على خيرة الله .. الطارف الصريح !!

[حسن إبراهيم الدجيماء]

السلام عليكم
..


على خيرة الله عقب مادارت الأيام = نبا نشعل الطاروق ونجدد الماضي
لياكثروا الحكام تتكثر الأحكام = ولوّ أكثر الأحكام ماترضي القاضي

[ماجد العصيمي]

وعليكم السلام


من طول الغيبات جاب الغنايم يالدجيما




على خيرة الله يالدجيما الوعد قدام=تهرج عسى فالامر خيره يابن عاضي
ولو كثرو الحكام معروفن الضرغام=وينصاه منهو واثق بحكمه وراضي

[حسن إبراهيم الدجيماء]

حياك الله يابن عاصم
..


غدت سطوة الريجيل من قبل 5 أعوام = هروج ومهايط وأكثر الهرج فالفاضي
خلق ربي الأنعام واجتثّت الأنعام = ولا ألوم بعض الناس لامات مغتاضي

[ماجد العصيمي]

غدت ماغدت ولكل خشمن قطوع عرام=مادام الحرار تحوم وحبارن ارباضي
ترى اكثر عباد الله تغويبها الاحلام=ينام بقفر والبا صحى داخل رياضي

[حسن إبراهيم الدجيماء]

عراق الفخر يبكي رحيل البطل صدام = وحنّا !!! .. بلاشي قبل تنكبني ألفاظي
سقا الله وقتٍ فات ثوب الخليجي خام = مع اوقات مايلبس بها غير الأمراضي

[ماجد العصيمي]

وحنا بخير وعز بقيادة الامام=وكفولها لاصار حربن ومركاضي
والا ياحسن تفكيرك يجر للاوهام=ترانا بربيع ان كنت عايشلك بقاضي

[حسن إبراهيم الدجيماء]

على قولتك مليون من رمز الإستفهام ؟؟؟ = غريبة .. من اللي داخله عرق نضّاضي
مادامي فظلّ مشرّع الحكم والإسلام = فلا همني من في ربيع العنا خاضي

[ماجد العصيمي]

ترى اللي معرض قلبه لسومة السوام=يعيش الزمن في جور والوقت عضاضي
لكنك تنطع ودك تنكس الاعلام=وهذي كبيره وانت حجمك حجم باضي

[حسن إبراهيم الدجيماء]

بيض الله وجهك .. وصح لسانك
..
الختام في يدك

..



علي الحرام اني حشيم وسليل حشام = كتمت المشاعر لين لوع الحشا فاضي
عسا الله يديم الأمن ويصحّي النيّام = قبل صبّ مزنة شرّ برّاقها ناضي

[ماجد العصيمي]

وجهك ابيض وصح بدنك



ماقصرت ومابعد ردك رد

[ماجد السميري]

لياكثروا الحكام تتكثـر الأحكـام
ولوّ أكثر الأحكام ماترضي القاضي


الدجيماء
ياسلام فتل للمعنى رائع جدا
صح لسااااااااانك وبيض الله وجهك





ولو كثرو الحكام معروفن الضرغـام
وينصاه منهو واثق بحكمه وراضـي


ماجد
نقض في غاية الروعه
صح لساااانك وبيض الله وجهك

[ماجد العصيمي]

والاروع تشريفك يالسمي

[فهد الشيباني]

ياسلام


صحت الالسن ياشعاار ولاهنتم :)

[فهد الشهيب الثبيتي]

الله الله الله

طاروق من اروع مايكون

صحت السنتكم وبيض الله وجيهكم

[ماجد العصيمي]

فهد وفهد


صحت ابدانكم جميع


والاروع مروركم

[حسن إبراهيم الدجيماء]

ماجد السميري
..
صح بدنك وبيض الله وجهك

,,

فهد الشيباني
..
صح بدنك ومشكور ع المرور

,,

فهد الشهيب
..
الرائع مرورك .. لاهنت ياذيبان

..
إحترامي !!

[ابراهيم الجـــــذع]

صح السانك يا الدجيما

وصح السان ماجد

بغيت اقتبس كم بيت

فوجتها كلها جميله

يعطيكم العافيه على الطاروق والمعنا الرائع

[ماجد العصيمي]

شهاده نعتز فيها يالجذع لاهنت على المرور

[ابن المحايا]

صح لسانك يالدجيماء


وصح لسانك يالعصيمي



طاروق كايف وشرس كالعادة بين شعراء كبار



تحياتي

[ماجد العصيمي]

صح بدنك يابن المحايا



لاهنت على تشريفك

[قنوع النفس]

الله اكبر نعم طاروق كان مولع وحسافة انه فاتني

شعراء عمالقة استمرا الى الامام

[ابوزبن]

ماقصرتو شعارنا كلكم مبدعين وبيض الله وجيهكم