(( دوروا لي عضياني من أهل المحاني ))

[براك المهيدلي]

السلام عليكم




ياسلامي عليكم يا رجال المعاني=كلنا بالسلام اخوان و ابنا عمومه
دوّروا لي عضيّاني من أهل المحاني=ودّي أهرج معه و آخذ حمايض علومه

[متعب المقاطي العتيبي]

وعليكم السلام

وصح لسانك وفي انتضار قبيلك

[محمد النخيش]

الله الله

يابراك

صح لسانك

وفي انتظار عضيان المحاني


متابع لكم

[فهد الشيباني]

صح السانك يابراك وبنتظار العضياني وصح السانه

[حسن إبراهيم الدجيماء]

أرحب يابرّاك
..


مرحبا في حلال مكرّمين العواني = سلمنا .. والعتيبي مايخلي سلومه
جاك من روسهم رجال ماهوب داني = جزل لاقابل الجزلين ولسان قومه

[براك المهيدلي]

بعد ما شع نورك يا سهيل اليماني=غازل الجدي في ليل ٍ تضاحك نجومه
يا حسن ويش علمن عنكم اليوم جاني=مادري وش وراه ومادري وش لزومه؟

[براك المهيدلي]

متعب المقاطي
محمد بن غازي النخيش
فهد الشيباني

صحت ابدانكم و الله يحييكم

متابعتكم نوماس


..

[سـعـد الـعـصـيـمـي]

طيب طيب
طاروق مميز من بدايتة
صحت الألسن
متاااااابع

[براك المهيدلي]

طبت و صح بدنك ياسعد

التميز في تواجدك

لاهنت

[ماجد السميري]

طيب طيب

براك والدجيماء

صحت السنكم وبيض الله وجيهكم

جزاله تستحق الاشاده

[حسن إبراهيم الدجيماء]

آسف .. فترة عشاء ياذيبان
..


الجدي مايغازَل ياعريب المجاني = مار عدّل وبدّل لين تلقى هدومه
كل ماجاك من فكري ومنطق لساني = ناتج اعن المخفّى فالمعاليق كومه

[براك المهيدلي]

إعتبرها على ماقيل كبوة حصاني=لاتصير اقشر ٍ من مر قدمك تهومه
جيتك بعلم و انته جبت لي علم ثاني=من دلالات خوف الرجل سرعة هجومه

[براك المهيدلي]

ماجد السميري


اشاده نعتز بها ...


صح بدنك ووجهك ابيض

[حسن إبراهيم الدجيماء]

إسر يابراكـ
..


نعتبرها عشر لكن صارت ثماني = مار ابنصحك لاجيت الغلا لاتسومه !!
السوالف كثيرة فسّروا فالبياني = علمًا إن النتايج يالرفيق محسومه !!

[حسن إبراهيم الدجيماء]

نداوي . محمد النخيش . فهد الشيباني . سعد العصيمي . ماجد السميري
..
صحت ابدانكم . شاكر مروركم وإشادتكم . لاعدمناكم
..
إحترامي !!

[سلطان طلحة]

صحت السنتكم

محاورة حامية

لاهنتوا

[براك المهيدلي]

سم ياحسن



أمر ربي وقع ما بين مجني و جاني=هكذا ما يموت الآدمي قبل يومه
قالو انه ظهر فيكم نبي هالزماني=والله العالم بصحة صلاته و صومه!

[براك المهيدلي]

سلطان طلحه


صح بدنك ولاهنت

[حسن إبراهيم الدجيماء]

سم الله عدوّك
.



من يجيب العلوم اللي بليّا معاني = يبلش فغبّة الحنجور حزّة يعومه
نعرفه رجل صالح واله رفعه وشاني = أعرفه زين نفسه دين ماهي ظلومه

[براك المهيدلي]

مانجيب العلوم الا عليها ضماني=مير مدري توافق معه والا تلومه
كيف ينزل عليك الوحي يا مودماني=والكرامات من عهد الرسول مختومه

[حسن إبراهيم الدجيماء]

طيب طيب
.


كان بشرتني وانصاك ازف التهاني = بعد خليت درب النمك .. يالله تدومه !!
الكرامه لكل الخلق وانشد خواني = والنبوّه تقيّد للنبي من قدومه !!

[براك المهيدلي]

حسن ابراهيم الدجيماء


صح لسانك و لاهنت على تلبية الدعوه


شكراً لك على ما اكرمتني به من فائده بمجاراتك!


تحيتي لك و لكل من تابع

[برررق الحيا]

صح السانك يالشيوخي الحمدلله على السلامة أبك وين الناس ؟؟؟

من طول الغيبات جاب الغنايم ؟؟ وعزالله إن هالمتصفح براعيه ومقابله غنيمة


صح السانك يالشيوخي وصح السان مقابلك حسن الدجيما ولاهنتو على الجزالة والطاروووق

صحت الألسن والقلوب أحباب

[براك المهيدلي]

برق الحيا


قريب عساك تحيا وابشر بالغنايم :)


صح بدنك و لاعدمتك تواجدك


سلمت يالغالي


تحيتي