يا السعيدي قوم والعب وأنتبه وأسمع كلامي

[ابراهيم الجـــــذع]

السلام عليكم ورحمة الله وبركاته





مساكم الله بالخير جميعاً





مرحبا ترحيبةٍ توفي مواجيب السلامي=ردةٍ من شاعرٍ لا قال له كلمه وزنها

يا السعيدي قوم والعب وأنتبه وأسمع كلامي=أنتبه قبل الجنازه لا توقع في كفنها

[فواز السعيدي]

ارحب ياسنايدي
//////
..........


البقا ياللي ترحب في رفيعين المقامي = قلت كلمة طيبه .. والطيبه نعطي ثمنها !!

الجذع ماله خطر .. عمره شهر ماهو بعامي = وان كثر صوت الجذع .. روّح ذبيحه في صحنها !!

[ابراهيم الجـــــذع]

الجزيره من عدنها لا تروح اليوم شامي=وش تبا بالشام لا صارت منازلكم عدنها

والله اني معتلي فوقك كما الحر القطامي=جاتنا الهذلان تال الليل يوم الله محنها

[علي الثبيتي]

ابك ابك ابك

هذا والله الهجاد

صح لساااااااااااااانك يابراهيم
و

صح لساااااااااااااااان فواز

متابع

[عادل الحربي]

صحت الالسن والقلوب


وهذي الطواريق الحماسيه


الليل الليل


واصلو وحنا متااابعين

[ابراهيم الجـــــذع]

هلا وغلا أبو فهد

صح بدنك

يشرفنا متابعتك يا الغالي

[ابراهيم الجـــــذع]

صح بدنك أخوي عادل

شرفني مرورك يا الغالي

[فواز السعيدي]

الله الله
/////
.........



حكمتي من فسر بالي .. والفشق مالي حزامي = جيتها من قبل جيّتكم وعمرنا مدنها !!


انت لو ربّي خلق لك فالظهر ردمة سنامي = كان قلنا لك جمل .. وجمالكم نعرف رسنها !!

[ابراهيم الجـــــذع]

والله أنك ما تميز في حلال وفي حرامي=تحسب أن الناس تمزح كل ما جرت لحنها

كان تبغا لك جمل تلقاه يا غاية مرامي=لا تعرض لـــ السباع الشهب وأنته منت منها

[نوآف الغنامي]

هـــــذا هو هجاد الرقود اللي يقولونه .. :)




ابراهيم الجذع ..


فواز السعيدي ..



صحت السنتكم


واااصلوا


وحنا متاااابعين ...



:)

[عادل الحربي]

انـت لـو ربّـي خلـق لـك فالظهـر ردمــة سنـامـي
كان قلنا لك جمل .. وجمالكم نعرف رسنها !!



يسلام


ورد وافي


كـان تبغـا لـك جمـل تلقـاه يـا غايـة مرامـي
لا تعرض لـالسباع الشهب وأنته منت منها


الليل الليل وازهلو الصفوف عندي

[علي الثبيتي]

انت لو ربّي خلق لك فالظهر ردمـة سنامـي=====كان قلنا لك جمل .. وجمالكم نعرف رسنها


كـان تبغـا لـك جمـل تلقـاه يـا غايـة مرامـي=====لا تعرض لـالسباع الشهب وأنته منت منها


طيب طيب

الليل الليل

[فواز السعيدي]

الله الله

/////
.......


لاتحك العظم فوق السيف قصاص العظامي = تحسب ان السيف يمحا الحكة اللي تحتضنها !!

والله اني ماعترف في خدعة الفلم الدرامي = دايم الافلام تحكي عن زمن ماهو زمنها !!

[ابراهيم الجـــــذع]

ما لقيت اسيوف غير الزرع قافيه الصرامي=من قرب ديس المسوح اليوم يشرب من لبنها

روس بعض الناس شفناها مثل روس النعامي=مير ابنشد يا هذيل اسيوركم من هو دهنها

[فواز السعيدي]

الله الله
//////
..........


الحرامي ياكبير الراس مايسرق حرامي = شرهة الديره على اللي زارها مدري سكنها !!

الدهان اللي تقوله يم حقّين الخيامي = ناس من كثر الدهان خيامها زايد عفنها !!

[علي الثبيتي]

الحرامي ياكبير الـراس مايسـرق حرامـي==شرهة الديره على اللي زارها مدري سكنها

الله الله

متابع

الليل الليل

[ابراهيم الجـــــذع]

المواقف كايده والطق يثر فاللحامي=والهذيلي ما تنجيه الجبال اللي زبنها

ليش ما تقضي صياماً فات من شهر الصيامي=علتك فالقلب عيا الوقت لا ينضف درنها

[خلف المطيري]

والله اني معتلي فوقك كما الحر القطامي
جاتنا الهذلان تـال الليـل يـوم الله محنهـا

محنها

الله الله

صح السانك يالجذع والصف صفك

فواز انا متي انقرصت يامال الشحم ههههههههههه انا يا اكون او لا اكون القرص ماهو لي ولا ينفع معي


حيلك فيه يالجذع

[سـعـد الـعـصـيـمـي]

هذا والله الصمخ !

ابراهيم ، فواز حضوركم غير بيض الله وجيهكم

[ابراهيم الجـــــذع]

هلا وغلا أخوي سعد

و وجهك أبيض يا الغالي

شرفني مرورك

[ابراهيم الجـــــذع]

هلا وغلا خلف

الصف يزهابك طال عمرك

ازهله ريض فيه هههههههه

[فواز السعيدي]

الله الله
////////
............



عقلك اللي لامشى يمشي على قشر الحمامي = لاغرابة لوتجيه علوم واجد ماذهنها !!

استرو شيٍ بقا .. لوهو تحت جنح الظلامي = الجذع جبنا لبطاريته شاحن شحنها !!


........

الشاعر ابراهيم الجذع


صح لسانك ياسنايدي


استمتعت بمجاراتك

[فواز السعيدي]

خلف ارحب ياعسل


سعد العصيمي ارررررحب يابو مطر

[ابراهيم الجـــــذع]

الصراحه والحقيقه لك تحيه واحترامي=لو ما يمشي ضعنكم يا ولد يبرا ضعنها

لو هذيل اصحابنا مثل الجبل شامخ وزامي=عقب ما جتها عتيبه من يرد العلم عنها

[ابراهيم الجـــــذع]

صح بدنك أخوي فواز

ههههه من العجله ما شفت كلامك اللي على جنب

تشرفت باللعب معاك

[علي الثبيتي]

صحت السنتكم

[ابراهيم الجـــــذع]

صح بدنك يا أبو فهد

شرفتنا بمتابعتك

[فايز بن سرحان الثبيتي]

الله يبيض وجيهكم اليوم ودوم

ابراهيم الجذع <> فواز السعيدي


ومحاوة من الوزن الثقيل "

[ابراهيم الجـــــذع]

و وجهك يا أبن سرحان

اشكرك على الإطراء

شرفني مرورك

[ابراهيم الجـــــذع]

هلا وغلا أخوي نواف

صح بدنك يا الغالي

آسف ما انتبهت لرد لأن المحاوره كانت سريعه

شرفني مرورك يا القرم

[ابو البيرق]

ياسلام ياسلام

صحت الاسنتكم



محاوره من الوزن الثقيل


تقبل مروري

[ابراهيم الجـــــذع]

هلا وغلا أخوي أبو البيرق

صح بدنك يا الغالي

اشكرك على الإطراء

شرفني مرورك