ابراهيم الجذع

[خلف المطيري]

الجهاز قفل علي الرسايل زنّقر مره

[ابراهيم الجـــــذع]

بيني وبينك يا المطيري علم من خمسة نجوم=ما يبلش أهل المعرفه يا مطير غير الواسطه

لو أن مالي من وراها يبو عبدالله لزوم=مير العرب ما جاتك من الهند والا صامطه

[ابراهيم الجـــــذع]

صح السانك على القصيده اللي فالتوقيع

بعد الصلاه اتفاهم معاك

[برررق الحيا]

الجذع وجبل صايد حي والله هالمتصفح

صح السانك يابراهيم وعز الله إنه الهجاد الرجال يشكي من زنقرة الرسايل وأنت تزنقرها براسه خخخخ

طاروووق لابراهيم متحرشا بخلف صح السانك يابونايف وصح السان ابوعبدالله مقدما وعساه يترك زنقرة الرسايل ويتفرغ لهالطاروووق اللي الله أعلم وش بين حناياه خخخخخ


صحت الألسن والقلوب متحابة ومتالفة

متابععععععععة من مفلا المجاهيم خخخخخخخخخخ

[ابراهيم الجـــــذع]

هلا وغلا أخوي بررق الحيا

صح بدنك يا الغالي

اشكرك على الإطراء

واشكرك على لطفك وتواصلك الدائم

شرفني مرورك

[خلف المطيري]

بيني وبينك يا المطيري علم من خمسة نجوم=ما يبلش أهل المعرفه يا مطير غير الواسطه

لو أن مالي من وراها يبو عبدالله لزوم=مير العرب ما جاتك من الهند والا صامطه

اسطه ياحبك للعسر ههههههههه

انشالله انك غير متواجد الليله من غير شر

[ابراهيم الجـــــذع]

ههههههههههههه

لا بالله متواجد

طيب غير إذا عرفت الموضوع

[خلف المطيري]

ههههههههههههه

لا بالله متواجد

طيب غير إذا عرفت الموضوع

سلعة ابراهيم نشريها لو كلفتنا

دقايق

[فهد الشيباني]

على القوه وصحت الالسن


متاابع .

[خلف المطيري]

بيني وبينك يا المطيري علم من خمسة نجوم=ما يبلش أهل المعرفه يا مطير غير الواسطه

لو أن مالي من وراها يبو عبدالله لزوم=مير العرب ما جاتك من الهند والا صامطه


حنا نعرف اللي يقوم ونعرف اللي مايقوم = والواسطه مهما علت لابد ترجع ساقطه

ان كان ودك يالعتيبي في جديدات الهدوم= لازم تحب اخشومهم وتصير ضمن الرابطه

[خلف المطيري]

فهد الشيباني

الله يقويك

وصح بدنك

[مخاوي الطير]

الليل .. الليل

صح السان الشاعر / ابراهيم الجذع
وصح السان الشاعر / خلف المطيري

متابع




//

[خلف المطيري]

الليل .. الليل

صح السان الشاعر / ابراهيم الجذع
وصح السان الشاعر / خلف المطيري

متابع




//

مخاوي الطير صح بدنك

[خلف المطيري]

برق الحيا

حيالله البدوي

وش حال الذود

صح بدنك

لاهنت

[ابراهيم الجـــــذع]

هذي تراها عالمٍ بين الموادع والقدوم=وأنا أدري أنك تعرف الجندي وتعرف ضابطه

اللي يقيمنا البيوت اللي مثل رمي السهوم=ما ينفع التقييم لا صارت بيوتك هابطه

[ابراهيم الجـــــذع]

فهد صح بدنك يا الغالي

شرفنا مرورك

[ماجد العصيمي]

متابع للشعار



حتى نهاية القاف

[ابراهيم الجـــــذع]

هلا وغلا مخاوي الطير

صح بدنك يا الغالي

يشرفنا حضورك ومتابعتك

[ابراهيم الجـــــذع]

هلا فيك اخوي ماجد

يشرفنا متابعتك يا الغالي

[سلطان بن ثعلي]

الله الله


ابراهيم الجذع وخلف المطيري


صحت الالسن ياشعار


واصلوووووا واصلووووووا وحنا متابعينكم


وبالتوفيق للجميع

[ابراهيم الجـــــذع]

هلا وغلا أخوي سلطان

صح بدنك يا الغالي

يشرفنا مرورك ومتابعتك

[ابراهيم الجـــــذع]

خلف أنا أدري أنك مشغول واشغلت زود

[خلف المطيري]

هذي تراها عالمٍ بين الموادع والقدوم=وأنا أدري أنك تعرف الجندي وتعرف ضابطه

اللي يقيمنا البيوت اللي مثل رمي السهوم=ما ينفع التقييم لا صارت بيوتك هابطه



حنا ماحنا ذود فالخده يحطون الوسوم = واللي عطاهم خدته والله ماني غابطه

لاتطري التقييم يابراهيم واتزيد الهموم = الساقطه تلقا لها من خلق ربك لاقطه

[سلطان الجـذع]

...

:)

الله الله

[فايز بن سرحان الثبيتي]

صحت السنتكم " والصف مايحتاج :)

[خلف المطيري]

...

:)

الله الله

يامرحبا يامرحبا

يالله حي ابوعبدالله

واشلونك عساك طيب

نورت الشاشات يابوعبدالله

باقيلي 3 اشهور واتخرج فالمحاوره واطلبك في قاف

ا

[خلف المطيري]

صح بدنك يابن سرحان

والصف يزهابك ههههههههههههه

[عزيّز العبدلي]

طيب طيب

لاهنتم على ماقدمتم والصف .. عارضي

[خلف المطيري]

طيب طيب

لاهنتم على ماقدمتم والصف .. عارضي

صح بدنك ياعزيز

قل الصف ثبيتي

العوارض امحيلين يم وادي حجر ههههههههه وذبحت شاة حلف ويا ثبيت

معهم في كل شي الا الدم :eek:

[ابراهيم الجـــــذع]

بعض العرب ما هو مميز فالدفاع وفالهجوم=واللي يشوف الوضع قال أن الدعاوي فارطه

ما هي بهمي والمجامل يلحق الرجال لوم=كم عالمٍ مريتها مثل المواتر صافطه

[خلف المطيري]

بعض العرب ما هو مميز فالدفاع وفالهجوم=واللي يشوف الوضع قال أن الدعاوي فارطه

ما هي بهمي والمجامل يلحق الرجال لوم=كم عالمٍ مريتها مثل المواتر صافطه

والله يابراهيم عجزت لا استطيع عيا يجي شي

كله من سلطان وجوده يثير القلق والتوتر مع نزول فالظغط وارتفاع فالسكر

ممايؤدي الي غيبوبه