مدام كلن قام يطلب وسام (( خلوني ألعب ))اقرب شاعر

[ناهض الشيباني]

السلام عليكم ورحمة الله وبركاته

:) :)

الطارف حيَاه الله والمعَرف طلبت تغييره إلى الاسم الصريح بس ما تغيَر للحين



سلام رديَة وفا تحمل كنوز المعرفة= ولا اقول انا شاعر كبير وفارقة عقليَتي
الله يعين اهل اليدين القابضة والمسرفة= والله يجيبك يا الوسام اللي نسا عضويَتي

[ناصرابن نقاريس الهاجري]

][`~*¤!||!¤*~`][مساء الخير

لك ولجميع الاعضاء والمشرفين ][`~*¤!||!¤*~`][



يا مرحبا ياللي نقلت امن الذهب للمصرفه=ان حللو شخصيتك ما حللو شخصيتي
يا غارس الفسّيل باول وقت جالك تخرفه=وابشرك كثر العطا ما نقّصت ماليتي

[ناهض الشيباني]

الله الله

استلم

:)


دام البقا يالهاجري لكنَ خل العجرفه = واحذر تغرَك فيَتك وتقول هاذي فيَتي
انته بعيرٍ مير حمله لا مشا حك اطرفه = أستغفر الله مايجوز الضرب : ( ضرب الميتي )

[ناصرابن نقاريس الهاجري]

يوم انت شيباني ترا كثر المشارف مشرفه=وانا على اول ما اتقدم ما تغير نيتي
ان كان جلدك جلد حيه دمع عينك تذرفه=اليا عطيناك الوصيه لا تضيع اوصيتي

[@ـايل]

ياسلاااااااااااام

صح لسانك يابن مشيب وصح لسان الهاجري

ابدااااع واصلو ونحن نتابع

..

..

[مرزوق حمدان العتيبي]

..

.
صح لسان ناهض وناصر
شعراء جدد ننتظر منكم الابداع

واصلوا

[ناهض الشيباني]

البحر الاحمر لا تحاول تنقصه بالمغرفه = الوضع هذا يا ولد يثَر على نفسيَتي
يابو وصيَة ماقريت امن السطر غير احرفه = ياليتني ما ارسلتلك يالادمي برقيَتي

[ناهض الشيباني]

المحترم :هايل

ياهلا والله ويامرحبااااا

شرفتناااا بحضورك




الاستاذ :مرزوق


مرورك تشريف يالجزل


الله لايهينك

[ناصرابن نقاريس الهاجري]

انا قريت الخط يوم السيل كلش يجرفه=ياللي جهلت اليوم روحاتي وتجهل جيتي
الله واكبر منك يا ناهض زميلك تزرفه=اتصد من حسنات كفي طامعٍ في سيتي

[ناصرابن نقاريس الهاجري]

المشرف هايل والمشرف مرزوق


الابداع يكمن في مروركم ومتابعتكم

[ناهض الشيباني]

ما كنت احسب ان الزمن مثلك كذيَا يكرفه = ابك اثر قلبك ما سلا غنيَتها مرثيتي

مدري من الاوباش ولا من جمال المترفة = حذفت للراس الكبيرة ياعرب طاقيَتي

:) :) :)

[مرزوق حمدان العتيبي]

..
.
الله الله الوان من الابداع
واصلوا واصلوا

[ناصرابن نقاريس الهاجري]

صح الله السانك



انا فصل عندي النت وانا بالدوام الحين وبيننا لقاء انشا الله

[فايز بن سرحان الثبيتي]

صحت الالسن "


متابعين للابداع "