الله يعوضني بدالك مـن الحـور

[ابو وافي]

يابنت انا ماني على الضيم مجبور=ولا انجبر قبلـي ابويـه وجـدي
امشي وعظم الساق ماهو بمكسور=ولا آكل الا من مكاسيـب يـدي
لا من كـل قـام يعتـز ويثـور=والله ما فالكـون رجـال قـدي
ولامنها رجعت سعة بال وصدور=ارق من عطرٍ يجيـك امتعـدي
انا ان عطيت العهـد بالله مابـور=وللناس مابدي خافياتـي وسـدي
لا تحسبيني يوم حبيـت بشعـور=اني ذليل النفس وبـك امتجـدي
صحيح احبك حب مجنون مسحور=عيشتني ما بيـن جـزرٍ ومـدي
الك اندفع مثل الفراشـات للنـور=قالو لي هد وقلت مانـي مهـدي
لو تبعدين اسنين وايـام وشهـور=ترى مردي لك وانتي لك مـردي
اليا طرو للحب عمـده ودكتـور=اكيد انا المقصود والختم عنـدي
وليا طرو للحب قتيـل ومأسـور=القيد بيدي وانتظر حفـر لحـدي
الله يعوضني بدالك مـن الحـور=يومٍ حظي معـك دوم امتـردي

[مرزوق حمدان العتيبي]

الله الله
صح لسانك يابو وافي
سلمت ودمت
اخوك

[((الدلبحي))]

صح السانك

ابووافي وبيض الله وجهك على الجزاله

تحيااااااااااتي

[وصل العطياني؟؟؟]

أبو وافي ...

صح لســـانك ...
قصيدة رائعة بمعنى الكلمة ...
وأمتعتنا بقراءتها ...

لكن هناك ملاحظة على هذا البيت :

لو تبعديـن اسنيـن وايـام وشهـور
ترى مردي لك وانتـي لـك مـردي

إضــافة إلى إختلال وزن الشطر لاحظ:

مردّي لك & لك مردّي

كلّها نفس المعنى ...

أدري إنك تقصد مردّي لك ومردّك لي ...
فعندك مثلاً :
يمــّي مرّدك وأنا يمّــك مرّدي


تحيااااااااااتي.

[أبو فيصل]

صح لسانك يابو الوافي

[ولد ذايب]

صح لسانك ابو وافي ملااييين
قصيدة رائعة جدا
سجل اعجابي
الله لايهينك على كل حال

[ابو وافي]

اخي العزيز مرزوق


الله يسلمك ولا هنت




شكرا لمرورك


طال عمرك



اخوك


الله يسلمك ولا هنت

[ابو وافي]

الاخ العزيز الدلبحي

وجهك ابيض ان شاء الله

وصح بدنك



شكرا لمرورك



اخوك


وصح بدنك

[ابو وافي]

هلا والله بك يا العطياني

مو انتم ما تعطون احد فرصه للتعديل وهذا ما نعاني منه فى منتدانا




البيت يا طويل العمر فالاصل


لو تبعدين اسنين وايام وشهور

ترى مردك لي وانا لك مردي



حاولت اغيرها عندما وضعت القصيده ولكن لم استطع بسبب عدم وجود خاصية التعديل

وبصفتكم المشرف العام نرجو منكم النظر فى امكانية تعديل مشاركاتنا


كما ارجو منك تعديل البيت الى ما اشرت اليه اعلاه


وشكرا لملاحظتك


وهذا دليل على قرأتك للقصيده باهتمام

اكرر لك شكري



ملاحظة المعنى في البيت القديم يحتمل اكثر من معنى

كذلك الوزن صحيح اذا لم تنطق الهمزه في كلمة انتى



على كل حال ارجو التعديل اذا امكن ذلك

[ابو وافي]

اخي الكريم فهد الشيباني


اشكرك على مرورك الكريم




لا هنت يبن مشيب



اخوك

[ابو وافي]

اخي الكريم ولد ذايب حياك الله على كل حال


شكرا لمرورك صح الله بدنك ولا هنت



اخوك


اخوك

[داهية عتيبة]

الله الله
صح لسانك يابو وافي
سلمت ودمت
اخوك

[ابو وافي]

الاخ الكريم داهية عتيبه



صح بدنك ولا هنت




اخوك