ابو زيد نعرف جرته لو يغيب سنين /// ابن عاقل لا هان

[رعد الروقي]

السلام عليكم


ومساء الخير



ابن عاااقل ان سمح وقتك والا تراك مسموح




سـلامي سلامً حي ويساق للحيــين=رجال الوفا اللي حالها دون مبداها
ابو زيد نعرف جرته لو يغيب سنين=وتغدى ملامح وجهه اللي عرفنــاها

[خالد عواض الذيابي]

عليكم السلام ورحمة الله وبركاته

يامساء النور والسرور


صح لسانك يالعمده

وبدعه كايفه

وصح لسان قبيلك ابن عاقل

متااااابع

[فهيد الايدا المورقي]

رعد الروقي صح لسانك


طاروق كايف


وصح السان ابن عاقل مقدما


تحيتي

[نوآف الغنامي]

يا سلآم سلّم

حي ّ والله هالبيوت وراعيها ... :)


رعد لآ جديد سوى الابدااااع ..


صح والله لسااانكـــ ...


وننتظر أبو بندر ليكتمل الايداع ..



متاااااااااااااابع ... وماااسك الصف .. :)

[رعد الروقي]

حياك الله وبيااااك يا مستشار رووق



شرفتنا بحضورك يا خااالد



صح بدنك والله لا يهينك

[عبدالله الاصعر]

صح لسانك يارعد الروقي


بدايه جزله من شاعر جزل



وصح لسان ابن عاقل مقدما

[رعد الروقي]

بناخي الايداء

مرحبتين


شرفت وانست


صح قلبك ولاهنت



خيال الصفراء . نواااف


ومن قال يحيا


الله يبقيك طال عمرك


والابدااع انت وامثالك اهله


نورت المكان وشرفتنا بحضورك الكريم


صح بدنك وكلك ولاهنت

[رعد الروقي]

هلا وغلا يا عبد الله



الجزل انت وطلتك المشررفة



نورت وانست



صح بدنك ولاهنت

[برررق الحيا]

مساء الخير ياعمدة وين الليالي خذتك عنا ؟؟؟؟

صح السانك يالعمدة على هالمبدأ الكايف بمعناه وجزالته وبانتظار مطلوبك ابن عاقل لاكتمال الابداع وصح السانه مقدما

[رعد الروقي]

مساء النور يا برق الحيا وحياااااااك ربي وبيااااااااك


ومشاغل الدنيا ما يخلى منها احد


وانا اراجع لي معاملة ومن دائرة في دائرة وهذي جيتي


شاكر لك سؤالك واهتمامك


صح بدنك وقلبك ولاهنت

[ماجد السميري]

وعليك السلام ورحمة الله وبركاته
ومساك الله بالرضاء والعافيه

والوقت يفداك ياعمدتنا والله اني قد طلعت مار اتصل بي رجال وعلمني في بدعتك
ورجعت كله معزه وتقدير



هلا مرحبا ترحيب مخصوص للغالين=ليا من لفونا القوم نكرم به لحاها
تعرفه ولاحدٍ يجهله والعرب دارين=لكن الدير تغيّرت عن مسمّاها

[برررق الحيا]

الله يعننا واياك يالعمدة وتواجدك متعة وفايدة

وصح السانك ياماجد على هالرد الوافي

وهالحين والأطراف تواجدت- الطالب والمطلوب - وماباقي الا الابداع وشعارنا يحرو بها والبداع دربهم وطاروقهم

انصات والتفات واستفادة واستمتاع

صحت الألسن والقلوب متآلفة والميدان عتيبي

[ماجد السميري]

خالد الروقي @ بناخي الايداء @ نواف العتيبي @ عبدالله الاصعر @ برق الحيا


اررررررررررحبو حياكم الله كل بأسمه


والابدااااع يكتمل في حضوركم


صحت ابدانكم ولاهنتم على حضوركم المشرف

[ماجد السميري]

صح السانك ياماجد والأطراف تواجدت وماباقي الا الابداع وشعارنا يحرو بها والبداع دربهم وطاروقهم

انصات والتفات واستفادة واستمتاع

صحت الألسن والقلوب متآلفة والميدان عتيبي





الابداع موجود في حضورك لاهنت


صح بدنك ولا عليك زود


شرفتنا واسعدتنا

[رعد الروقي]

يفدااااك اللاش يا ماجد


والله يعزك ويغليك وتأكد انك ما قدرت الا من يقدرك

وان كان عندك شيء والا نوم ترك معذور ونكمل بكرة



الله الله



يدوم البقا ياللي تقول ان عام الفين=فصل بين قوم وقوم واخلف محياها
نبا نرمي اغلى جوهرة خلف سور الصين=ومن قال انا سيد المواقيف يلقاها

[ماجد السميري]

لاهنت هذا من طيب معدنك

والنوم والله ما عاد فيه حيله تعرف الدوام بدري ولا تغرك زحمات الرياض ومشاكل ساهر هههههههه




ما دام انها ما بيّنت صامل الحدين=انا اقول ياليت السواقي بمجراها
لكن انتبه للأعور اللي كريم العين=ما شفت المقابر كيف ينبش بموتاها؟

[مازن الشيباني]

ماجـــــد السميري

رعـــد الروقي


صحت الالسنه والقلوب


متعه وابداع وبانتظار الاثاره الجديه


متااااااااااااابع

[رعد الروقي]

لاهنت هذا من طيب معدنك

والنوم والله ما عاد فيه حيله تعرف الدوام بدري ولا تغرك زحمات الرياض ومشاكل ساهر هههههههه




ما دام انها ما بيّنت صامل الحدين=انا اقول ياليت السواقي بمجراها
لكن انتبه للأعور اللي كريم العين=ما شفت المقابر كيف ينبش بموتاها؟



ما عليك زود والنووم سلطان وساهر حسبنا الله على من اخترعه


لا قطني اربع مرات ... مره بدون لوحات ههههههههههه


صح لسانك مليون


ومعذووور يابن عاقل


وان شاء الله نكمل القابلة ان وجدتك

[ماجد السميري]

ماجـــــد السميري

رعـــد الروقي


صحت الالسنه والقلوب


متعه وابداع وبانتظار الاثاره الجديه


متااااااااااااابع









ارحب ارحب يامازن


صح بدنك والابداع انت احد مصادره


شرفتنا بحضورك الكريم لاهنت

[رعد الروقي]

بررق الحيا //// مازن الشيباني



هلا هلا

شرفتوناا بطلتكم الغالية ومتابعتكم الكريمة


صحت ابدانكم ولا هنتوا

[ماجد السميري]

ما عليك زود والنووم سلطان وساهر حسبنا الله على من اخترعه


لا قطني اربع مرات ... مره بدون لوحات ههههههههههه


صح لسانك مليون


ومعذووور يابن عاقل


وان شاء الله نكمل القابلة ان وجدتك









انت الظاهر انك في كل مكان بدون لوحات هههههههههه


وصعبه ان ساهر يجيب خبرك


صح لسانك وبدنك دبلها


وانت نزل ردك وانا بكره ان شاء الله اكون موجود وارد عليك ونكمل متى ما جيت


تصبح على خير انت والحاضرين وبحفظ الله

[رعد الروقي]

ههههههههههه


اقعد بها انت ولوحاتك مع ساهر



وبالنسبة للرد ما دمت ساري من ارد عليه



خله القابلة طال عمرررك



وانت من هل الخير والله يرعاااااااك يابن عاقل

[حاكم الغنامي]

ياعيني ياعيني



صحت السنتكم

:)

[أسير القوافي]

صحًت الألسـن ،،




والسآعـه المبآركـه اللَي جآبتك يالعمده ،،



وجودكـ له طآبـع خآص ،،




وصح لسـآن الشاآعر : ماجد ،،




والله يستـر من اللَي تهرجون عنـه ،،




وفي صفًك يآ مـآجد ،، ولا يهـون العمده ،،

[معجب العتيبي]

رعد الروقي


سـلامي سلامً حي ويساق للحيــين=رجال الوفا اللي حالها دون مبداها
ابو زيد نعرف جرته لو يغيب سنين=وتغدى ملامح وجهه اللي عرفنــاها


ماجد السميري

هلا مرحبا ترحيب مخصوص للغالين=ليا من لفونا القوم نكرم به لحاها
تعرفه ولاحدٍ يجهله والعرب دارين=لكن الدير تغيّرت عن مسمّاها



رعد الروقي

يدوم البقا ياللي تقول ان عام الفين=فصل بين قوم وقوم واخلف محياها
نبا نرمي اغلى جوهرة خلف سور الصين=ومن قال انا سيد المواقيف يلقاها


ماجد السميري

ما دام انها ما بيّنت صامل الحدين=انا اقول ياليت السواقي بمجراها
لكن انتبه للأعور اللي كريم العين=ما شفت المقابر كيف ينبش بموتاها؟



لازلنا ننتظر اكمال الابداع


صحة الالسن


رعد وابن عقل


مبدعين كالعاده

[رعد الروقي]

عندك يا ابن عاااقل


الله الله



قرينا عليك الفاتحة مير قول آآميـــن=عشان الفلق والناس بعدين نقراها
هل الحق موعودين بالنصر والتمكين=وراع الحصاه نسنعه كان درباها

[رعد الروقي]

حاكم الغنامي // أسير القوافي // معجب العتيبي ... ابيض وجه



مرحبا مرحبا


حضوركم هو المكسب


صحت ابدانكم والله لا يهينكم

[ماجد السميري]

طيب طيب



ياراع الذهب تستاهل اجيك بالثنتين=بجاهٍ ومال اليا لفيناك نبداها
انا اقول صعبه يارعد فالزمان الشين=مادام البدو ما همّها غير مرعاها

[ماجد السميري]

حاكم الغنامي // أسير القوافي // معجب العتيبي



ارررررررررررررحبوا حياكم الله جميع



صحت ابدااااااانكم وبيض الله وجيهكم

[برررق الحيا]

متابعة واستكمال للطاروووق وحنا متابعين حيث الجزالة والمتعة تستكمل

صح السانك يالعمدة وصح السان ماجد السميري

متابعيييين

[ماجد السميري]

متابعة واستكمال للطاروووق وحنا متابعين حيث الجزالة والمتعة تستكمل

صح السانك يالعمدة وصح السان ماجد السميري

متابعيييين







ومتابعتك المستمره لنا هي سر الابداع


صح بدنك ولاهنت على المتابعه المميزه

[رعد الروقي]

الله الله



ليا جيت يالمحتال ضاوي ســـرحت بدين=وهذي تحمـــــلها وهذي توقاها
تعجل على الارزاق بالحدس والتخمين=وانا ما اقترب من ناقة الله وسقياها

[نوآف الغنامي]

يا سلآم



لآ زلــــنـــآ متااااابعيــــن الابـــدآآآع ...

[ماجد السميري]

طيب طيب


ياراع البنايه بعد شيدتها دورين=من الظلم بعد البنيه تهد مبناها
لو الثعلب يحوّص يسار الجبل ويمين=ماهو سالم من البندقيه ومرماها

[ماجد السميري]

يا سلآم



لآ زلــــنـــآ متااااابعيــــن الابـــدآآآع ...









ارحب ارحب يابو عيد


شرفتنا بحضورك الكريم لاهنت

[عيد العازمي]

ياسلام سلم


العمده وابن عاقل


عوده ميمونه وجزاله معتاده


صحت السنتكم وعلى القوه

[ماجد السميري]

ياسلام سلم


العمده وابن عاقل


عوده ميمونه وجزاله معتاده


صحت السنتكم وعلى القوه







ارحب ارحب يابوطلال


شرفت المتصفح بحضورك الكريم


صح بدنك ولاهنت

[رعد الروقي]

الله الله



شريكي بنيه غير يلعب على الحبلين= يلــف الحيايا فالقراطيس واهداها
ذياب الخلا ما تحسب المتر والمترين=قوية عزايمها بعيدن معشاها

[رعد الروقي]

نواف العتيبي // عيد العازمي


هلا والله وغلا


ابرك ساعة اللي جابتكم



صحت ابدانكم والله لا يهينكم


تقديري

[رعد الروقي]

اهلا وسهلا يا بررق الحيا والعتب على النظررر



تشرفنا بطلتك الكريمة



صح بدنك وقلبك ولاهنت

[مرزوق الصواط]

رعد الروقي صح لسانك شاعر جزل وامتعتنا معك

ماجد السميري صح لسانك يالجزل

وآآآصلووا

[ماجد السميري]

طيب طيب


يطيب الشعر ياسيّده فالمقام الزين=لكن انتبه لحدودها لا تعدّاها
لو ان الضبا راحت عن انظارنا ميلين=قريبن معشاها ومعروف مفلاها

[مازن الشيباني]

الله الله

ثعالب وبنايه ودورين ولعب على الحبلين :) ومشاكل كثيره ههههههههه


صحت السنتكم وقلوبكم


متاااااااااابع

[ماجد السميري]

رعد الروقي صح لسانك شاعر جزل وامتعتنا معك

ماجد السميري صح لسانك يالجزل

وآآآصلووا







ارحب ارحب يامرزوق


صح بدنك


ولاهنت على حضورك الكريم

[ماجد السميري]

الله الله

ثعالب وبنايه ودورين ولعب على الحبلين :) ومشاكل كثيره ههههههههه


صحت السنتكم وقلوبكم


متاااااااااابع







ارحب ارحب يامازن

ابك الله جابك عندك العمده كمل طاروقك معه اظنك تفكني منه ههههه

صح بدنك ولاهنت على متابعتك الكريمه

[رعد الروقي]

الله الله



كثير المصايب صادره من غراب البين=نشوف الحبوب السود من حين ضواها
مريكا تصيد كوريا مير في بكين=حكومة تقف مع كوريا لين تحماها

[رعد الروقي]

الختااام عندك يابن عاقل


شرفتني وافدتني طال عمررررك



صح لساااانك ملايين ولاهنت



ما تفزع معي على العازمي ومازن

[ماجد السميري]

الختااام عندك يابن عاقل


شرفتني وافدتني طال عمررررك



صح لساااانك ملايين ولاهنت



ما تفزع معي على العازمي ومازن










ما بعد ختامك ختام ياعمدتنا

والفائده لي انا بلاشك

صح بدنك وصح لسانك ملايين

واشكرك على كرم الدعوه واتاحة الفرصه للتعلم منك

والعازمي والشيباني والله ما عاد الي فيهم قدره ما عاد خليت لي حيل انت ههههههه

وتصبح على خير انت ومن تابعنا

[خالد عواض الذيابي]

العمده صح لسانك وما جد السميري صح لسانك

لاهنتو على الابدااااااااااع

[رعد الروقي]

مرزوق الصواط // مازن الشيباني // خالد الروقي


منورين ومشرفين بحضوركم المشرف


صحت ابدانكم ويا هلااااااااااااا



ابك كيف تتركني لحالي يابن عاقل ههههههه


خابرك ما تبالي حياااة

[سلطان الجـذع]

..
.

الله الله ..
رعد & ماجد ... صحت السنتكم طاروق مميز ...
وابداع لايستغرب .

[معجب العتيبي]

رعد الروقي


سـلامي سلامً حي ويساق للحيــين=رجال الوفا اللي حالها دون مبداها
ابو زيد نعرف جرته لو يغيب سنين=وتغدى ملامح وجهه اللي عرفنــاها


ماجد السميري

هلا مرحبا ترحيب مخصوص للغالين=ليا من لفونا القوم نكرم به لحاها
تعرفه ولاحدٍ يجهله والعرب دارين=لكن الدير تغيّرت عن مسمّاها



رعد الروقي

يدوم البقا ياللي تقول ان عام الفين=فصل بين قوم وقوم واخلف محياها
نبا نرمي اغلى جوهرة خلف سور الصين=ومن قال انا سيد المواقيف يلقاها


ماجد السميري

ما دام انها ما بيّنت صامل الحدين=انا اقول ياليت السواقي بمجراها
لكن انتبه للأعور اللي كريم العين=ما شفت المقابر كيف ينبش بموتاها؟



رعد الروقي

قرينا عليك الفاتحة مير قول آآميـــن=عشان الفلق والناس بعدين نقراها
هل الحق موعودين بالنصر والتمكين=وراع الحصاه نسنعه كان درباها




ماجد السميري

ياراع الذهب تستاهل اجيك بالثنتين=بجاهٍ ومال اليا لفيناك نبداها
انا اقول صعبه يارعد فالزمان الشين=مادام البدو ما همّها غير مرعاها



رعد الروقي

ليا جيت يالمحتال ضاوي ســـرحت بدين=وهذي تحمـــــلها وهذي توقاها
تعجل على الارزاق بالحدس والتخمين=وانا ما اقترب من ناقة الله وسقياها



ماجد السميري
ياراع البنايه بعد شيدتها دورين=من الظلم بعد البنيه تهد مبناها
لو الثعلب يحوّص يسار الجبل ويمين=ماهو سالم من البندقيه ومرماها



رعد الروقي

شريكي بنيه غير يلعب على الحبلين= يلــف الحيايا فالقراطيس واهداها
ذياب الخلا ما تحسب المتر والمترين=قوية عزايمها بعيدن معشاها



ماجد السميري

يطيب الشعر ياسيّده فالمقام الزين=لكن انتبه لحدودها لا تعدّاها
لو ان الضبا راحت عن انظارنا ميلين=قريبن معشاها ومعروف مفلاها



رعد الروقي

كثير المصايب صادره من غراب البين=نشوف الحبوب السود من حين ضواها
مريكا تصيد كوريا مير في بكين=حكومة تقف مع كوريا لين تحماها

[برررق الحيا]

صحت الألسن والقلوب صحاح

لاهنتو شعارنا صح السانك ياعمدتنا وصح السان ماجد السميري

وياليت الابداع يتكرر كل مرة في مثل هالميادين شروى هالطاروووق وشعاره

صحت ألسنتكم عدد ماتطلع الشمس

[ماجد السميري]

خالد الروقي @ سلطان الجذع @ معجب العتيبي @ برق الحيا



ارررررررررررررحبوا جميع حياكم الله كلٍ بأسمه



صحت ابدانكم وبيض الله وجيهكم على حضوركم المشرف

[رعد الروقي]

الاسطورة // معجب العتيبي .. بيض الله وجهك // برق الحيا




حضوركم مكسب لنا وشرف



صحت قلوبكم ويا هلاااااااااا