هم مقدم العضيان اهل عمهــوج عالين المقام.. ولانيب كاذب لو اقول شيوخ مزحم كلها..

[الموسوعه]

هذه القصيدة قالها الشاعر / سويلم بن معيض الكرشمي بمناسبة عفو الشيخ / صالح بن سفر التويس السحيل العضياني عن قاتل ابنه لوجه الله تعالى مادحاً الشيخ صالح ومن سعى في العفو من أمراء مزحم (الضيطه) وقبيلة العضيان وأعيانهم ، وقد ألقاها في حفل الشيخ / سلطان بن مناور البهيجي الذي أقامه تكريماً لصالح والأمراء ، والتي حصل بموجبها على ناقة بكر عفراء من الشيخ / تركي بن بجاد الضيط . وهي من اجود ابله

القصيدة :





سلام ياللي حل مشكلـــة القبيلــــة بالســــلام=الله يعــين اللــي سعــى بالصلـــح واللي حلها

عسى جزاه بجــــنة الفردوس مــن رب الأنـــــام=في ساعة يجمــع بهــا الله الخــلايق كلــــها

يا صالح الله يصلح امرك في البداية والختام=حليت مشكله يا بو مسفر صعب حلـــــــــها

أطفيت نار الفتنة اللي ولعت مـن قـــبل عـــــام=أجر وصِلت رحمٍ كثير الناس ما يفطن لها

الامر صعب وهونه ربٍ حمــى البيـــت الحـرام=للي يدل الناس للطاعـــة ونــاس يضلــــــــها

ولمن بدى في صلحهم منـــي جـــزيل الاحــــترام=روس الرجال اللي يضلل في المواقف ضلـها

وردو على هداج تيما مروي الضمي الحيــــــام=قالــوا قضيتنا بيـــد صالح وعنــــده حلـــها

قاموا بماجوب القبيلة حـــي والله من مقــــــــام=وهوه تنازل ما حســـب دق الامــــور وجلـــــها

ما قال أبي فيها عوض من عند غير الله حرام=الطَيِّبـــة كسبٍ لبـو مسفـــر وهــو قــدٍ لـها

عفى عن المذنوب قبل الحــد فوقــــــه لا يقــــام=بِـدَو وجيــه الخير فـــيها والله اللـــي حلـــها

تركي بجاد وبدر وصنيتان والربع الحشــــام=واللـــي من أعيان القبيلة ساهمو في حلــها

هم مقدم العضيان أهــل عمهـوج عالــين المقــــــــام=ولا ني بكاذب لو اقول اشيوخ مزحم كلها

وش قال برغش بالسيوف اللي يقصن العظام=شهـــد بها يـــوم ان مـارق بالمعـــارك سلـــها

اللي يبيـــع الــروح بالوقفات بيــــعٍ مــا يســــــام=كم راس شيــــخٍ نزلــه عن مهرته واحتلها

أما بشلفن ضربها يفري الثنادي فـــري خـــام=والا بعمهـــــوج اللي لـــروس الطوال يذلــها

الا من جا عج الرمك في المعركة مثل العسام=افعالهم كبـــدٍ تداويـــها وكبـــــدٍ تعلـــــها

قبيلــة بين القبايــــل يستحقــــــــــــون الوســـــام=المعضـــلات تشيلـــها والكايـــدات تحلــها

من الصفات الطيبة حازو على مـــثل الســـنام=العرف فيها والشجاعة والكرم طبعٍ لـها

دخيلهم عده براس طويــق يكــرم مـا يهـــــان=مقدر ومحشوم واخصامـــه تمــوت بغلـــها

لجا نهارٍ فيه تدعى أهل الفعايــــل بالاســـــام=سواقــت العطفـه وعقــاد الحـــبال يحلــها

مخضبات حدب السيوف اللي يقصن العظام=اسيوفهم تعـرف بسامـيها وهـم كفوٍ لـها

تاريخهم واضح مثل نور القمر يجلي الظلام=اخـص فيــها الضيط واعــم القبيلة كلها

[ابن عمر العضياني]

جزاء الله الشيخ /صالح بن سفر السحيل خير الجزاء وجعله الله في موازين حسناته

وبيض الله وجيه اومرانا ومن سعى معهم



ســـــلام يـالــلــي حـــــل مـشـكــلــة الـقـبـيـلــة بــالــســلام=الله يـعـيــن الــلــي ســعــى بـالـصـلـح والــلـــي حـلــهــا
عـســى جـــزاه بـجـنـة الــفــردوس مــــن رب الأنــــام=فـــــي ســاعـــة يـجــمــع بـــهـــا الله الــخــلايــق كــلــهــا
يـا صالـح الله يصلـح امـرك فـي البـدايـة والخـتـام=حـلـيــت مـشـكـلـه يــــا بــــو مـسـفــر صــعــب حـلــهــا


وماقصرت ع النقل يالغالي

[خيال الجريبا]

صح لسـانه

ويستاهلون الضيطه شيوخ مزحم كل المدح والثناء

[علي فلاح العضياني]

عز الله قصيدة ما عليها كلام


و يستاهلون الشيوخ




صح لسانه

[محمد العتيبي]

يلقى جزاه عند رب العالمين ..




مشكورر يالغالي
..

[ابو قلبً عطيب]

جزاء الله الشيخ /صالح بن سفر السحيل خير الجزاء وجعلها في موازين حسناته

وبيض الله وجيه شيوخ قبيلة عتيبة ومن سعى معهم

وهذا مااعتدنا من شيوخنا عسى الله يطول باعمارهم

كل الشكر على الايراد يابطل