أكثر شعوب العالم الهند والصين... واطيب قبيلة فالجزيرة عتيبة ....( القصيدة كاملة )

[ولدعساف]

واكثر شعوب العالم الهند والصيـن




واطيـب قبيلـة فالجزيـرة عتيبـة


هذه قصيدة شاعر بني رشيـد
الشاعر عبدالله الاشرم الرشيدي
في الشيـخ مناحي بن نايف بن ربيعان رحمه الله
عندما ذهب لشيـخ مناحي بن ربيعان في موضوع له


حيث قـال فيـها:





منصاي شيخ(ن) من شيوخ الرباعين
انخـاه لجـار الدهـر واعتزيـبـه
مناحي ولد نايف صعوط المجانيـن
اذا غـدى حقـي يـروح ويجيبـه
ياعنك ما هم بالملاقـى بسيطيـن
يـوم الكتيبـة تلتحـم بالكتيـبـة
حلو بنجـد مطوعيـن الفراعيـن
جاتك من الطائف تسـوق النجيبـه
ولا هو ردى بشيوخ نجد القديميـن
لكـن خذوهـا بالمشـوك غصيبـه
وخصاهم بالعـون ماهـم ردييـن
والغلب بين الناس ماهـوب معيبـه
جتهم سلاطين تسـوق البعاريـن
فـوق الاصايـل والجمـال المنيبـه
قومن على كل المناويـخ ضاريـن
كلـن يحـول بالخطـر مـا يهيبـه
بمهنداتن تـودع العظـم قسميـن
وشلفن مضاربهـا وسـاع وعطيبـه
مزحم وطلحـه متعبيـن المعاديـن
وبرقا على كبود الاعـادي مصيبـه
اهل الفعول الي عليهـا البراهيـن
وقولن بليـا فعـل مـا ينحكيبـه
واكثر شعوب العالم الهند والصيـن
واطيـب قبيلـة فالجزيـرة عتيبـة
برقـا و روق مرجحيـن الموازيـن
سجلهـا التاريـخ صفحـه رهيبـة
ومايملك السلطات غير السلاطيـن
اللـي مراميهـم تقـص الضريـبـه
وكل القبايل حزة العسـر والليـن
كلن من النومـاس ياخـذ نصيبـه
وجاك الملك قايد صفوف المصليـن
عبدالعزيـز اللـي فعولـه عجيبـه
واسس قواعدها على العدل والدين
وكلن عبد ربـه وصاحـب حريبـه
وشعاره المعروف نخلـه وسيفيـن
والله ثـم اخـر نـبـي نقتديـبـه
وتمت بذكر مكون ادم من الطيـن
الواحـد اللـى كلـنـا نهتديـبـه
على نبياً فـاز فـي بـدر وحنيـن
اللي فتـح مكـه وهاجـر بطيبـه





وهذه قصيدة رثاء من ارشيف الشاعر فالشيخ مناحي بن نايف بن ربيعان





العام مات مـن الرباعيـن طحـوح
ماخلفـن مثلـه عــذارا شبـابـه
مناحي اللي بالكرم يجلـب الـروح
ريف الضيوف وللعـداء ليـث غابـه
السلسله بالبـاب والبـاب مفتـوح
ومن يوم بنى البيت مـا صـك بابـه
عساه بالجنـه جـوار النبـي نـوح
ولا بمنـزلـت النـبـي والصحـابـه
ولا لي وراء مدح ابيض الوجه مصلوح
لكـن غـط النـور ظلـم وعيـابـه
انا مدحت الشيخ والشيـخ ممـدوح
ولا ينكـر المعـروف غيـر الزلابـه
واليوم يا سلطـان مانتـه بمسمـوح
الذيب يسري مع مسـار الذيـابـه



وسلامتـكم،،،

[ابو نادر الحافي]

مشكور ع الطرح لاهنت .....

[عبدالله الدغيلبي]

يعيطك العافيه والله لا يهينك

[الحميدي الفجري]

قصيده جميله ويستاهل ابو نايف


تحياتي

الحميدي الفجري

[فهيد الايدا المورقي]

يستأهل ابن ربيعان المدح الله يرحمه


وصح لسان الرشيدي وبيض الله وجهه



ولد عساف لاهنت على النقل


تحيتي

[محمد العتيبي]

الف شكر يالغالي ,,

[أبو مرحبا]

اسمع هذا البيت وتو اعرف أنها لشاعر من قبيلة الرشايدة

بيض الله وجهه على القصيدة


لاهنت على النقل الموفق

تقبل مروري

[ابو شوق الازوري]

يعيطك العافيه والله لا يهينك

[خلف القثامي]

عتيبه



تاريخ مشرف في الجزيره العربيه

بدء من الدوله السعوديه الاولى حتى الثالثه

ولازالت تمجد في كتب المشتشرقين ودارة الملك عبدالعزيز للمصادر التاريخيه



قبيلة عتيبه

شجاعه

كرم

نخوه


طيبه


وش بقى


شكرا لك ع الايراد الرائع

[متعب الثبيتى]

يستأهل ابن ربيعان المدح والله يرحمه

ع فكــرة نزلت قبل مده ابى القصيده هذى

بس للاسف ماحد رد لى!!

اكثر شعوب العالم الهند والصين ...... واعز القبائل في الجزيره عتيبه

حمدالله انى شفتها بعنونى وجارى الحفظ ..


والله مالب مصدق انى لقيتهاا.


لاهنت ولد ع النقــل

[اسير الروح]

....

عتــــــيـــــبه ...

الهـــــيــــــلا...

ذباحة الحايل..

لطامة العايل..

هـل العـوجــا..



تاريخ يكتب بماء الذهب

ولا هي غريبه العتبان يلاقون المدح لانهم يستحقونه

[سلطان الاشواق]

مشكووور على القصيدة الجميلة

[راعي الشوشلية]

صح لسان قائل القصيدة وبيض الله وجهك

تقبل مروري ..

[مالك النفيعي]

موضوع جميـل وكل القبائل طيبة دون نحديد أو تخصيص

بيض الله وجـه شاعر عبس وصح الله لسانـه وأعانه على كـل خير

ونعم بشيوخنا الرباعين ورحم الله الميت والحي منــهم

لا هنت

[صقرالروقي]

مشكووووووووووووور على الموضوع

وطيب الشعوب في العالم هم جزيرة العرب

[الصويت الثبيتي العتيبي]

يعيطك العافيه والله لا يهينك

[العمري اول]

قصيدة الشاعر الاشرم الرشيدي اكثر من رائعه وبن ربيعان يستاهل

اعجبني البيت الذي يقول فيه

اسس قواعدها على العدل واللين =-=-= وكل عبد ربّه وصاحب حريبه

تقبلووووووو تحيااااااااااتي