سلام الله على الهيلا..على (مرزوق) بالتحديد..!!

[عايض الحبابي]

يشرفني الانضمام الى منتداكم .. بدعوة الشاعر الكبير(مزروق العتيبي)..

وبما أنه اللي دعاني ..ابالعب معه هالطاااروق ..!!





سلام الله على الهيلا ..على مرزوق بالتحديد =أنا عايض خويك لاتحسبه واحد ثاني ..!!

يقال الحر الأشقر لاسرح لازم يضوي صيد= لكن دورك هذا والقابله دور العطياني..!!

[مشتــــاق]

عايض الحبابي
حياك الله


وشرفت محلك



يقال الحر الأشقر لاسرح لازم يضوي صيـد=لكن دورك هذا والقابله دور العطيانـي..!!


الله الله


الليل يا مرزوق


وانت يا وصل احتياط :)


انا في صف الضيف

[مرزوق حمدان العتيبي]

...
مرحبا مدد بلا عدد
والله اني صادق
ارحب يابو علي
نورت منتديات الهيلا بحضورك
يشرفنا ويسعدنا ان ينضم لكوكبة شعراءنا شاعر
بمستوى عايض الحبابي
الله يحييك في محلك وبين اخوانك..

[مرزوق حمدان العتيبي]

استلم ياعايض

هلا يامرحبا ترحيب ياراع الوفا والجيد = خويّك ياخويي ما اعتقد شرواك يخفاني
تفضل واخذ ماجوبك وجهز مهرتك للبيد = على ماتشتهي بمشي معك ياطير حوراني

[مرزوق حمدان العتيبي]

هلابك يامشتاق
الحمدلله على السلامه
ابك انت وينك الايام اللي راحت مالك شوفه؟
:)

[مشتــــاق]

الله يبقيك



ههههههههههه


منقطع عن الانترنت شوي


ولكن ما لنا عنكم غنى

[مرزوق حمدان العتيبي]

وحنا مالنا عنك غنا يابن العم
ولاعاد تعودها...
:)

[الــوآفــي]

هلااااااااا

حيالله ابو علي

اسعدنا تواجدك

صح السنتكم جميع ... رايعين

اخوكم ذيبان

[مرزوق حمدان العتيبي]

مرحبا ياذيبان
الرائع والله انت :)
سعداء بحضورك المشرف
لاعدمتك.

[عايض الحبابي]

الأخ الغالي مشتاق ..وذيبان .. شرفنا حضوركم .
أبو محمد .. شاكر لترحيبك وأطرائك ..

[عايض الحبابي]

خلووووووووووووها :

أبو محمد ... أستلم لاعدمتك:


أنا وضحت لك ياصاحبي خايف تروح بعيـــــــــــــد
خويك وتعرفني زين مايمديك تـنــــــساني..!

قبل فتره وصلني علم.. مدري ليش جبت العـــيــــد؟؟؟
لكن من حسن حظك ماطلع في القوم قحطــاني...!!

[((الدلبحي))]

ياهلا ياعايض

سعداء بتواجدك وبالطاروق اللي تلعبه مع مرزوق وانا ومشتاق ماسكين الصفوف الليل الليل يامرزوق

صح السانك والسان عايض

تحياااااااااتي

[ولد عوجان الجذع]

لا بد أن يتمتع الشخص بوجود مرزوق العتيبي
وأخونا عايض لا شك شاعر لا يستهان فيه

وشكرااااااااااااا

[مرزوق حمدان العتيبي]

..
ابو حمود شرفتنا
والله لايهينك

...

الشاعر الجذع
هلابك شرفت ولا عليك زود
..
تحياتي

[مرزوق حمدان العتيبي]

الله الله يابو علي..


انا هرج العرب ماهمني والله علي اشهيد = لكن انته ورى تتبع كلام افلان وفلاني؟
اجيب العيد قبل العيد عادي ما اقبل التهديد = عتيبي سطوتي يشهد لها القاصي مع الداني

[عايض الحبابي]

الدلبحي ....

الجذع ...

الله يعطيكم العافيه على المتابعه ...ماقصراتوا ..

[عايض الحبابي]

انا هرجي عليه اشهود يعني صح بالتاكيد= لكن يالله تبعد عن طريقي كل شيطاني
عتيبي والنعم ماقول فيكم شك يالصنديد = لكن السالفه ماهي تجي بالسيف شاماني
ابو علي العذر والسموحه ياذيبان
جيت ابي احذف مشاركتي المكرره وجبت العيد في مشاركتك
المعذره ياطويل الباع. :) العيد جا ولا منه فكه
هههههههههههههههههههههههههههههههههه
تقبل تحياتي
....

[مرزوق حمدان العتيبي]

....................
هذي المشاركه المكرره
اللي جابت العيد :)

[مرزوق حمدان العتيبي]

...
يبلغ يبلغ

الله الله عليك
مبدع كالعاده يابو علي..
استلم لاهنت ...



تراك انته تعرف اني ما احب الظلم والتعقيد = ولا ارضى بالخطا لو مصدره واحد من اخواني
ليا مني عطيتك علم لاترجع علي اتعيد = ولانبغى سوالفنا تعوّد دان ياداني

[عايض الحبابي]

هههههههههه سجل عندك فدااااااااا يابو محمد..!!!:)

خلوووووووووووووها:


علامك جيت تكحلها(فقعت)العين يابو زيـــد!!= ياليتك ماتطبب مره أخرى ياكحيلاني.!!

مادامك باني قصرك هناك... مشيده تشييد= علامك تترك القصر وتكب أطوال الأيماني.!

[مرزوق حمدان العتيبي]

...
يفداك اللاش يابو علي
والله اني ماعاد اتعودها ههههههههه.

ترى الشي المقدر لاكتبه الله ماعنه انحيد = وغلطه مطبعيه (عاديه) من طبع الانساني
ليا يامن المنازل ماتهيت لي على ما اريد = ابا ارحل واترك الديره وبنسا كل ماكاني

[وصل العطياني؟؟؟]

الله الله ..

هلا وغلا بالشاعر : عايض الحبابي ...

المنتدى منتداك ومما يشرفنا ...

بس ما فيه دور هذا ولا الثاني ;)

محاورتكم ممتعة جداً ...

مع شاعرنا الكبير مرزوق العتيبي ...

واصلوا لا هنتوا ...



تحيااااااااااتي

[عايض الحبابي]

.................................
......................

خلوووها ..


أخاف المشكله ياصاحبي في المقبلات تزيـــــد=تسويها تسويها مادامك مانت خسراني ..!

أذا كادوك خبرني وأنا والله لأرد الكيــد= أطب المعركه وأسل سيفي وأسرج حصاني

[مرزوق حمدان العتيبي]

...
ابو مشهور مراحب عدد همال المطر
اشكرك على اطراءك ومجاملتك يامبدع :)

[عايض الحبابي]

هلا والله بالغالي ... وصل العطياني

مشكور ويعطيك العافيه على ترحيبك ..

ولاتستعجل .!!:)

[مرزوق حمدان العتيبي]

الله الله
يابو علي .....

....

ليا زادت وش اللي همّني يالله لك التحميد = على غيري ياعايض جعلها تشتب نيراني
انا ماني بحاجة فزعتك عزمي يفت الحيد = مادام انّي على وسق الشداد وعالي الشاني :)

[عايض الحبابي]

الله ... الله ......

بشوي شوي على الحيد ... يابو محمد....!!هههههههههه



تريد تسوي اللعبه تراني عارف أنك تريد= ورجل مايهمه صاحبه لاشك غلطاني..!

أثرك مصيبه ولو عشت مدة تركي بن أحميد = خذاك تعاونه ضد أبن هادي وأبن هدلاني..!!

[مرزوق حمدان العتيبي]

ههههههههههههههه
الله يطيّر النوم من عيون عدوّك يابو علي
والله اني مقفل باب المكتب ابي اخمد
ويوم شفت ردّك طار عني النوم ياولد خلنا نقيّل
ههههههه من قدك ياراع الاوووووووووف ..
طيب استلم لاهنت..



انا وقت الكرم والطيب اصير اكرم من ابن مهيد = وفي درب العلوم الغانمه ما اختل ميزاني
ابن هادي عسى الله يرحمه شيخ ٍ له التمجيد = وتركي شيخ قوم ٍ ينطح العدوان وحداني

[أبو فيصل]

الله الله عليكم

محاورتكم مايحتااااااااااااااااااااج

حياك الله يالحبابي

أنت ومرزوق

و واصلوا وحنا متابعينكم

[عايض الحبابي]

فهد الشيباني ..... الله يبقيك ... ولاهنت.. على مرورك ..

[عايض الحبابي]

اهليييييييين أبو محمد ... أعتذر عن التأخير ... لظرووووف سياسيه بحته..!!!!!!:)

.......



أعرف أنك تحل المشكله لاوصلت التعقيــــــد= لكن لاتحسب أن يدك بها خاتم سليماني..!

عسى الله يرحم اللي مات قبل الحكم والتوحيد= شيوخ وقعها برماحها في كل ميداني .!

[داهية عتيبة]

عايض صح السانك والسان مرزوق

تحياااااااااااتي

[مرزوق حمدان العتيبي]

...
داهية عتيبه
شرفت ونورت ياغالي
وصح بدنك ..
...

[مرزوق حمدان العتيبي]

..
اممممم ضروف سياسيه بحته
ولا يهمك على فكره..
ترى تحدث مثل هالحالات في ارقى المجتمعات :)


اقول الك استلمها كاش ما نحتاج للتقصيد = ليا منّي طلبتك حاجة ٍ لاعاد تعصاني
عسى حظك ياعايض بالليال المقبلات اسعيد = واقدم لك تحيه صادقه من قلب ولساني

هذا الختام وبيض الله وجهك ..
وبصراحه اني استمتعت معك في هالطاروق كماهي عوايدك..
لك صدق اخوتي ومودتي

[عايض الحبابي]

الغالي ... داهية عتيبه ... مشكور على المرور..

[عايض الحبابي]

أنا ماني فقير ولاسجين في يدينه قيد =غناوي والبحر في داخله لؤلؤ ومرجاني ..


أبو محمد ...تشرفت بالأخذ والرد معك .. الى اللقاء في .. محاروه أخرى.. أن شاءالله ..

تحياتي

[الحطيم]

عايض الحبابى
مرزوق العتيبى

الله يعطيكم العافيه
ولاهنتوا على امتاعنا
وتقبلوا تحياتى

[مرزوق حمدان العتيبي]

الله لايهينك يا يوسف
اسعدنا حضورك
كل الود

[الفـــايز]

شعار كبار ومحاورات ماتنسا