخخخخخخخ

صح السانك ابراهيم وصح السانك على الشهراني

امتاع وابداع

[علي الشهراني]

كذا و الّا كذا ما فيه مخراجٍ بلا مدخال=عسى حفرتك تلقى من يجي و يسدّ هوّتها
ليا منّك فضيت و رقت فابحث سيرة الابطال=لجل تعرف من اللي موتها بأسباب هفوتها

[ابراهيم الجـــــذع]

ليا حطيت معدالك فنا حطيت الك معدال=واوريك المصايب كيف بعض الناس ضوتها

وهذا فعلنا بالسيف من وقتٍ مضى ما زال=ومن غير القلايع ناخذ امن القوم نقوتها

[علي الشهراني]

ترا ربعك غنيّه عن كلامك يا خفيف الجال=و مكه خابرينٍ وش صفاها قبل مروتها
تحطّون الجلال ادقاق و احط الدقاق اجلال=مقاطيع الجبال اليا لفتها العطْش روّتها

[ابراهيم الجـــــذع]

بعد شفت الحقايق ضاق صدرك يا وسيع البال=وحنا ما يضيق صدرنا اللجنه وندوتها

والا ياللي تعبدون الصنم واصل الصنم تمثال=ترا الأصنام في دارك يا أبن شهران حروتها

[علي الشهراني]

اذا هاذي تسمّيها حقايق يا سهيل اقبال=اقول الله يخلف للقبيله راس عزوتها
عبدنا الله على يسر و عسر في مختلف الاحوال=يوم انّك في حما الكعبه تحاول شقّ فروتها

[ابراهيم الجـــــذع]

نبا نعطيك لين تضيع الوزنه من المكيال=وتسري بالجراكن بعد ما ضيعت غطوتها

ترا حنا خلقنا نعدل اللي عن طريقه مال=خوال اللي بعث لناس قدوتها واسوتها

[علي الشهراني]

ابيض وجه يا بو خليل


اشكرك و الى لقاء قريب


دمت في رعاية الله



ختام السالفه بر و بحر يا راعي الجوّال=عسى ربي يعافينا من العالم و بلوتها
صلاة الله على محمد نبيي و الخوال اخوال=عتيبه مركز الامجاد و الامجاد بروتها

[ابراهيم الجـــــذع]

و وجهك أبيض أخوي علي

صح السانك ما قصرت يا الغالي

تشرفت واستمتعت باللعب معاك

[براك المهيدلي]

محاوره جزله وشعار ابطال


لاهنت يالجذع ولا هان الشهراني


صح ألسنتكم


تحياتي

[ابو فايح]

هـلا يـا مرحبـا ترحيبـةٍ مــن طيبـهـا تخـتـال***سوات العطفه اللي تذبح أهل الطيب نخوتها


الله الله الله


بيت رائع لم أسمع مثل تركيبه من قبل



صح لسانك وعلا شانك يا ابراهيم


تمنيت أنك لم تنهي المحاوره الا بعد الرد على اخر بيت للمبدع علي ولكن الجايات أكثر



علي الشهراني سفير شهران صح لسانك مبدع وحضورك مكسب ونوماس

[ابراهيم الجـــــذع]

هلا وغلا أخوي براك

صح بدنك يا الغالي

اشكرك على الإطراء يا الغالي

شرفني مرورك

[ابراهيم الجـــــذع]

هلا وغلا أخوي أبو فايح

صح بدنك يا الغالي

معاد قصرنا المحاوره طويله

اشكرك على الإطراء والتواصل

شرفني مرورك

[محمد شبيب السبيعي]

صحت الالسن والقلووووووب شعراء متميزين بيض الله وجيهكم

[معجب العتيبي]

ابراهيم الجـــــذع

هلا يا مرحبا ترحيبةٍ من طيبها تختال=سوات العطفه اللي تذبح أهل الطيب نخوتها

ليا منا بطشنا نضرب الرجال بالرجال=وهذي عادة عتيبه بهيبتها وسطوتها



علي الشهراني

يدوم الك البقا يا الشاعر اللي تضرب الامثال=ترا اهل الطيب بأهل الطيب دام الطيب هقوتها
ترا عادة عتيبه للضيوف تثنّي الفنجال=كلام نشرحه لعتيبه الهيلا و قدوتها



ابراهيم الجـــــذع

أنا اقول الحمول الجايره تبغا ظهور أجمال=ليا جتها الجمال الهينه تنهار قوتها

اظن الكم ثلاث اسنين والطرقي ثلاث اليال=يا أبن شهران لا حصلت فرصه لا تفوتها



علي الشهراني

و انا اقول الجمال العفْر شرهتها على الجمّال=لزومٍ انّه يحاسب خطوته قدّام خطوتها
نصيحه لا تغرّك سكبة الالوان و الاشكال=ترا من يحيي نفوس البشر يقدر يموّتها



ابراهيم الجـــــذع

والا يا صاحبي مخبور ما هي علم قيل وقال=ولا سويت ربع اللي هل الوقفات سوتها

ترا حنا نجومٍ فالسما من فعلها تهتال=على روس الجبال ان حولت فالأرض ساوتها


علي الشهراني

بلاد العيص لازالت تعاني هزّة الزلزال=و أهلها يا الجذع مدري من اللي صكّ ضموتها
تمدّح و المدايح للصمايل ما تساوي ريال=لكن احذر على نفسك من الطفره و سلوتها



ابراهيم الجـــــذع

ترا بعض العرب صاحي وهرجه يقنعك فالحال=وبعض الناس تتبعها المجنه لين غوتها

أنا اقول الحقيقه والحقيقه ما عليها اجدال=ولا أنت متابع الكوره ولاعبها يشوتها



علي الشهراني

اذا تبغى الحقايق فالحقايق يا الصحيب اجبال=براكينٍ تعاطى لكن الله سد فوّتها
تحاول ما تحاول ترجع الحيله على المحتال=ترا كل العلب عند المعلّب قيس عبوتها



ابراهيم الجـــــذع

ترا ما كل عقده يا عميلي جالها حلال=وعندك بير مطويه واظن القوم طوتها

أنا أخبرك القمر لكن تال الوقت رحت اهلال=وأنا حسبك فارس قوم في قومك وفتوتها[



علي الشهراني

كذا و الّا كذا ما فيه مخراجٍ بلا مدخال=عسى حفرتك تلقى من يجي و يسدّ هوّتها
ليا منّك فضيت و رقت فابحث سيرة الابطال=لجل تعرف من اللي موتها بأسباب هفوتها



ابراهيم الجـــــذع

ليا حطيت معدالك فنا حطيت الك معدال=واوريك المصايب كيف بعض الناس ضوتها

وهذا فعلنا بالسيف من وقتٍ مضى ما زال=ومن غير القلايع ناخذ امن القوم نقوتها



علي الشهراني

ترا ربعك غنيّه عن كلامك يا خفيف الجال=و مكه خابرينٍ وش صفاها قبل مروتها
تحطّون الجلال ادقاق و احط الدقاق اجلال=مقاطيع الجبال اليا لفتها العطْش روّتها



ابراهيم الجـــــذع

بعد شفت الحقايق ضاق صدرك يا وسيع البال=وحنا ما يضيق صدرنا اللجنه وندوتها

والا ياللي تعبدون الصنم واصل الصنم تمثال=ترا الأصنام في دارك يا أبن شهران حروتها



علي الشهراني

اذا هاذي تسمّيها حقايق يا سهيل اقبال=اقول الله يخلف للقبيله راس عزوتها
عبدنا الله على يسر و عسر في مختلف الاحوال=يوم انّك في حما الكعبه تحاول شقّ فروتها



ابراهيم الجـــــذع

نبا نعطيك لين تضيع الوزنه من المكيال=وتسري بالجراكن بعد ما ضيعت غطوتها

ترا حنا خلقنا نعدل اللي عن طريقه مال=خوال اللي بعث لناس قدوتها واسوتها



علي الشهراني

ختام السالفه بر و بحر يا راعي الجوّال=عسى ربي يعافينا من العالم و بلوتها
صلاة الله على محمد نبيي و الخوال اخوال=عتيبه مركز الامجاد و الامجاد بروتها

[معجب العتيبي]

علي وابراهيم


وطاروق ممتع


صحة الالسن


وبعض الناس يبيله يفتح عينه قبل يكتب ههههههه

[ابراهيم الجـــــذع]

هلا وغلا أخوي محمد

صح بدنك يا الغالي

اشكرك على الإطراء

شرفني مرورك

[ابراهيم الجـــــذع]

هلا وغلا أبو سلطان

صح بدنك يا الغالي

وبيض الله وجهك يوم تبيض وجوه وتسود وجوه

على التنسيق

لا تلومني استعجل أحياناً هههههههه

شرفني مرورك

[ابن بشيّر]

بيض الله وجيهكم يالجذع ويالشهراني


ابداع ابداع ابداع بمعنى الكلمة


وصحت السنتكم جميعا

[راعي الشوشلية]

صح السنـتكم ياشعـار

&

تقبلو مروري