عزي لمن سابقه ما تاصل الماد

[ابراهيم الجـــــذع]

السلام عليكم ورحمة الله وبركاته





مساكم الله بالخير جميعاً





الليله الملعبه ما شفت حلياها=كلٍ يسير من اقصاها ليا ادناها

واللي يدور لها لابد يلقاها=سبحان من يعلم الأسرار سبحانه

عزي لمن سابقه ما تاصل الماد=أن صار فالملعبه مثل التحدي

وأن عودت معركه وسيوفٍ حداد=بعض العرب لا يجيب ولا يودي

[زبــــــون الحــــرد]

الجذع صح لسانك ابداااااع



فيييييييييي صفك من الحين



ننتظر قبيلك

[نواف المري]

الله الله


صح لسااااانك يالجذع وبأنتظاااااار الشاعر المقابل

وانا ماني محدد صفي تعبان وبستريح مع الجمهور:)

[ابراهيم الجـــــذع]

هلا وغلا زبون الحرد

صح بدنك يا الغالي

والصيف يزهابك طال عمرك

شرفني مرورك

[ابراهيم الجـــــذع]

هلا وغلا اخوي نواف

صح بدنك يا الغالي

يشرفنا مرورك

[فهد الشهيب الثبيتي]

وعليكم السلام ورحمة الله

مساك الله بالرضا يابو خليل واسمح لنا بمجاراتك
الملعبة طيبة وانته بعد طيب=لو كان مانته مثل ملفي ولاحبيب
والعلم لازم يروح بعيد وقريب=واللي يدور لها لابد يلقاها

ترا الدعاوي بسيطة وانتم اجواد=السايق المندفع بكره يهدي
ياصاحبي خلها دله وبراد=معروف مدك وانا معروف مدي

[نوآف الغنامي]

يا سلآم سلّم



صحت السنتكم اثنينكم




متااااااااااااابع

[فايز بن سرحان الثبيتي]

وأن عودت معركه وسيوفٍ حداد
بعض العرب لا يجيـب ولا يـودي

ياصاحبي خلهـا دلـه وبـراد
معروف مدك وانا معروف مدي


ياسلام . . . ياسلام "


صح لسانك يابراهيم وصح لسانك يافهد "

ثنائي خطير "



متابع لكم "

[فهد الشهيب الثبيتي]

صح بدنك يان سرحان ومتابعتك وشهادتك شرف

[ابراهيم الجـــــذع]

ما قلت أنا مثل ذاك وذاك يا كافي=لكن شاعر وحاضر دون ميقافي

وأن صار فالوقت سبع اسمان واعجافي=سبحان من يعلم الأسرار سبحانه

أن كان عندك بسيطه نار وزناد=الموت لا جا البنادم ما يردي

الكهربا ما تجيك بدون عداد=وأن ناشك الماس منته بمتعدي

[ابراهيم الجـــــذع]

وهلا وغلا أخوي نواف

صح بدنك يا الغالي

شرفني مرورك

[ابراهيم الجـــــذع]

وهلا وغلا أخوي أبن سرحان

صح بدنك يا الغالي

شرفني مرورك ومتابعتك

[فهد الشهيب الثبيتي]

حتيش لو قلت انا شاعر وموهوبي=ابدع بيوت الشعر واميز دروبي
أقول مانتب عضو في مجلس اللوبي=واللي يدور لها لابد يلقاها

اتولع النار مار القدر ماجاد=ماانته معشي الضيوف ولامغدي
صحيح قالو " قليل الفود مافاد"=هذا مثل من على جدك وجدي

[برررق الحيا]

صح بدنك ابراهيم على هالبدع في هالمتصفح وصح بدن مقابلك فهد على الرد

جزلين موال وطارووق معنى وقوة

متابعين والله يقويكم

صحت الألسن والقلوب صحاح

[فهد الشهيب الثبيتي]

صح بدنك يابرق الحيا وشرفتنا بمتابعتك واشادتك

[ابراهيم الجـــــذع]

الناقه اللي تبا تنفر حويرها=لو تنفره ما حدٍ يقدر يضيرها

والطايره ما لقيت اللي يطيرها=سبحان من يعلم الأسرار سبحانه

تقولها يا الثبيتي جد وعماد=ما تمشي علومك ولنته بقدي

لو قوم صالح بقية قوم من عاد=الكل مقرود والحظ متردي

[ماجد السميري]

ابراهيم الجذع وفهد الشهيب


طاروق يستحق المتابعه


صحت السنكم وقلوبكم

[ابراهيم الجـــــذع]

هلا وغلا أخوي ماجد

صح بدنك يا الغالي

نورت المتصفح

شرفني مرورك

[ابراهيم الجـــــذع]

هلا وغلا أخوي بررق الحيا

صح بدنك يا الغالي

اشكرك على الاطراء والمتابعه

شرفني مرورك

[فهد الشهيب الثبيتي]

والله لوتنفره ماهي من همومي=الشد من فوقها والخشم مخزومي
كسرى مااظنه بلش فالفرس والرومي=واللي يدور لها لابد يلقاها

صدام يحكم هل البصره وبغداد=يحد الاكرد واهل ايران حدي
وانا كسيتك ثياب ٍ بيض وجداد=لكن قلبك من همومه مصدي

[فهد الشهيب الثبيتي]

صح بدنك ياماجد وشرفتنا بمتابعتك ياطويل العمر

[آبــن جمــآعــآن]

صحت الاسنتكم

في صف ابراهيم

[ابراهيم الجـــــذع]

ناسٍ تهايط ونكبتها مهايطها=مما تقوله تروح في خرايطها

وأهل الوسايط بلاها من وسايطها=سبحان من يعلم الأسرار سبحانه

القوم تنظر لنا في كل مرصاد=يا شاعرٍ ما عرف مزحي وجدي

وانا عطيتك بعيرٍ ماله اشداد=لكن قلبك من الرهبه مندي

[ابراهيم الجـــــذع]

هلا وغلا ابن جماعان

صح بدنك يا الغالي

والصف يزهابك طال عمرك

شرفني مرورك

[عيد العازمي]

ثنائي الابداع


ابراهيم وفهد


صحت السنتكم وبيض الله وجيهكم

[ابراهيم الجـــــذع]

هلا وغلا أبو طلال

صح بدنك و وجهك أبيض يا الغالي

شرفني مرورك

[فهد الشهيب الثبيتي]

ياللي تباها ترا جاتك على الصابر=ترا البلا والجلا من حظك الغابر
لكن خلك على جور الزمن صابر=اللي يدور لها لابد يلقاها


القوم تعرفك من شعبان وجماد=ياللي تقول العرب, فينا تلدي
امقيدينه هل الميقاف بقياد=وانا بعيري ليا جاكم يهدي


صح لسانك يابو خليل وماقصرت

[فهد الشهيب الثبيتي]

صح بدنك ياعيد ووجهك ابيض ياطويل العمر

اسعدني وشرفني مرورك

[ابراهيم الجـــــذع]

من يوم جاتك من السامع ليا الدامع=من قوها منت لا شايف ولا سامع

ضيعت كل العلوم اللي لها جامع=سبحان من يعلم الأسرار سبحانه

لا تلعب مع اللي اكبر منك يا واد=وأن باح سدك ترا ما باح سدي

خلك على سكتك سرداد مرداد=بعير شاوي وعينه ما تلدي

[ابراهيم الجـــــذع]

صح بدنك يا فهد

تشرفت وستمتعت باللعب معاك

[علي الثبيتي]

ابراهيم+فهد
مبدعين وجزلين

صحت السنتكـــــــــــــــــــم

[خلف المطيري]

مصامخ عال العال

صحت الالسن والقلوب جميع

[فهد الشهيب الثبيتي]

على الثبيتي وخلف المطيري

صحت ابدانكم وشرفتونا بمروركم

[حاكم الغنامي]

والله كلام عليه الكــــــــــلام


لاهنتوا وصحت السنتكم

[فهد الشهيب الثبيتي]

صح بدنك ياحاكم ومن قال لاهات

اسعدني وشرفني مرورك