سلامي على أبووافي جزيل السلام .... من هجوس(ن) يرج الناس مشعابها

[ولد عوجان الجذع]

السلام عليكم ورحمة الله وبركاته
يا مرحبا أبو وافي
واستلم لا هنت

سلامي على بو وافي جزيل السلام
........... من هجوس(ن) يرج الناس مشعابها
إستمع للحكايا لا جا وقت الكلام
. .......... لا ِتحَسٌب لها دامني حسابها


بانتظارك
وشكرااااا

[ابو وافي]

هلا والله يا ولد عوجان لى الشرف



استلم عساك سالم
مرحبا ياولد عوجان ولك احترام
عد ما سالت الوديان وشعابها
ما نحسب لها الا في حلال وحرام
ابن خيمتك زين وجود اطنابها

[ولد عوجان الجذع]

الله الله
استلم
بعد فنجالها يزين معك الكلام
........... من تغدا بها ترا تعشا بها
ضارب أوتادها ومشددن الخيام
.......... أنت ند(ن) لها ولا من أصحابها

[ابو وافي]

الله الله


استلم

في نهار العزاوي في نهار الزحام
من له عزوة (ن) لا بد يتعزوابها

عزوتي ياعتابه يا صلاب العظام
يالجذع جود السكين بنصابها

[ولد عوجان الجذع]

الله الله
غردي يا حمامة مع اسراب الحمام
........... يجرف التيار دايم منهو ياطابها
فتنة(ن) داخلية توقظ اللي نيام
.............. العرب يا العتيبي تعرف أنسابها

[ولد عوجان الجذع]

الليل سرا يا ابو وافي

[ابو وافي]

استلم وسلم
قالو اعز حاجه فالجمال السنام
حتى لو كان فوقه ترفع ارقابها
الفتن ولعوها عيال الحرام
الله انه يلعن الفتنه ومن جابها

[ولد عوجان الجذع]

طيب طيب

كان تبغى الصراحه ما بقى لك مقام
.......... يا ملبسها اثيابن ماهي أثيابها
صف في صف الأرنب ولا صف النعام
............... لا تقرب من الحية لا بدا نابها

[ابو وافي]

عجيب عجيب

استلم

القمر ما يبان الا بوقت الظلام
وانا في صف ارجال(ن) تفتل اشنابها

ما عليه خلاف ومحتزم لي بحزام
اطى على الحيه واكسر انيابها

[ابو وافي]

يا ولد عوجان حدث الصفحه فيه تغيير



وعجل علانا

[ولد عوجان الجذع]

طيب طيب
القمر لا شاف الشمس ايصف احترام
............. كان ما تقدر الوقفة لا تحمابها
عايشة في وهم يا طيور الظلام
............ ما تسوي لو تسوي ما تسوابها

[ابو وافي]

شاب قافك يبن عوجان الظلام سرت



فرصه سعيده ونشوفك على خير والسموحه



استلم
يا ولدعوجان بكره ورانا دوام
ون سهرنا زياده يرفع اغيابها
مار تصبح على خير ابا روح انام
فرصة(ن) طيبه يالذيب نحضابها

[داهية عتيبة]

تسلمون يالربع

الله يبيض وجيهكم على العب الطيب

[ولد عوجان الجذع]

الله يبارك فيك يا داهية عتيبة
وشرفتنا بمرورك

[ولد عوجان الجذع]

ابو وافي ما قصرت وبيض الله
وجهك الحقيقة ما ينمل اللعب معك
وشكرااااااااااا